لقاء مع عضو!!!!!!!!!

مبروك على الورطه
سؤالي الج

1: شنو رأئيك بل انسان الفضولي والي يريد يعرف كلشي ؟
2: شنو اسوا صفة بيك واحلى صفة بيك من وجهة نضرك؟
3: شنو رأئيك بهل مثل مو كل ما يلمع ذهب ؟
4: امنية تمنيتها بحياتك ومصارت ؟
ياريت تكون اسالتي سهله

يااااااااااااااااسو ايمي يعني اني اجيت ويايه كم سؤال
احم احم :

1- شنو رأيج بمنتدانا ؟؟
حلوووو بوجود الاعضاء
2- وجهي كلمة الى:
* المشرفين
* الاعضاء [ندعوك للتسجيل في المنتدى أو التعريف بنفسك لمعاينة هذه الصورة]


اني احبكم ومعا من اجل المنتدى
3- ما الذي ينقص منتدى ارادن من وجهة نظرك؟
شويه حركه وتغير بالستايل حتى يجذب الزوار
4- ثلاث وردات المن تهديها ؟؟
ماكو احد معين ماعرف المن بالظبط للكل
5- شنو الشي اللي يعجبج بشخصيتج
ما احب احد يزعل مني وكلبي طيب
6- شنو رأيج بـــ جوج هع ؟؟
فد وغففففففف ماكو تكها
هع تخبل
7- ممممممم شنو رأيج بالمشاكل بين ثنين يحبون بعض ؟؟
لكل مشكله حل وبالحب يصير خير
8- راح انطيلج اسماء اعضاء وانتي كولي شنو رأيج بيهم
او اوصفيهم بفد كلمة

جوج يعني اني هع هع ..؟؟
اختي اكبر مني بسنه
ماكي ..؟؟
احبها واحسها حنينه
نيران ..؟؟
مختفيه هالفتره احبها
سالار ..؟؟
ياااااااااابه على ابو السوس بس نتناكر بس ورده مال الله
ملاذ ..؟؟
دااااادي حلو وحبوب
ليث ..؟؟
صديق سالار ويريد يسوي حرب عليه هع
سلمان ..؟؟
احسه حكيم بحجيه
دودو ..؟؟
حياااااااااااتي اختي دودو اموت عليها
ايفا ..؟؟
لبيييييييييي افونه هم اختي وتخببببل
سيلفا ..؟؟
احبها كلش وهم اختي بس مو بالحقيقه
اخ عامر ..؟؟
مدير الموقع
اخت سهيلة ..؟؟
احبها هوايه واحترمها
جيفان ..؟؟
ما اعرف شبي ويايه بس ينتقدني هع وادهره اكوله جوفيان
بعـــــــــــد منوووووو منوووووو
اي
دينا ..؟؟
دينا مجنت اعرفها عرفتها بالمنتدى احبها
اخ ادمون ..؟؟
دائما يهديلي فواكه
كرستينا ..؟؟
تخببببل كلش احبها
اخ فوزي ..؟؟
اله دور مهم كلش بالمنتدى
هند ..؟؟
احبها من جنت بارادن ورده
9- شنو رأيج بالقمر ؟؟
قمة الرومنسيه
10 - شنو الشي اللي تريدين اتسوي ومتكدرين ؟؟
ماااا اجاوب

وليييييي عودة
هلاااااااااااااااا بيج

هاااااااااااااااي ايميييييييييي لبي شلوونج اكيد زينة هع هع
يعني اجيت ويايه سؤال بس لا دوخين واذا تريدين مساعدة اني
بذيج الغرفة صيحيني ومن بطن عيني اسااعدج
يلا بس خلي نبدي
احم احم :
هلوووو حياتي جوج

اول صوره حسيت بنيه وحيده وتدشوف نقطة امل وتريد توصلها

ثاني صوره حب وحزن

ثالث صوره حبيب دينطي الامان لحبيبته او اخ لاخته نفش السي
وشكراااا تحياااااااتي

هاي ايمي شلونج عيني


اولا:اكول ايمي .....شراح دكولين على عضو يدخل يقرا مواضيعج ويطلع بلا مايكول كلمه او يشارك برأي او فد تشجيع صغير؟
فهل تسمي :

حرامي\ه...
او متسلل\ه...
او بدون احساس..
بدون ذوق...
تعبان\ه...
او راح دكولين ميهمني...

