أرادن وكل صبنا :: Araden and all Sapna

عزيزي الزائر الكريم ... انت لم تقم بتسجيل دخول بعد ، انقر على الدخول..
او على التسجيل ان لم تكن بعد مسجل كعضو في منتديات ارادن وكل صبنا

انضم إلى المنتدى ، فالأمر سريع وسهل

أرادن وكل صبنا :: Araden and all Sapna

عزيزي الزائر الكريم ... انت لم تقم بتسجيل دخول بعد ، انقر على الدخول..
او على التسجيل ان لم تكن بعد مسجل كعضو في منتديات ارادن وكل صبنا

أرادن وكل صبنا :: Araden and all Sapna

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
أرادن وكل صبنا :: Araden and all Sapna

أهلا وسهلا بكم

اهلا وسهلا بكم في منتديات أرادن وكل صبنا 

+11
selva_s
christina sana
فوزي شموئيل بولص الارادني
سهيلة جرجيس القصاب
Amer Yacoub
dodo rayis
julia rayis
eva john
amelia rayis
Margriet
سلمان داود ياقو صنا
15 مشترك

    لقاء مع عضو!!!!!!!!!

    سلمان داود ياقو صنا
    سلمان داود ياقو صنا
    عضو مميز
    عضو مميز


    ذكر عدد الرسائل : 1141
    العمر : 48
    الدولة : Canada, Windsor
    تاريخ التسجيل : 03/03/2008

    لقاء مع عضو!!!!!!!!! Empty لقاء مع عضو!!!!!!!!!

    مُساهمة من طرف سلمان داود ياقو صنا الجمعة سبتمبر 05, 2008 12:36 am

    لقاء مع عضو!!!!!!!!!

    مرحبا بالاخوات والاخوان في المنتدى شلونكم وشخباركم

    حتى نتعمق في علاقاتنا في هذا المنتدى ونعرف شخصياتنا ونتقرب اكثر....
    شنو رأيكم نختار عضو ونسأله اسئله.
    يعني اي سؤال يجي في بالنه حتى اذا كانت اسئله شخصيه ,,,بس من حق العضو المختار ان لا يجاوب على الاسئله الشخصيه وكل الي عليه هو ان يهملها وماكو اي احراج....
    وبعد ما يخلص العضو المختار من الاجابه على كل الاسئله, يقوم نفس العضو بأختيار عضو جديد وبعدين نسأل اسئله جديده للعضو الجديد وهكذا



    بس الي مخترع الفكره (يعني اني )ماكو داعي تسألو ...هذا قانون اللعبه.........( لا...لا دا اشاقه)

    واذا اكو عضو لم يفهم الفكره ارجو السؤال واني راح اشرحها مره ثانيه

    يارب تعجبكم ونشارك كلنا بيها لا تقرأ وترحللللللللللللللللل هاااااااا (ممنوع)


    خلينه نبدي بمدير المنتدى الاستاذ عامر


    شلونك اخويه عامر شخبارك بعد.....عاش من شافكم....شتريكت ...شتغديت وشراح تتعشه اليوم هههههههه
    هذه ما جانت الاسئله..............
    ابدي بالاسئله

    شلون بدت فكره منتدى اراذن

    هل انت مرتاح في المانيه ام تريد ان تتركها يوم من الايام

    هل تحن للعوده الى العراق يوم من الايام

    ما رأيك في المشاكل في العراق واذا كان الحل في يدك ماذا كنت سوف تفعل

    ما رايك بالرئيس العراقي الحالي

    من هو اقرب صديق الك



    يلله اخويه.... جاوب
    قد يكون لي اسئله اخره ,,,,لم انتهي بعد ( راجعلك اخويه)

    طبعا اللي يريد يسأل خلي يسأل من هسه
    والعضو المختار ياخذ راحته من ناحيه الوقت الى ان يجيب على كل الاسئله , مو شرط يخلص على كل الاسئله في يوم او يومين ,فقط تطول الى ايام ( ما مستعجلين ماكو ورانه شي )وطبعا مثل ما كلنا ,بعد ما تخلص كل الاسئله, يختار العضو الاسبق عضو جديد للقاء معه.....






    تحياتي
    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف Margriet الجمعة سبتمبر 05, 2008 2:00 pm

    عاشت ايدك سلمان cheers لعبة كلششششششششششششششششششش حلوة bounce

    واني همين عندي سؤال للأخ عامر شلووووووووووووووووووووووون تعرفت على اختنا العزيزة كمالة
    Wink

    تحياتي flower
    amelia rayis
    amelia rayis
    مشرف
    مشرف


    انثى عدد الرسائل : 8459
    العمر : 34
    الدولة : Jordan
    الدولة : 0
    تاريخ التسجيل : 14/12/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف amelia rayis الجمعة سبتمبر 05, 2008 11:27 pm

    الفكره فعلا حلوه عجبتني عاشت ايدك ونتمنى يتفاعلون كل الي بالمنتدى
    واني عندي اسأله1_ اخ عامر شتحب يطلعون ولد من يكبرون
    2_وشنو جان حلمك وانت صغير شجنت اتريد اتصير من تكبر
    3_جنت شاطر بالمدرسه؟ وكم مره راسب او طالع مكمل؟
    وعذرا على الاطاله والاساله الهوايه

    (اخ سلمان اذا ردنه نسأل بعد لنفس العضو نكدر؟)
    سلمان داود ياقو صنا
    سلمان داود ياقو صنا
    عضو مميز
    عضو مميز


    ذكر عدد الرسائل : 1141
    العمر : 48
    الدولة : Canada, Windsor
    تاريخ التسجيل : 03/03/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف سلمان داود ياقو صنا الجمعة سبتمبر 05, 2008 11:51 pm

    شكرا لتفاعلمكم ماكي وأيمي


    اخت أيمي... اي طبعا تكدرين تسألين اي سؤال انتي أكتبي وأخ عامر يجاوب




    تحياتي
    avatar
    eva john
    عضو مميز
    عضو مميز


    انثى عدد الرسائل : 672
    العمر : 43
    الدولة : يونان|اثينا
    تاريخ التسجيل : 20/03/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف eva john السبت سبتمبر 06, 2008 11:45 am

    حلوه الفكره سلمان
    ودائما افكارك غريبه وحلوه
    julia rayis
    julia rayis
    مشرف
    مشرف


    انثى عدد الرسائل : 4908
    العمر : 36
    الدولة : عمان
    تاريخ التسجيل : 21/12/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف julia rayis السبت سبتمبر 06, 2008 2:33 pm

    تسلم ايدك ع العبة يعني نكدر نسأل غير عضو موو صح ؟؟؟
    سلمان داود ياقو صنا
    سلمان داود ياقو صنا
    عضو مميز
    عضو مميز


    ذكر عدد الرسائل : 1141
    العمر : 48
    الدولة : Canada, Windsor
    تاريخ التسجيل : 03/03/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف سلمان داود ياقو صنا السبت سبتمبر 06, 2008 8:11 pm

    شكرا أيفا و جوليا لتفاعلكم ويانا

    بالنسبه لسؤالج اخت جوليا:
    بالبدايه لازم اخ عامر يجاوب على كل اسئلة الاعضاء ومن تخلص كل الاسئله بعدها اخ عامر راح يختار عضو جديد وبعدين كل الاعضاء يبدون يسألون العضو الجديد
    وبعد انتهاء العضو الجديد من الاجابه على كل الاسئله يقوم هذا العضو بأختيار عضو آخر للقاء معه

    حاليا اخت جوليا اذا عندج اسئله لاخ عامر , تكدرين تسأليه هسّه..