او عندج تسميه غير هذه التسميات ...

ثانيا:تتعاركين انتي وجوليا؟؟؟؟
اذا تتعاركون شلون ,,,بوكسات لو جر شعر؟؟؟

ثالثا : اريد تحجيلي موقف محرج؟


تحياتي

هاي ايمي شلونج عيني
يااااااااااااااا هلا بابو السلون زينه انت شلونك

اولا:اكول ايمي .....شراح دكولين على عضو يدخل يقرا مواضيعج ويطلع بلا مايكول كلمه او يشارك برأي او فد تشجيع صغير؟
فهل تسمي :

حرامي\ه...
او متسلل\ه...
او بدون احساس..
بدون ذوق...
تعبان\ه...
او راح دكولين ميهمني...

او عندج تسميه غير هذه التسميات ...
هههههههههههههههه اكول يكرهني ويغار هع لالا عادي حريه شخصيه الي ميريد يضيف عادي مو شرط يرد
ثانيا:تتعاركين انتي وجوليا؟؟؟؟
اذا تتعاركون شلون ,,,بوكسات لو جر شعر؟؟؟
ههههههههههههههههه اي نتعارك بس منمد ايدينه بس حجي يعني نفخ هع
ثالثا : اريد تحجيلي موقف محرج؟
مره رحنا السنتاكمه تعرفها طبعا ف اكو حراس مال القصر هذوله الي يوكفون بلا حركه ف ردنه نكعد بالكع وناخذ صوره يمهم هذوله صدفت ويا كعدتنه مو يظربون الرشاشه بالكع صدفت ويا كعدتنه احنا كعدنه وهمه ظربوها طبعا شنو الفزه متتخيل اريد افلت ما اعرف شلون حرت بروحي والناس بوعت فد استحيت ماكو هيج

يعني هذا الي تذكرته ما اعرف بعد


تحياتي
كل الهلا بيك

شكرا حبي على اجوبتج لاسئلتي وانتي العسل يا عسل وشكرا الج على الورده والاغنيه كلج ذوق لبي..
بس عندي سؤال واحد صار من البارحه مدوخني
انتو بالبيت 3 خوات الله يخليكم لبعض بس كوليلي شلون تقسمون وقتكم يعني قابل كل وحده منكم عدها كومبيوتر طبعا هذا الشي مو مستحيل بس مااعرف المهم يعني شلون مقسمين وقت الكومبيوتر على كل وحده وهم تتعاركون على ياوحده منكم دورها...؟؟؟
وشكرا الج تحياتي..

شكرا حبي على اجوبتج لاسئلتي وانتي العسل يا عسل وشكرا الج على الورده والاغنيه كلج ذوق لبي..
بس عندي سؤال واحد صار من البارحه مدوخني
انتو بالبيت 3 خوات الله يخليكم لبعض بس كوليلي شلون تقسمون وقتكم يعني قابل كل وحده منكم عدها كومبيوتر طبعا هذا الشي مو مستحيل بس مااعرف المهم يعني شلون مقسمين وقت الكومبيوتر على كل وحده وهم تتعاركون على ياوحده منكم دورها...؟؟؟
وشكرا الج تحياتي
هلا بيج حياتي

حلو سؤالج طبعا احنا عدنه لابتوبين بالبيت واحنا اربع بنات نكعد علي من جان واحد اي جنه نتناكر بس من جابولي واحد لا صار الوكت يا بلاش ف اي وكت موجود واي وكت نكدر نكعد وشكرااااااا حياتي

شكرا ايمي على اجوبتج الحلوه

اعتقد الاعضاء ما عندهم اسئله بعد....
واذا تريدين تختاريلنا عضو جديد حتى نجلب بيه....


تحياتي

هلو بيج ماكي يمعود منورة سألي الي تريدي صدددددددك جذذذذذذب يا ألله

1 سؤال احب اسئله لكل عضو يدخل باللعبة وهو
من هو المسيح بالنسبة لك
[ندعوك للتسجيل في المنتدى أو التعريف بنفسك لمعاينة هذا الرابط]
ألراعي والخريطة الي تعرفني طريقي واسمة المسيح الي دااحملة اني وانتي وكل الاخوان المسيحين