    بس نتمنى عامر يكون يعرف باللعبه حتى نبلش


    تحياتي
    سلمان داود ياقو صنا
    سلمان داود ياقو صنا
    عضو مميز
    عضو مميز


    ذكر عدد الرسائل : 1141
    العمر : 48
    الدولة : Canada, Windsor
    تاريخ التسجيل : 03/03/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف سلمان داود ياقو صنا الأربعاء سبتمبر 10, 2008 2:15 am

    هاي وينك عامر ؟؟؟
    dodo rayis
    dodo rayis
    عضو مميز جدا


    انثى عدد الرسائل : 4898
    العمر : 39
    الدولة : Jordan_
    تاريخ التسجيل : 08/02/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف dodo rayis الجمعة سبتمبر 12, 2008 10:50 pm

    شكرا سلمان على لعبه
    لو تغير عضو مو احسن اظاهر اخ عامر مشغول و حتى يصير تفاعل بل لعبه
    سلمان داود ياقو صنا
    سلمان داود ياقو صنا
    عضو مميز
    عضو مميز


    ذكر عدد الرسائل : 1141
    العمر : 48
    الدولة : Canada, Windsor
    تاريخ التسجيل : 03/03/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف سلمان داود ياقو صنا السبت سبتمبر 13, 2008 5:43 am

    فعلا اخت دودو كلامج صحيح

    يمكن الاخ عامر مشغول...


    طيب اني راح اختار اختنا العزيزه ماركريت...

    اجب على كل الاسئله وبدون ترك

    ماذا يعني لكي شهر الثاني عشر من كل سنه ؟

    اي الاعياد يعجبكي اكثر الولاده ام القيامه ولماذا؟

    هل هناك من الاقارب او الاصدقاء الذين لا ترينهم وتشتاقين اليهم كثيرا ,من هم ولماذا تشتاقين اليهم؟
    عددي اثنان فقط وان لم يوجد اثنان عددي خمسه؟afro

    لو قلت لكي بغداد ...ماذا سوف تقولين؟

    ننتضر الاجوبه وكما قلنا على مهلك ماكو ورانا شي...

    ولا تنسين الي الحق ان اسأل مره ثانيه اسئله جديده.....


    يلله شباب وشابات اسألو ما تشائووووووووووووووون



    تحياتي
    dodo rayis
    dodo rayis
    عضو مميز جدا


    انثى عدد الرسائل : 4898
    العمر : 39
    الدولة : Jordan_
    تاريخ التسجيل : 08/02/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف dodo rayis السبت سبتمبر 13, 2008 6:10 pm

    هاي ماكي اني سؤالي كلش سهل هو
    منو اكثر واحد تحبين ب هل دنيا ؟؟؟؟؟
    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف Margriet السبت سبتمبر 13, 2008 6:16 pm

    إي مو تدلل سلمان انت وكل الاعضاء الغاليين راح اجاوب على كل اسئلتكم وبدون ترك Mad ومن عيوني Wink
    بس هذا لقاء مع عضو يعني لازم البس واتشيك للمقابلة مووووووووووووووو لو مووو خخخخخخخخخخخخخخخخ
    راح اجاوب على الاسئلة عن قريب واذا تكولون ليش راح اجاوبكم هيجي خباثة ههههههههههههههه
    [ندعوك للتسجيل في المنتدى أو التعريف بنفسك لمعاينة هذه الصورة]

    تحياتي
    avatar
    Amer Yacoub
    Admin
    Admin


    ذكر عدد الرسائل : 1690
    العمر : 58
    العمل/الترفيه : مدير الموقع
    الدولة : المانيا
    تاريخ التسجيل : 15/08/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف Amer Yacoub السبت سبتمبر 13, 2008 8:58 pm

    اولا شكرا على هذه المساهمة الجميلة اخوي سلمان
    وثانيا اسف جدا علىالتاخير على الرد ..

    والان ناتي على الرد على الاسئلة
    احم احم...

    Cool Cool


    س ..شلون بدت فكره منتدى اراذن

    ج.. اها اكولك شلون..من خلال علاقتي بالكومبيوتر والانترنت ..طبعا علاقة شريفه
    وميولي الى ان يكون لي صفحات مختلفة على الانترنت من ناحية
    من ناحية ثانية كنت اشوف باقي الملل المختلفة سوا عراقية او غير عراقية
    لهم لقاءات ومناسبات واماكن يجتمعون فيها ويلتقون دوما مع بعضهم البعض.
    ومن جانب اخر انا نفسي لم انسى في يوم من الايام اني عراقي ارادني ولكن للاسف ليس لي علاقات مع الارادنينن ولا اعرف الكثير منهم
    ومن هذه الاسباب مجتمعة تولدت فكرة انشاء هذه الصفحة
    هسه عرفت اخوية!!!



    س..هل انت مرتاح في المانيا ام تريد ان تتركها يوم من الايام

    ج.. اكيد الحمد لله جدا مرتاح.. وانا منذ 1994 هنا ولايعوزني ولاينقصني شى
    حيث ارى في المانيا صورة من العالم النموذجي
    امان، استقرار،حرية، نظام،احترام،
    لكل شئ قيمته الانسان، الحيوان، الجماد
    طبعا الشعب الالماني شوية شعب صعب.. حيث معروف عن الفرد الالماني شدة انتمائه لوطنه وتقوقه على نفسه.. والغريب غير مرحب به جدا في المجتمع نوعا ما
    احيانا اشبه هذه الحالة بالمصريين ايام زمان بالعراق شلون جنه وياهم
    ولكن الحمد لله استطعت التغلب على هذه المشكلة .. وذلك بتفهم المشكلة
    وتعلم اللغة والتواصل والعمل مع الالمان.. بحيث اصبح لي الكثير من العلاقات مع اللامان وبمجالات عديدة
    اهم شي عدم التقوقع والتغلب على مشكلة اللغة الصعبة


    س..هل تحن للعوده الى العراق يوم من الايام

    ها هسه لازم نتفلسف شوي afro study
    اخوية.. احلى ايام حياتي قضيته في العراق وخاصة ايام الجامعة في البصرة للفترة من 1982 ولغاية1987
    ايام اتخيلها احيانا حلم.. ايام وسنين لا توصف
    السندباد .. العشار ..الجزائر..مكان احلى من مكان
    وبغداد فحدث ولا حرج
    هذا كله اصبح حلم
    الواقع الان شئ اخر الكل يعرفه.. وبهذا الواقع الموجود بصراحة لا اتمنى العودة
    للعيش بالعراق
    يعجبني دائما بين فترة واخرى زيارة العراق .. وخاصة ارادن




    س..ما رأيك في المشاكل في العراق واذا كان الحل في يدك ماذا كنت سوف تفعل

    للاسف الشديد ان يصل حال العراق على ماهو عليه اليوم وغدا
    المفروض ان يكون العراق جنة الشرق الاوسط.. السبب ما وصل اليه العراق طبعا هو مخلفات النظام البعثي
    وعدم وجود الانتماء الحقيقي للبلد.. العصابات التي تحكم البلد.. اختفاء الشعور القومي والوطني
    التخلف الشديد والجهل الذي انتشر في وقت كان في العراق العلماء والنابغة والوطنينين ليس عبر التاريخ القديم فقط وانما خلال التاريخ الحديث جدا.
    اما كيف كنت احلها فصدقتي ليس امر معقد وصعب ان يصبح العراق جنة الشرق الاوسط
    طبعا ليس خلال سنة.. ولكن حتما منذ سنة 2003 ولغاية الان كان المفروض ان يتحقق ذلكك بنسبة 70%
    الاهتمام بالعلم والمدارس والجامعات
    الاهتمام بالقضاء والقانون
    الاهتمام بشؤن العائلة والمراءة والطفل
    الاهتمام وضمان الصحة والعمل
    التعامل مع دول العالم المتطورة وادخال نظامها وعلمها وتقنياتها للبلد


    س..ما رايك بالرئيس العراقي الحالي
    jocolor jocolor
    هاهاهاها صدك ضحكتني..هو الريس فين؟؟؟
    هو منو الريس وكم ريس اكو الله يخيلك خليه سكته

    س..من هو اقرب صديق الك

    بالحقيقة هذه الكلمة افتقدها منذ خروجي من العراق.. ففي الغربة للاسف صعب اذا لم يكن مستحيل
    ان تحصل على صديق
    بمعنى الكلمة والتي كنا نعرفها ايام العراق
    لي اصدقاء كثيرين هنا وفي العالم والحمد لله ..من الاصح ان نطلق عليهم كلمة معارف وليس اصدقاء
    فالعلاقات الان هي فقط علاقات هشة تعتمد على ظرف او حالة او سبب
    ومثل ما نكول كل واحد مشغول بنفسه
    اما اصدقائي الحقيقين التي كنا ايام زمان مرتبطين فللاسف انتشروا في بقاع العالم
    والحمد لله لازلنا نتواصل احيانا مع بعض عن طريق التليفون والانترنت


    شكرا عزيزي سلمان


    عدل سابقا من قبل Amer Yacoub في السبت سبتمبر 13, 2008 9:27 pm عدل 2 مرات
    avatar
    Amer Yacoub
    Admin
    Admin


    ذكر عدد الرسائل : 1690
    العمر : 58
    العمل/الترفيه : مدير الموقع
    الدولة : المانيا
    تاريخ التسجيل : 15/08/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف Amer Yacoub السبت سبتمبر 13, 2008 9:06 pm


    واني همين عندي سؤال للأخ عامر شلووووووووووووووووووووووون تعرفت على اختنا العزيزة كمالة

    اخت ماركريت
    هاااااااا
    سالتيني
    اني اكولج..
    اللاب الخير اولا



    الجواب

    بصراحة ورطتني... اااااقصد العفو العفو عرفتني عليه
    زوجة اخوية اكرم، ياسمين .. لانه كانت صديقته لما جانوا بالاردن
    وصارت قسمة والحمد لله والشكر
    وانشائلله لكل واحد ووحدة ابعدهم مامتورط..... ااقصد بعدهم ما متزوجين
    ان ينالون قسمتهم


    وشكرا على السؤال
    تحياتي


    عدل سابقا من قبل Amer Yacoub في السبت سبتمبر 13, 2008 9:32 pm عدل 1 مرات
    avatar
    Amer Yacoub
    Admin
    Admin


    ذكر عدد الرسائل : 1690
    العمر : 58
    العمل/الترفيه : مدير الموقع
    الدولة : المانيا
    تاريخ التسجيل : 15/08/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف Amer Yacoub السبت سبتمبر 13, 2008 9:23 pm

    هلو اميلي
    سلام
    خوش اسئلة .. وتريدين جواب مو؟؟
    بسيطة وتدللين




    اخ عامر شتحب يطلعون ولد من يكبرون
    الجواب..
    بصراحة بصراحة لو يحققون اللي ماكدرت احققه اني.. افرح جدا
    اتمنالهم اولا الصحة والسعادة والعمر الطويل
    واحب اشوف مارفن قاضي
    وميلفا صحفية او مجال اعلام
    والباقي على الله وعليهم


    وشنو جان حلمك وانت صغير شجنت اتريد اتصير من تكبر
    الجواب
    اييييي ..الاحلام جانت هواية
    بس بصراحة جنت احب دائما اصير استاذ جامعي


    جنت شاطر بالمدرسه؟ وكم مره راسب او طالع مكمل؟
    الجواب
    هسه شنو هل احراج.. يعني تريدين طلعين الاوراق المضموموة
    الصدك الصدك
    مراسب ولا طالع اكمال لحد ما تخرجت من الجامعة
    جنت بكل الدروس كلش زين بس مشكلتي وعلتي جانت درس العربي


    شكرا على الاسئلة
    سلامي وتحياتي
    amelia rayis
    amelia rayis
    مشرف
    مشرف


    انثى عدد الرسائل : 8459
    العمر : 34
    الدولة : Jordan
    الدولة : 0
    تاريخ التسجيل : 14/12/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف amelia rayis السبت سبتمبر 13, 2008 9:33 pm

    شكرا على اجابتك اخ عامر واسفه على الاحراج راح اجيب الاسأله الاقوه هههههه اتشاقه وياك
    وانشاء الله ياربي ولدك يحققون الي مصارت فرصه وحققته انت وتكون فخور بيهم
    واكول ولد اتو نوال على منو طالعين شطار عرفنه السر Wink
    julia rayis
    julia rayis
    مشرف
    مشرف


    انثى عدد الرسائل : 4908
    العمر : 36
    الدولة : عمان
    تاريخ التسجيل : 21/12/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف julia rayis الأحد سبتمبر 14, 2008 12:00 am

    هااااااااااااي اخ عامر اريد اسألك كم سؤااااااال يعني اكيد مو محرجة نيااااااا
    نبدي :
    جنت تعرفها لزوجتك قبل الزواج ؟؟؟
    يجي يووم وتفكر انوو تسدة للمنتدى ؟؟؟
    شنو اكثر اكلة تحبها.؟؟
    شكد وزنك هسه ؟؟
    نفكررررررر شوية ونرجع نسأل هع هع
    تحياتي الك
    avatar
    Amer Yacoub
    Admin
    Admin


    ذكر عدد الرسائل : 1690
    العمر : 58
    العمل/الترفيه : مدير الموقع
    الدولة : المانيا
    تاريخ التسجيل : 15/08/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف Amer Yacoub الأحد سبتمبر 14, 2008 1:14 am

    هلوو جوليا
    كول يالله.. ولكل سؤال جواب

    جنت تعرفها لزوجتك قبل الزواج ؟؟؟
    لا..عرفتها بعد الزواج ههههههههههه
    لالا الصدك انه كانت صديقة زوجة اخوية مثل ماكلت سابقا
    وهي عرفتني عليه طبعا قبل الزواج
    واستمرت علاقتنا لفترة تقريبا السنة قبل الزواج
    بص صدك المعرفة الحقيقية كانت بعد الزواج
    والحمد لله كانت معرفة صالحة

    يجي يووم وتفكر انوو تسدة للمنتدى ؟؟؟
    هذا السؤال لعمره ماخطر على بالي
    لانه من طبعي لما اسوي شي.. ما اسويه حتى بعدين اذبه
    فبسبب من عندي لا يمكن ولو التفكير بان اسد المنتدى
    ولكن لظروف خارجة عن ارادتي فهذه يم الله