2 وين ساكن بالعراق
ساكن ابغداد وبالبتاويين تحديدا

3 شنو دا تدرس وشد تحب تصير
دا أدرس أدارة اعمال وأتمنى اصير رجل اعمال ادعيلي

4 تحب السفر للخارج وليش
بصراحة أي لان مبقالي احد كرايبي واصدقائي وشباب اخويتي بالكنيسة كلهم طلعوا وبقيت وحدي

5 ليش تحب تاكل بقوتا هوايه خخخخخخخخخخخخخخخخخخخخخخخ
لان احبهاااااا يعني مستعد اخلص قصخنتا كاملة منها ومن جنت صغير

6 شلون تحب تكون اميرة حياتك
اممممم طبعا مو شرط تكون حلوة اهم شي يمي تحترمني وتحبني اكثر من ما احبها وتكون هادئة وحنونة ومخلصة وتوكف وياية بوكت الشدة وأم بيت خخخخ

7 من هو مثلك الاعلى
كل انسان ناجح أعتبرة مثل

8 تحب الحيوانات المنزلية
لاااااع مو كلش ماريد ازعاجااااات

ومشكورة على الاسئلة الحلوة وشوكت متريدين اني موجود سألي بكيييييييييييييييييييفج خخخخخ
تحياتي

هلو سالار شلونك شلونهم الاهل انشاء الله زينين سلامي للكل احب اسالك كم سؤال نبدي ....يا الله
اولا_ ليش كلت تحب انو اميرتك لازم تحبك اكثر مما انت تحبها .؟.
ثانيا_ شلون دتعيش ابغداد بهالضروف الصعبه وشلونها بتاويين امان وتكدر تطلع وتدخل براحتك.؟.
ثالثا_ شنو رأيك بحياتنه هايه وتصور اكو عدل بها الدنيا؟
هايه الاسئله الي ابالي هسه طبعا راح ارجعلك وانشاء الله ربي يوفقك وتحقق الي تريده...

هلو كرستينا احنا زينين الحمد لله ونسال عليكم
يا ألله
اولا_ ليش كلت تحب انو اميرتك لازم تحبك اكثر مما انت تحبها .؟.
لان احس اكون مالك الدنيا ومابيهه اشوف حبها احسها اشوف خوفها علية ولهفتها لوجودي وياهه اني يعجبني تدللني طبعا وبنفس الوكت اقدملها اغلى ماعندي

ثانيا_ شلون دتعيش ابغداد بهالضروف الصعبه وشلونها بتاويين امان وتكدر تطلع وتدخل براحتك.؟.
يعني تكدرين تكولين مكضيها والبتاووين يوم عن يوم دتصير انكس وبالنسبة للامان والطلعة فذولي انسيهم لان اذا طلعت اطلع من بيتنا لو للكلية بايام الدوام لو لبيت خالي او لبيت خالتي واكون بالبيت اول متضلم الدنيا العصر ف تصوري هالعيشة

ثالثا_ شنو رأيك بحياتنه هايه وتصور اكو عدل بها الدنيا؟
يعني صدكي مااعرف شكول بخصوص حياتنا لان يمكن غيري يخالفني بالرأي بس بخصوص العدل فلا ماكو عدل بهالدنيا لان لو اكو عدل جان كدرنا شوية نرتاح من هالحروب والمصايب والفراق والاحزان الي ترستنا بس هم نكول الف الحمد لله والشكر وانشاء الله تفرج

وشكرا تينا على المرور اللطيف والاسئلة الحلوة وهمينة مري شوكت متريدين وسألي الي يعجبج
تحياتي الج وللعائلة

شلونك اخوي سالار....جبتلك كم سؤال


اولا: شوكت كانت اخر مره رحت بيها لاراذن

ثانيا: شلون تعيش الناس في اراذن حاليا

ثالثا: هل حصلت لك الفرصه للسفر ولم تسافر للخارج, ام فكره لم تفكر فيها حاليا؟

رابعا:هل ضروف العمل في العراق نحو الاحسن , ام على ما هي ضئيله جدا؟

خامسا: في مكان دراستك ( كليه او جامعه) هل الطلبه المسلمين يستهزئون من الطلبه المسيحين
ويتعرضون لهم ؟
سادسا: ما هو اسوء حدث حصل امامك في الشارع مثلا

سابعا : ما هو اجمل حدث حصل امامك



ارجو انني لم ازعجك بأسئلتي

تحياتي

هلو بيك اخوية العزيز انت شلونك؟
يلا ابدي اجاوبك

اولا: شوكت كانت اخر مره رحت بيها لاراذن
أخر مرة جنت باردان جانت العام رحت من شهر السادس وبقيت للتاسع ورجعت