    شنو اكثر اكلة تحبها.؟؟
    ايييييييييي وكعت على الجرح
    كوتل دوكة طبعا

    شكد وزنك هسه ؟؟
    اخير مرة وزنت بيه واللي جانت قبل 5 دقائق
    كللي الميزان يابه انت وزنك
    75 كلغم
    يعني رشيق



    تحياتي لكل الاهل
    julia rayis
    julia rayis
    مشرف
    مشرف


    انثى عدد الرسائل : 4908
    العمر : 36
    الدولة : عمان
    تاريخ التسجيل : 21/12/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف julia rayis الأحد سبتمبر 14, 2008 1:28 am

    يعني اجيت مرة ثانية واريد اسألك كم سؤال بس اهم شي
    لا تضووج من عدنا
    نبدي :
    شنو الشي اللي تتمنى يصير هسه بهاية الدقيقة ؟؟
    لمنو مشتاق اكثر شي وانت بغربتك ؟؟

    واكيد لنا عودة بس هم لازم شوية نفكر scratch
    سلمان داود ياقو صنا
    سلمان داود ياقو صنا
    عضو مميز
    عضو مميز


    ذكر عدد الرسائل : 1141
    العمر : 48
    الدولة : Canada, Windsor
    تاريخ التسجيل : 03/03/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف سلمان داود ياقو صنا الأحد سبتمبر 14, 2008 6:03 pm

    مشكور اخ عامر على الايجابه و ممنون لتفاعلك مع اللعبه...


    يلله اخوان اعضائنا الحلوين ...وين اسئلتكم لمدير منتدانا؟؟؟؟

    يعني معقوله ماكو اسئله عن المنتدى او اسئله عامه ؟؟؟؟


    وهذا سؤال مني :-

    هل هناك اقسام جديده قادمه في المستقبل في منتدى ارادن ؟
    سلمان داود ياقو صنا
    سلمان داود ياقو صنا
    عضو مميز
    عضو مميز


    ذكر عدد الرسائل : 1141
    العمر : 48
    الدولة : Canada, Windsor
    تاريخ التسجيل : 03/03/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف سلمان داود ياقو صنا الأحد سبتمبر 14, 2008 6:09 pm

    شكرا اخت ماكي لتلبيه الطلب

    وطبعا اللي يريد يسئال ماركريت يستطيع ايضا
    هسه صار عدنا عامر وماركريت ......ثنين بمكان ما عدنا عضو واحد.... Cool


    سؤال الج اخت ماكي

    ما هو اهم قسم الج والذي دائما تزورينه في المنتدى؟
    وما هو القسم الذي لا تهتمين فيه او قلّه ما تزورينه؟
    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف Margriet الأحد سبتمبر 14, 2008 6:21 pm

    اني صار عندي اعفاء من الاسئلة الي جانت موجهة إلي خخخخخخخخخخخخخخخخ

    اخونا العزيز عامر عندي سؤال واحد لالالالا اثنين ما راح اكثر من الاسئلة حتى لا انطرد من المنتدى
    [ندعوك للتسجيل في المنتدى أو التعريف بنفسك لمعاينة هذه الصورة]

    السؤال الاول اذا ربحت مليون يورو شنو راح تسوي بيها وبصراحة تامة [ندعوك للتسجيل في المنتدى أو التعريف بنفسك لمعاينة هذه الصورة]
    السؤال الثاني تساعد كمالة باشغال البيت احياناً وبمسؤلية الاطفال الصعبة [ندعوك للتسجيل في المنتدى أو التعريف بنفسك لمعاينة هذه الصورة]
    وطبعاً اذا اكو احراج عندك حق بعدم الاجابة ولو احنا نريد الجواب خخخخخخخخخخخخخخ

    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف Margriet الأحد سبتمبر 14, 2008 6:23 pm

    صار عيني سلمان اليوم راح اجاوب على كل الاسئلة
    يلا الزمو سرى واسئلوا ترى ما كو وكت راح نعزل خخخخخخخخخخخخخخخخخخخخ
    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty اجوبة على اسئلة سلمان

    مُساهمة من طرف Margriet الأحد سبتمبر 14, 2008 6:52 pm


    ماذا يعني لكي شهر الثاني عشر من كل سنه ؟

    بصراحة يعني لي الكثير لان فيه ولادة سيدي العظيم يسوع المسيح وهذه الولادة هي ولادتي انا وكل المسيحين فبولادته ولدنا نحن ايضاً ولادة جديدة وجاء الذي سوف يصالحنا مع الله ويمحي خطايانا
    اي الاعياد يعجبكي اكثر الولاده ام القيامه ولماذا؟
    مستحيل اختار لان اثنينهم الهم معاني كبيرة عندي واحبهم اثنينهم وهم قريبين الى قلبي ففي عيد القيامة وبقيامة المسيح من بين الاموات فتح باب السماء لنا واصبح لنا رجاء عظيم بمجئ سيدنا المسيح مرة ثانية
    هل هناك من الاقارب او الاصدقاء الذين لا ترينهم وتشتاقين اليهم كثيرا ,من هم ولماذا تشتاقين اليهم؟
    عددي اثنان فقط وان لم يوجد اثنان عددي خمسه؟

    اني جان اشياقي الكبير الى امي الحبيبة ووالدي الغالي بس همه رحلوا عن هذا العالم واصبحوا في امان مع الرب يسوع المسيح واشتاقي حالياً الى اختي الاصغر مني فهي قريبة جداً مني ومن افكاري وامنيتي ان اشوفها واشتاق ايضاً الى معلمتي وامي الروحية ماسير عطور التي علمتني الكثير وامنيتي ان اراها وارتمي في احضانها
    لو قلت لكي بغداد ...ماذا سوف تقولين؟
    اسفي والامي ودموعي على بغداد وما حصل لها ادعوا لها ان تصحوا من الغيبوبة والكابوس الذي تعيش فيه لترى السلام والامان ويرجع الى احضانها من يحبها ويشتاق اليها

    ما هو اهم قسم الج والذي دائما تزورينه في المنتدى؟
    بصراحة اني اهم قسم الي هو التثقيف المسيحي وصلوات وترنيم لانها مهمة عندي ومحببة الى قلبي وطبعاً اقسام اخرى تخص
    المراة وقسم الالعاب لانه يقربني من الاعضاء واحس انه احنا كاعدين سوى

    وما هو القسم الذي لا تهتمين فيه او قلّه ما تزورينه؟

    والاقسام الي ما ازورها نهائياً وما ادخلها هي الاخبار والاخبار الرياضية من العراق ما احبها لانه صدك تعقدنا من الاخبار

    هاي جانت اجوبتي لاسئلتك سلمان واذا عندك بعد اني مستعدة ولك مني الف تحية

    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty جواب على سؤال دودو

    مُساهمة من طرف Margriet الأحد سبتمبر 14, 2008 7:04 pm

    منو اكثر واحد تحبين ب هل دنيا ؟؟؟؟؟
    الدرجة الاولى والاساسية الهي وربي يسوع المسيح نور حياتي
    واحب كل الناس واهلي وزوجي حبيبي كل واحد واله محبته الخاصة وما اكدر احدد لان محبتي للكل وإلكم انتوا همين
    I love you

    ولكِ مني كل الحب
    avatar
    Amer Yacoub
    Admin
    Admin


    ذكر عدد الرسائل : 1690
    العمر : 58
    العمل/الترفيه : مدير الموقع
    الدولة : المانيا
    تاريخ التسجيل : 15/08/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف Amer Yacoub الأحد سبتمبر 14, 2008 9:41 pm


    اسئلة من جوليا
    شنو الشي اللي تتمنى يصير هسه بهاية الدقيقة ؟؟
    لمنو مشتاق اكثر شي وانت بغربتك ؟؟


    الجواب

    هسه هسه اتمنى لو فد كوب جاي من هذا الثقيل
    لانه كلش دايخ وتعبان
    واكثرواحد مشتاقله بغربتي او بالاحرى مفتقده لانه ما عندي كل اخبار عنه
    هو صديق الطفولة واللي اعتقد بانه الان اصبح طبيب اختصاص دماغ حسب ما سمعت عنه هو صديقي صلاح


    الاخ العزيز سلمان يسال
    هل هناك اقسام جديده قادمه في المستقبل في منتدى ارادن ؟

    الجواب

    بالحقيقة عزيزي هي الفكرة اللي عنده ليست فقط اضافة اقسام جديدة
    وانما تطوير المنتدى بشكل افضل.. ولكن المسالة تحتاج الى مجهود ووقت وشركاء متمكنين تقنيا واداريا



    الاخت ماركريت تسأل
    السؤال الاول اذا ربحت مليون يورو شنو راح تسوي بيها وبصراحة تامة [ندعوك للتسجيل في المنتدى أو التعريف بنفسك لمعاينة هذه الصورة]
    السؤال الثاني تساعد كمالة باشغال البيت احياناً وبمسؤلية الاطفال الصعبة


    الجواب

    هسه انت انطيني المليون وشوفي شراح اسوي بيهم..السؤال الاول
    لالا الصدك، اني مفكر بهل موضوع. اللي اسوي ان اوزع على اخواني مبلغ كل واحد 50000
    اساعد اقاربي حسب الحاجة
    والباقي قسم استثمره في مشروع تكنلوجيا الانترنت وقسم اصرفه على بيتي وعائلتي
    والباقي اسوي ضمان لولدي
    السؤال الثاني.. تريدين الصراحة لو بنت عمتهه؟
    يعني اكلج الصراحة اساعده باعمال البيت حسب وقت فراغي وخاصة الطبخ لانه يعجبني
    وبامور الاطفال فالمسؤلية علينا نحن الاثنين
    سلمان داود ياقو صنا
    سلمان داود ياقو صنا
    عضو مميز
    عضو مميز


    ذكر عدد الرسائل : 1141
    العمر : 48
    الدولة : Canada, Windsor
    تاريخ التسجيل : 03/03/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف سلمان داود ياقو صنا الإثنين سبتمبر 15, 2008 4:52 am

    eva john كتب:حلوه الفكره سلمان
    ودائما افكارك غريبه وحلوه


    شكرا اختي ايفا عالمجامله


    بس اكيد عندج خوش اسئله ...واحنه منتضرين



    تحياتي
    سهيلة جرجيس القصاب
    سهيلة جرجيس القصاب
    عضو مميز
    عضو مميز


    انثى عدد الرسائل : 645
    العمر : 64
    تاريخ التسجيل : 24/12/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف سهيلة جرجيس القصاب الإثنين سبتمبر 15, 2008 12:37 pm

    سلام الى الجميع 00
    سلمان تعيش على هذهِ الفكرة 0
    بعد التحية 000بعض الأسئلة الى الأخت ماركريت :_

    1. هل هناك شيء كنتِ تتمنين ان يتحقق ولم يحدث؟
    2.ماهي المواضيع القريبة الى نفسكِ او ما هي نوع الكتب التي تحبين قرأتها ؟
    3.ماهو الشيء الذي يُفرحكِ , وما هو الشيء الذي يُحزنك ؟
    4.اي مرحلة من العمر في حياتكِ تقولين لن انساها وهي اجمل مرحلة في حياتي ؟
    5.هل تؤمنين بشيء اسمهُ الحظ ؟
    6.هل خدمك منتدى ارادن بيشيء بدون مجاملة اذا نعم , بماذا .و اذا لا , لماذا ؟
    7.أطرف موقف حدث لكِ لكي نختتم بضحكة ؟

    واتمنى ان لا اكون قد اثقلت عليكِ عزيزتي مركريت0
    ملاحظة مهمة الأجابة على جميع الأسئلة يعني ماكو ترك 0
    julia rayis
    julia rayis
    مشرف
    مشرف


    انثى عدد الرسائل : 4908
    العمر : 36
    الدولة : عمان
    تاريخ التسجيل : 21/12/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف julia rayis الإثنين سبتمبر 15, 2008 3:06 pm

    هاي حياتي ماكي شلونج اريد اسألج كم سؤال
    نبدي احم احم :
    شنو اكثر امنية تتمنين تتحقق ؟؟
    شنو رأيج بأعضاء المنتدى ؟؟
    منو اكثر عضو تحبي ؟ اذكري الاسم ؟؟
    منو هو العضو اللي متستلطفي ؟؟
    شنو احلى شي صار بحياتج ؟؟
    اختصري كتاب حياتج بكلمتين فقط ؟؟

    واكيد لنا عودة هع هع بس اتمنى متضوجي خلي نفتر ونرجع
    جايبلج كم سؤال
    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty اجوبة على اسئلة سهيلة

    مُساهمة من طرف Margriet الإثنين سبتمبر 15, 2008 3:35 pm

    1. هل هناك شيء كنتِ تتمنين ان يتحقق ولم يحدث؟
    اجل هناك شئ تمنيته ولم يتحقق هو ان يصلوا امي وابي عندي لأهتم بهم ولكن مع الاسف لم يحصل ولحد الان اتالم لهذا الشئ
    2.ماهي المواضيع القريبة الى نفسكِ او ما هي نوع الكتب التي تحبين قرأتها ؟
    المواضيع الروحية والايمانية بصورة خاصة وبالنسبة للكتب بالدرجة الاولى الكتاب المقدس والقصص والروايات
    3.ماهو الشيء الذي يُفرحكِ , وما هو الشيء الذي يُحزنك ؟
    الذي يفرحني هو ان لا اسمع اي خبر سيئ عن اي انسان سواء كان قريبي ام لا
    والذي يفرحني ان ارى العالم في سلام وايضاً ان ارى اختي صغيرتي وحبيبتي

    والاشياء التي تحزنني كثيرة فانا من النوع الذي يتاثر بسرعة عندما ارى في التلفاز الدول الفقيرة على سبيل المثال افريقيا الاطفال الذين يموتون من الجوع
    وبلدي العراق وما يعانيه من ظلم ومآسي فليس بيدي غير الصلاة لهم واطلب من الرب يسوع المسيح ان يفتح ابواب رحمته الواسعة على كل العالم
    4.اي مرحلة من العمر في حياتكِ تقولين لن انساها وهي اجمل مرحلة في حياتي ؟
    هي مرحلة عمري من 16 الى 25 هي احلى فترة في حياتي فيها كانت دراستي في المعهد وفي هذه الفترة كنت في اليونان وكانت اجمل فترة في حياتي تعرفت على افرام وصارت قصة حبنا وتزوجنا I love you

    5.هل تؤمنين بشيء اسمهُ الحظ ؟
    لا ابداً أُؤمن بما كتبه الله لنا
    6.هل خدمك منتدى ارادن بيشيء بدون مجاملة اذا نعم , بماذا .و اذا لا , لماذا ؟
    اكيد خدمني واني احبه هوايه لانه عرفني وقربني اكثر من عشيرة زوجي وحسيت نفسي اني وحدة منهم
    كلهم وبلا مجاملة ورود
    flower