ثانيا: شلون تعيش الناس في اراذن حاليا
يعني بصراحة العيشة جانت صعبة واغلب العوائل مجانت دتلكي شغل بس كفاية تكون بين اهلك وناسك وكرايبك فتلكيهم متونسين الكبار تلكاهم متجمعين بمكان وديلعبون طاولي لو كونكان والنسوان عصرونياتهم وجاياتهم والشباب طوبة واخوية بس هسة شوية شوية دتفرغ لان ديسافرون

ثالثا: هل حصلت لك الفرصه للسفر ولم تسافر للخارج, ام فكره لم تفكر فيها حاليا؟
فرصة مجايتلي لحد الان بصراحة بس اني امنيتي اسافر وادعيلي تجيلي فرصة طبعا وية اهلي

رابعا:هل ضروف العمل في العراق نحو الاحسن , ام على ما هي ضئيله جدا؟
بصراحة ضروف العمل دتتحسن واكو زيادة بالرواتب للموضفين بس الي يشتغلون بالقطاع الخاص بالكوة ديشوفون شغل والشغل الزين تلكا بالاماكن الخطرة او بالمشروبات الي هي خطرة طبعا بس شنو فايدتها أذا عايشين بهيج ضروف كلها خوف

خامسا: في مكان دراستك ( كليه او جامعه) هل الطلبه المسلمين يستهزئون من الطلبه المسيحين
ويتعرضون لهم ؟
لا اطلاقا بالعكس اصلا محترمينا اخر احترام واني ماعندي بشعبتي ولد مسيحيين كلهم أسلام وكلهم مثل ميكولون اصدقاء بمعنى الكلمة

سادسا: ما هو اسوء حدث حصل امامك في الشارع مثلا
يعني قبل سنتين تقريبا جنت كاعد بالمحل الي جنت اشتغل بي مالموبايلات واكو بصفي جامة على طول السقف وجنت دااشتغل عالحاسبة وصار انفجار بعد 20 مترة عني تقريبا اني مسويت شي بس باوعت عالجامة وكلت خلص انتهيت راح توكع وتنكسر براسي بس الحمد لله موكعت وطلعت بالباب شفت المصايب الي صايرة والناس الواكعة هذا جان الحدث

سابعا : ما هو اجمل حدث حصل امامك
بصراحة خانتني الذاكرة ههههههه من اتذكر اكلك

وأكيــــد انت مسويت ازعاج بالعكس مرورك كلش حلو وخفيف
تحياتي الك اخوية

هاي سالار شلونك ومبروك على ورطه
عندي جم سؤال الك

1_ ما هو رائيك بالصداقه بين الشاب والبنت ..؟
2_ هل ترى أن الحياة من دون حب ممكن ان تعيش بها ..؟
3_ ما مدى أهتمامك بالشعر ,, وهل أنتَ من محبيه ..؟
4- هل تؤمن بوجود الحب عن طريق ألنت ..؟

شكرا اشوفك مره ثانيه

ياهلا ومية هلا بكرستينا خلي اجاااااوب اسألتج

اولا_ لمن تحس نفسك مضايق حيل المن تلجئ ومنو اقرب شخص الك وترتاح من تحجيله عن الاشياء الي مضوجتك؟
من جنت صغير ولحد هسة احجي كل شي عني لملاذ ابن خالي

ثانيا_ اذا صارت عندك فرصة سفر بس وحدك بدون اهلك راح تقبل وبرايك اهلك راح يخلوك تسافر وحدك؟
يعني طبعا بموافقة اهلي ليش لا اطلع واحاول اكون نفسي واسويلي مستقبل

ثالثا_ ستحب اكثر شي الافلام الاجنبيه لو العربيه وشنو هو الفلم الي شفته وعجبتك قصته هوايه ؟
ثنينهم عربية واجنبية والي يعجبني هو فلم لبراد بيت اسمة تروي القصة مالتة كلش حلوة واذا العربي فاكو هواية افلام كوميدية تعجبني

رابعا_ هل انت انسان طموح وشنو هدفك بالحياة؟
أكيد ماكو انسان ماعندة طموح يوصل لشي يتمنا واني تركيزي هسة على شهادتي لان هاي اخر سنة وانشاء الله الله يوفقني واشتغل بيها