    7.أطرف موقف حدث لكِ لكي نختتم بضحكة ؟
    هههههههههههههههههههههههههههههههههههههههههههههه اني ضحكت كبل ما احجي لان ذكرتيني باحلى موقف صار في حياتي جنت باليونان وكتها ويونان معروفة مليانه شوارعها العفو جلاب واني مو بس اخاف من الجلاب اموت رعبة منهم وجنت طالعة دا اتمشى واشتريت نستلة لان اشتهيتها هوايه والجو حلو وما اسمع الا صوت خربشة ورايه وباوعت يمه جلبaffraid
    شسوي هسه وما اريد اركض لان اذا ركضت راح يركض ورايه وكمت انطيله شوية شوية من النستلة مالتي وهو مكيف ودا ياكل ودا يجي ورايه ودا يلزك بيه واني دا اكمز من الخوف الى ان خلصت النستلة هسه شسوي هذا ما دا يجوز مني ما كو غير حل لازم اركض وحضرت نفسي واشلع اني اركض وهو ورايه الى ان وكفه واحد واحلى شي كام يرزله دا يكله شكو عندك دا تركض وراها واني كملت وياه وكلت حتى النستلة مالتي اكلها الجوعي خخخخخخخخخخخخ
    شكراً عزيزتي سهيلة وابد ما ثكلتي بالاسئلة بالعكس اسئلتج جانت حلوة
    هذا ولكِ مني كل الحب

    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty اجوبة على اسئلة جوليا

    مُساهمة من طرف Margriet الإثنين سبتمبر 15, 2008 3:57 pm

    هاي عمري جوجو واهلاً بيج وباسئلتج
    واني همين راح ابدي اجاوب احم احم
    شنو اكثر امنية تتمنين تتحقق ؟؟
    ان نكون احنا المسيحيين في بلد واحد لان كافي مليت من الغربة و الفراق
    واتمنى ان يكون لأفرام معرض خاص بيه حتى يعرض لوحاته الفنية
    شنو رأيج بأعضاء المنتدى ؟؟
    بصراحة وبدون مجاملة روووووووووووووووووعة وكلهم طيبين وحبوبين واني احبهم هوايه
    منو اكثر عضو تحبي ؟ اذكري الاسم ؟؟
    والله احبكم كلكم واموووووت عليكم وكلكم صرتوا في قلبي I love you وخاصة انتوا البنات العسل
    منو هو العضو اللي متستلطفي ؟؟
    بصراحة ماكو لان كلنا صرنا اهل
    شنو احلى شي صار بحياتج ؟؟
    ارتباطي بحبيبي افرام
    اختصري كتاب حياتج بكلمتين فقط ؟؟
    الله محبة
    ولكِ مني كل الحب
    flower
    سهيلة جرجيس القصاب
    سهيلة جرجيس القصاب
    عضو مميز
    عضو مميز


    انثى عدد الرسائل : 645
    العمر : 64
    تاريخ التسجيل : 24/12/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف سهيلة جرجيس القصاب الإثنين سبتمبر 15, 2008 5:01 pm

    تسلمين عزيزتي ماركريت على الأجوبة 00 اعتذر على سؤالي الأول من خلال اجابتكِ احسستُ انك تألمتِ 00ايتها العزيزة والداكِ الأن يحتاجون الرحمة والصلاة فقط وحتما" الأن هم ايضا"يُريدون لكِ راحة البال والضمير من ناحيتهم 00 هل كنت تستطيعين فعل شيء ولم تفعلهِ ؟ الله اراد هذا الشيء وانت مؤمنة 0 فعلا"اضحكتيني على جوابك الأخير طلعتِ اجبن من اسماعيل الياسين 0 والله يعوضج على النستلة صدك جوعي sunny
    julia rayis
    julia rayis
    مشرف
    مشرف


    انثى عدد الرسائل : 4908
    العمر : 36
    الدولة : عمان
    تاريخ التسجيل : 21/12/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف julia rayis الإثنين سبتمبر 15, 2008 5:42 pm

    ههههههههههههههههههههههههههههههههههه طبعا فعلا ماكي اهنا مليانة جلاب يمييييييييي يخوفون affraid

    صدك اني اجيت ويايه كم سؤال يا ماكي الحلووة I love you
    نبدي احم احم :

    وين جنتي كاعدة بيونان وشنو رأيج بيها ؟؟
    شنو اكثر اكلة تعجبج ؟؟
    شنو هي الكلمة اللي تحبين تسمعيها دائما من زوجج ؟؟
    من تكونين متضايقة شتسوين ؟؟
    dodo rayis
    dodo rayis
    عضو مميز جدا


    انثى عدد الرسائل : 4898
    العمر : 39
    الدولة : Jordan_
    تاريخ التسجيل : 08/02/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف dodo rayis الإثنين سبتمبر 15, 2008 7:09 pm

    هاي ماكي شلونج وسؤالي اليج

    شلون اتعرفتي على زوجج ؟؟
    شنو الموضوع الي قريتي بلمنتدى وحسيتي قريب على قلبج ؟؟
    لو انتي مو بالمانيا يادوله تتمنين تكونين؟؟
    تحياتي اليج ياحلووووه I love you
    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف Margriet الإثنين سبتمبر 15, 2008 8:16 pm

    عزيزتي سهيلة ماكو داعي للإعتذار بالعكس اسئلتج عجبتني واشكرج هوايه على جوابج الجميل
    والله يجعل ايامج كلها سعادة وافراح وضحك


    تقبلي تحياتي وحبي flower
    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty جواب على اسئلة جوليا

    مُساهمة من طرف Margriet الإثنين سبتمبر 15, 2008 8:30 pm

    عمري جوجو اسئلي شكد ما تريدين انت تأمرين


    وين جنتي كاعدة بيونان وشنو رأيج بيها ؟؟
    جنت كاعدة برستيري شارع زاخاريو مو صفحة جون كندي صفحة البانزيخانة ورائيي بيها احلى واجمل بلد شفته بحياتي كلها وبيه احلى واطيب ناس بصراحة جنت مرتاحة هوايه هناك وابد ما ضجت جنت احس اني بين اهلي واعتبره بلدي الثاني
    شنو اكثر اكلة تعجبج ؟؟
    برياني وكتلت دوكي
    شنو هي الكلمة اللي تحبين تسمعيها دائما من زوجج ؟؟
    اممممممممممممممممممممممممم خجلتيني Embarassed حبيبي وحياتي انتِ
    من تكونين متضايقة شتسوين ؟؟
    اصلي

    هذا جان جوابي على اسئلتج يا حياتي لكِ كل الحب
    I love you
    يله إلي بعدوا خخخخخخخخخخخخخ Suspect
    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty جواب على اسئلة دودو