خامسا_ شتعني العائله بنظرك؟
تعنيلي امي وابوية واخوتي واسمي وشغلي ودراستي والسند الي امشي علي

وشكرا تينا على الاسئلة الحلوة والمرور العطر وبالعكس لادوختيني ولا شي
تحياتي

يابشيناااا بخاثن اززتا دودو مشتااااااقوووون خلي اشوف اسألتج

1_ ما هو رائيك بالصداقه بين الشاب والبنت ..؟
شي حلو يكون بين ولد وبنية صداقة ترتاحلة ويرتاحلها وتكون بيناتهم ثقة متبادلة وطبعا اني دااحجي على صداقة مو غير شي

2_ هل ترى أن الحياة من دون حب ممكن ان تعيش بها ..؟
يعني تمشي شغل هههههههههه بس هو بصورة عامة ماكو احلى من الحب وهو الي يحلي الحياة

3_ ما مدى أهتمامك بالشعر ,, وهل أنتَ من محبيه ..؟
اكيد احبة وماكو احد ميحب الشعر بس مع الاسف مطلعت عندي الموهبة الي تخليني اكتب

4- هل تؤمن بوجود الحب عن طريق ألنت ..؟
لا أكيد ولو اكو علاقات دتنجح بس اني ماحبها ولا اشجعها لان ماكو شي ملموس ولا طرف مشايف الثاني ولايعرف علي اي شي لا ماضي لا حاضر لاشي

وشكرااا دودو على مرورج العطر والحلو واشوووفج

[/b]

مرحبااااااااااااا اني مريت وكلت افوت اوغف شويه

1.بكم منتدى مشترك غير منتدانا

2.اكثر شي يضحكك واكثر شي يبجيك

3.لون مفضل

4.اسم بنت مفضل

5.اسم ولد مفضل

6.اقرب شخص بالبيت الك ولازم شخص واحد

7.تشوف نفسك من النوع الشباب الي يتنحسون عاللبس

8.وين تتمنى هسه تروح بهل لحظه

9.تحب اسمك

10.شنو الدرس الي تعلمته من الحياة

11.احلى وقت عندك

12.تعتقد اللبس حريه شخصيه

13.شنو عيوبك وشنو الحلو بشخصيتك

14.احلى كلمه سمعتها ومن منو

15.شنو نقطة ضعففففففف سااااالار

16.شنو الشي اذا صار تكول لزموني من ايدي التوجعني يعني شي يصير بيك
وشكرااااااااا حاليا بس ذوله هم كول تعاي مري
[ندعوك للتسجيل في المنتدى أو التعريف بنفسك لمعاينة هذه الصورة]

هلا بيهممممممممم نورتي اصلاااا

1.بكم منتدى مشترك غير منتدانا
ولا منتدى بس ارادن وكل صبنا

2.اكثر شي يضحكك واكثر شي يبجيك
افلام عادل امام ومسرحياتة والي يبجيني كل موقف محزن واي واحد اشوفة يبجي من يكون متاثر بشي

3.لون مفضل
كل الالوان الهادئة والفاتحة

4.اسم بنت مفضل
يعني اكو اسماء هواية حلوة ممخلي ابالي اسم مفضل

5.اسم ولد مفضل
يعجبني اسميييي خخخ

6.اقرب شخص بالبيت الك ولازم شخص واحد
سيــــلفا أختـــي

7.تشوف نفسك من النوع الشباب الي يتنحسون عاللبس
اني مااحب البس شي من هذولي الفيكات والمشككة وهالسوالف مال هسة يعجبني البس شي مرتب بس هم نحس ماللبس اي شي

8.وين تتمنى هسه تروح بهل لحظه
للمكان الي اريد اروحلة خخخ

9.تحب اسمك
سالار ومعنا الشجـــاع اموت على اسمي

10.شنو الدرس الي تعلمته من الحياة
دروس مثل الاحترام التقدير الاستفادة من الوقت وتعلمت انو اذا اريد شي لازم اتعب واضحي حتى اوصلة

11.احلى وقت عندك
الليل وتحديدا من العشرة لل1 او2

12.تعتقد اللبس حريه شخصيه
كل واحد وذوقة واكيد حريتة الشخصية بس كلشي بأصول

13.شنو عيوبك وشنو الحلو بشخصيتك
عيبي انو اني عصبي بس من احد يضوجني واتنرفز بسرعة وماأسمع كلاام والحلو بية انو بسرعة اهدة ومن اكون هادي تشوفين مني اي شي حلو