    مُساهمة من طرف Margriet الإثنين سبتمبر 15, 2008 8:48 pm

    هاااااااااااااااااااااااااااي حبي دودو
    شلون اتعرفتي على زوجج ؟؟
    اتعرفت عليه باليونان وجان جيران صديقتي مرة رحت يمها وما جانت بالبيت وهو جان واكف بالشباك واني ادك الجرس وماكو احد بعدين كلي هوا مو بالبيت تريدين اكللها شي كتله لا شكراً جان يريد يعرف اسمي
    لان صار حب من اول نظرة Wink كلما اروح يم صديقتي اشوفه واكفلي بالشباك وبعدين عرفت انه فنان وطلبت منه يرسملي لوحة لان اني احب الفن هوايه ورسملي وبعدين اتطورت العلاقة وصارت علاقة حب بينه Rolling Eyes وعاشوا عيشه سعيدة cheers
    شنو الموضوع الي قريتي بلمنتدى وحسيتي قريب على قلبج ؟؟
    بصراحة ماكو موضوع محدد اكو عدة مواضيع حسيتها قريبة مني
    لو انتي مو بالمانيا يادوله تتمنين تكونين؟؟
    بصراحة جان حلمي استراليا يم اختي بس ما صارت لان انرفضنا

    هذا جان جوابي على اسئلتج كرذيامو دودو
    I love you
    فوزي شموئيل بولص الارادني
    فوزي شموئيل بولص الارادني
    المشرف العام
    المشرف العام


    ذكر عدد الرسائل : 11750
    العمر : 61
    الدولة : المانيا /Bad kreuznach
    الدولة : 0
    تاريخ التسجيل : 07/10/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف فوزي شموئيل بولص الارادني الإثنين سبتمبر 15, 2008 10:41 pm

    شكرا للاخ سلمان على هذا الموضوع الذي يقربنا اكثر واكثر
    واريد ان اوجه بعض الاسئلة للاخ عامر والاخت ماركريت
    الاخ عامر
    السؤال الاول ماهو اجمل بلد زرته ولماذا؟؟؟؟؟؟
    السؤال الثاني لو لو تكن بالمانيا فاي بلد كنت تتمنى ان تكون به؟؟؟؟؟؟؟؟؟؟؟؟؟؟
    السؤال الثالث هل هناك صديق اقرب اليك من اخوتك او اقربائك؟؟؟؟؟؟؟؟؟؟؟؟
    وشكرا للاخ عامر
    الاخت ماركريت
    السؤال الاول ماهو اكثر مكان في اليونان مشتاقة اليه؟؟؟؟؟؟؟؟؟؟؟
    السؤال الثاني ما هو اقرب الالوان اليك؟؟؟؟؟؟؟؟؟؟؟؟
    السؤال الثالث ماهي اجمل لوحة رسمها افرام وتعجبك دائما ؟؟؟؟؟؟؟؟؟؟
    وشكرا للاخت ماركريت




















    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty جواب على اسئلة فوزي

    مُساهمة من طرف Margriet الإثنين سبتمبر 15, 2008 11:16 pm

    يا هلا بالاخ فوزي

    السؤال الاول ماهو اكثر مكان في اليونان مشتاقة اليه؟؟؟؟؟؟؟؟؟؟؟
    بصراحة كل يونان مشتاقتلها وخاصة بحرها بهدوئه وهيجانه
    السؤال الثاني ما هو اقرب الالوان اليك؟؟؟؟؟؟؟؟؟؟؟؟
    الوردي والبراون
    السؤال الثالث ماهي اجمل لوحة رسمها افرام وتعجبك دائما ؟؟؟؟؟؟؟؟؟؟
    احب لوحات افرام كلها وبصورة خاصة لوحة الآلآم للسيد المسيح ولوحة اخرى وهي للبحر

    وشكراً إلك اخ فوزي وتقبل مني تحياتي
    avatar
    Amer Yacoub
    Admin
    Admin


    ذكر عدد الرسائل : 1690
    العمر : 58
    العمل/الترفيه : مدير الموقع
    الدولة : المانيا
    تاريخ التسجيل : 15/08/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف Amer Yacoub الثلاثاء سبتمبر 16, 2008 8:05 pm

    اسئلة موجهة من الاخ فوزي..


    السؤال الاول ماهو اجمل بلد زرته ولماذا؟؟؟؟؟؟
    السؤال الثاني لو لو تكن بالمانيا فاي بلد كنت تتمنى ان تكون به؟؟؟؟؟؟؟؟؟؟؟؟؟؟
    السؤال الثالث هل هناك صديق اقرب اليك من اخوتك او اقربائك؟؟؟؟؟؟؟؟؟؟؟؟


    1-اجمل بلد بالحقيقة زرته هو الفاتيكان
    2-بالحقيقة كان هدفي قبل الوصول الى المانيا هو السويد
    3- حاليا اقصد في الغربة فاخواني اقرب الي..لانه صعب ان تجد الصديق بمعنى الكلمة في الغربة
    فوزي شموئيل بولص الارادني
    فوزي شموئيل بولص الارادني
    المشرف العام
    المشرف العام


    ذكر عدد الرسائل : 11750
    العمر : 61
    الدولة : المانيا /Bad kreuznach
    الدولة : 0
    تاريخ التسجيل : 07/10/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف فوزي شموئيل بولص الارادني الثلاثاء سبتمبر 16, 2008 10:48 pm

    الاخت ماركريت والاخ عامر شكرا على اجوبنكم
    تحياتي
    avatar
    eva john
    عضو مميز
    عضو مميز


    انثى عدد الرسائل : 672
    العمر : 43
    الدولة : يونان|اثينا
    تاريخ التسجيل : 20/03/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف eva john الثلاثاء سبتمبر 16, 2008 11:15 pm

    سلمان جان ابودي اسأل بس يمكن وصلت متاخره مسوين هجوم على الاخ عامر وماكي بل اسأله
    خليها على عضو الجديد واني انشاء الله ابدي
    الله ايساعدج ماكي Rolling Eyes
    dodo rayis
    dodo rayis
    عضو مميز جدا


    انثى عدد الرسائل : 4898
    العمر : 39
    الدولة : Jordan_
    تاريخ التسجيل : 08/02/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف dodo rayis الأربعاء سبتمبر 17, 2008 6:58 pm

    سلمان وين العضو الجديد مو خطيه اخ عامر وماكي مو داخو Shocked
    سلمان داود ياقو صنا
    سلمان داود ياقو صنا
    عضو مميز
    عضو مميز


    ذكر عدد الرسائل : 1141
    العمر : 48
    الدولة : Canada, Windsor
    تاريخ التسجيل : 03/03/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف سلمان داود ياقو صنا الأربعاء سبتمبر 17, 2008 11:06 pm

    الضاهر ماكو من يسأل بعد...



    حسب قوانين اللعبه ...هسّه دور ماركريت لاختيار عضو جديد للقاء معه...



    فاتفضلي اختي ماكي اختاريلنا عضو(طبعا شوكت ما تكونين مستعده)



    تحياتي
    julia rayis
    julia rayis
    مشرف
    مشرف


    انثى عدد الرسائل : 4908
    العمر : 36
    الدولة : عمان
    تاريخ التسجيل : 21/12/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف julia rayis الخميس سبتمبر 18, 2008 10:56 am

    يلالالالالالالالالالا ماكي كلنا دننتظر حتى نعلس العضوووو اللي بعدج بالاسئلة نيااااااااااااا
    Margriet
    Margriet
    مشرف
    مشرف


    انثى عدد الرسائل : 5558
    العمر : 46
    الدولة : المانيا
    تاريخ التسجيل : 18/01/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف Margriet الخميس سبتمبر 18, 2008 1:12 pm

    إي مو تدللون سلمان وجوجو راح اختار عضو هاي احسن شغله [ندعوك للتسجيل في المنتدى أو التعريف بنفسك لمعاينة هذه الصورة] خخخخخخخخخخخخخخخخخ
    يلا انزلوا لي جوا حتى تعرفون منو هوا [ندعوك للتسجيل في المنتدى أو التعريف بنفسك لمعاينة هذه الصورة]
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *
    *