14.احلى كلمه سمعتها ومن منو
من امي من نجحت كالتلي شكرا ابني دخلت الفرحة لكلبي حسيت نفسي ملك

15.شنو نقطة ضعففففففف سااااالار
اميليا كعدي عاقلة ماكووول

16.شنو الشي اذا صار تكول لزموني من ايدي التوجعني يعني شي يصير بيك
يعني اذا اني قافل على شغلة وحلفني احد بناس اقبل بسرعة خخخخ وبعد ماكول

وشكرااا ايمي على الاسئلة الحلوة
تحياتي

ياهلا بسالار عندي جم سؤال
1-شلونه الكليه من ناحيه الدراسه سهله لو صعبه
2- شلونهم صبايا الكليه وعندك علاقات صداقه ويه الصبايا
3-صادفه وياك انو بنيه من بنات الكليه الحلوات منسقه وياك
4-شيكون شعورك دائما وانت دتستلم النتيجه (اكيد متنحسد)
5-تشجع علاقات الحب الي اتصير بلكليه وبنظرك اتكون ناجحه

ياهلة ومليون هلة بأيفا شنو هالاسئلة كلها علاقاااات هههههههههه
خلي ابدي اجاوب

1-شلونه الكليه من ناحيه الدراسه سهله لو صعبه
هي مرحلة اولى وثانية تمشي شغل لاسهلة ولاصعبة بالثالثة بدت الصعوبة وهسة بعد مشايف الرابع شلون راح يصير بس انشاء الله خير

2- شلونهم صبايا الكليه وعندك علاقات صداقه ويه الصبايا
شبيهم بنات الكلية زينات وأكـــيد عندي علاقات صداقة واخوة طبعااا هااا بس ماكو علاقة حب

3-صادفه وياك انو بنيه من بنات الكليه الحلوات منسقه وياك
يعني صارت بية العام بس جانت البنية مسلمة ومصار شي بس مجرد بلحضتها من جتي حجينا وخلص

4-شيكون شعورك دائما وانت دتستلم النتيجه (اكيد متنحسد)
بدون شك وضع لا احسد عليه كلة خوف وقلق وخاصة واني مراسب ولا سنة ف اكيد اخاف

5-تشجع علاقات الحب الي اتصير بلكليه وبنظرك اتكون ناجحه
ليش لا تصير هواية واغلبيتها ناجحة خاصة للي متعرفين وعارفين بعض وتصير بيناتهم علاقة

وشكرا ايفا على الاسئلة الحلوة والصعبـــــــــــة ههههههههههه
تحياتي

هلة هلة هلة بشينا ثيلخ خلتي كرجية

1- شنو رأيك بالحياة
حلوة بس نفهمهاا

2- شنو هي اغلى هدية اجتك
ماكول

3- من هو الشخص الذي غير مجرى حياتك
هم ماكول

4- ماهي التجربه اللي استفدت منها?
يعني ماكو تجربة محددة دخلت بيها بس الشغل اكثر شي

5- كلمة الطيبة والحنان لمن تهديها ؟
أمـــــي

6-كلنا بشر وكلنا نغلط سؤالي هو شنو هي اكبر غلطة سويتها؟؟
يعني هواية عندي اغلاط مو وحدة وثنين

7- لو رجع بك العمر 10 سنوات .. شنو اكثر شيء تتمنى تغيرينه؟؟
يمكن جان حاولت اقرة اكثر حتى احصل شهادة اكبر بس الحمد لله والشكر

وهلا بيج جوجو بأي وقت

مرحباااااااااااا انا هولي ثيلي

1.ليش مجاوبت على ثالث ورابع سؤال مال جوج

2.من منو احلى هديه اجتك

3.شنو البنيه بالنسبه السالار

4.وليش مجاوبت شنو نقطة ضعف سالار اريد اعرف جاوب

5.تحس نفسك محضوض

6.منو اعز اصدقاء وصديقات سالار

7.احلى فتره بحياة انت

8.شنو رايك بالغرور وتشوف نفسك مغرور

9.احد اغلاطك ومتريد اتكررها

10.شنو الشي اذا صار تحس نفسك مالك الدنيا

كافي هسه طلابه الله يساعدك