    العضو المختار هي حياتي جوليا من البارحة مخليتج ابالي [ندعوك للتسجيل في المنتدى أو التعريف بنفسك لمعاينة هذه الصورة]
    وراح ابدي اني بالاسئلة وراح اقسمها الى اجزاء وهي عبارة عن اسئلة متنوعة

    السؤال الاول : شلوووووووووووووووووووون تريدين يكون فارس احلامج Wink
    السؤال الثاني : كم لديكِ من الاخوة والاخوات
    السؤال الثالث : ماذا يعني لكِ السيد المسيح شخصياً
    السؤال الرابع : الى اي بلد تتمنين ان تصلين
    السؤال الخامس : متى بدأت موهبة كتابة الشعر عندك وهل تتمنين في المستقبل ان يكون لديك الكتاب الخاص بكِ وباشعاركِ
    وماذا سيكون اسم الكتاب
    study
    حالياً راح اكتفي بخمسة اسئلة ويلا حبيبتي جاوبي اوقات طيبة اتمناها لكِ I love you
    بس لا اكون ثكلت عليج بالأسئلة واذا ثكلت كوليلي حتى اخففها خخخخخخخخخخخخخخخخخ
    تحياتي وحبي لكِ وللكل cheers
    julia rayis
    julia rayis
    مشرف
    مشرف


    انثى عدد الرسائل : 4908
    العمر : 36
    الدولة : عمان
    تاريخ التسجيل : 21/12/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف julia rayis الخميس سبتمبر 18, 2008 3:35 pm

    حياتي ماكي شكرااااااااا على الورطة هع هع
    وتدللين عمرررررري شكد متريدين سألي
    خلي نبدي نجاوب احم احم :

    السؤال الاول : شلوووووووووووووووووووون تريدين يكون فارس احلامج Wink
    ممممممممممم يكون حلوووو ومؤدب ومثقف هاي اهم شي
    يحترمني .. ويسويني ملكة واكون كلشي بحياتة
    السؤال الثاني : كم لديكِ من الاخوة والاخوات
    عندي اخ واحد و6 خوات ويايه نصير 7 cheers
    السؤال الثالث : ماذا يعني لكِ السيد المسيح شخصياً

    راح اختصر اجابت هذا السؤال بكلمتين واكول
    السيد المسيح هو كلشي بحياتي من دونة اكيد ما اكدر
    اكمل حياتي لان هو سندي بوقت ضيقي

    السؤال الرابع : الى اي بلد تتمنين ان تصلين
    احب ان اروح اي مكان بي استقرار واهم شي اكون ويه عائلتي

    السؤال الخامس : متى بدأت موهبة كتابة الشعر عندك وهل تتمنين في المستقبل ان يكون لديك الكتاب الخاص بكِ وباشعاركِ
    وماذا سيكون اسم الكتاب
    study
    صارلي سنتين اكتب شعر واكيد اتمنى بالمستقبل يكون اللي كتاب
    وانشاء الله احقق هذا الحلم
    وبصراحة ممفكرة بأسم الكتاب بس اكيد راح يكون فد شي خنفشاري
    ويطلع انفلاقة هع

    وبسسسسسسس
    bounce
    christina sana
    christina sana
    عضو مميز
    عضو مميز


    انثى عدد الرسائل : 1253
    العمر : 41
    الدولة : canada, toronto
    تاريخ التسجيل : 15/08/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف christina sana الخميس سبتمبر 18, 2008 4:26 pm

    عاشت ايدك سلمان على الفكره الحلوه وطبعا اني ملحكت اسال الاخ عامر وحبيبتي ماكي بس يله عل الجايات راح نبدي بالحلوه جوليا........

    1_ يامطرب تحبين ويااغنيه من تسمعيها تذكرج باحلى يوم بحياتج؟
    2_تحبين الاطفال؟
    3_ شتعني العائله بالنسبه الج ؟
    4_ طبعا انتي بعدج صغيره انشاء الله من توصلين للبلد الي انتو تريدوه وتستقرون يعجبج تكملين دراسة وشتحبين تصيرين لو تريدين تزوجين وتكونين عائله او عندج غير رغبه؟
    سوري حبي كثرت بالاسئله بس كلها بسيطه وطبعا راجعتلج...........
    julia rayis
    julia rayis
    مشرف
    مشرف


    انثى عدد الرسائل : 4908
    العمر : 36
    الدولة : عمان
    تاريخ التسجيل : 21/12/2007

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف julia rayis الخميس سبتمبر 18, 2008 4:58 pm

    هااااااااااي حياتي كرستينا تسلمين على الاسئلة وكلها زي العسل لبي انتي
    خلي ابدي اجاوب احم احم :
    1_ يامطرب تحبين ويااغنيه من تسمعيها تذكرج باحلى يوم بحياتج؟
    امممممممم احب تامر حسني طبعاً مغني شبابي واما من المطربين الكبار
    احب كاظم الساهر
    وعلى الاغنية اكووو هوايه اغاني تذكرني بأيام حلوووة بس اكو اغنية
    تامر اسمها قرب كمان كلش احبها
    2_تحبين الاطفال؟
    يمكن اكثر شي احبة بالدنية هما الاطفااااااال حياتي يجننون
    3_ شتعني العائله بالنسبه الج ؟
    هي كل شي بالنسبة اللي هي اللي ربتني وكبرتني وعلمتني
    الصح من الغلط
    4_ طبعا انتي بعدج صغيره انشاء الله من توصلين للبلد الي انتو تريدوه وتستقرون يعجبج تكملين دراسة وشتحبين تصيرين لو تريدين تزوجين وتكونين عائله او عندج غير رغبه؟

    امممممممممم يعني طبعا اذا سمحتلي الفرصة راح اكمل دراستي اللي
    مسمحتلي الظروف اكملها بأرض الوطن وانشاء الله يارب اذا وصلت للمكان اللي اريدة
    راح اكمل دراستي واخذ شهادة هاية اذا كانت الظروف مناسبة
    وطبعا اني احب الصحافة بس هذا حلممممم بعييييييييد
    بس الله كريمممممم

    وشكرااااا حياااااااتي كرستينا عالاسئلة الحلووووة
    تحياتي الج
    julia rayis
    dodo rayis
    dodo rayis
    عضو مميز جدا


    انثى عدد الرسائل : 4898
    العمر : 39
    الدولة : Jordan_
    تاريخ التسجيل : 08/02/2008

    لقاء مع عضو!!!!!!!!! Empty رد: لقاء مع عضو!!!!!!!!!

    مُساهمة من طرف dodo rayis الخميس سبتمبر 18, 2008 6:57 pm

    هاي جوجو هاي خوش ورطه مو ههههههه
    سؤالي الج هو
    شنو هو اهم حلم تتمنين يتحقق؟؟؟
    شنو شعورج من ركبتي الطياره من العراق حتى سافرين وانتي تعرفين انو يمكن تكون هاي اخر مره تشوفين بيه العراق؟؟
    تعتبرين نفسج انو انتي بنيه عندج حظ بهل الدنيا؟؟
    شنو حياتج بدون دودو وايمي؟؟؟
    تحياتي حبي جوجو واسأله مو صعبه مو

      مواضيع مماثلة

      -

      الوقت/التاريخ الآن هو الجمعة مارس 29, 2024 1:26 am