حبيبتي الازلية بغداد
ابكثر ماي المحيط اهواك عدد سعف النخل والشجر واغصانه
ابكثر ماي المحيط اهواك عدد سعف النخل والشجر واغصانه
يظـل گلـبـي الچ محـجـوز وصــورة وجــهچ المحـبـوب عنـوانـه
يا اعذب لحـن بيـه تطـرب الارواح يـا احلـى ابتسامـه واحلـى ريحانـه
يـا شمعـة حياتـي وبـيچ اشـوف النـاس يـا ورد الربيـع وعطـر نيسانـه
يم گلب الحنين وعسل صافي يفيض اظـل لـو مـا حنـانچ شجـره عطشانـه
الشعر محبس خطوبه وبـس علـيچ يلـوگ وتغنـي القوافـي وبـيچ فرحانـه
صدگينـي احـبچ مثـل حـب مجنـون مـن عـاف الديـار وسكـن وديانـه
احبچ حب شريف وخل تفهمـه النـاس ولـو ساعـه اتحمـل لوعـات نيرانـه
تعنيـتچ يحلـوه وهـز ضميـري الشـوگ وگفـت ببـاچ وناديـت هـذا انـه
خطـارچ واجيـتچ مـن مكـان ابعيـد دولبنـي الوكـت والــروح تعبـانـه
امـل عنـدي وامانـي والكريـم يجـود داويلـي الجـرح يـا اروع انسانـه
وديلـي قمصـيچ بلكـي عينـي تنـام لان ريـحـة قمـيـصچ دوم ريـانـه
احطه اعلى المخده واحط خدي اعليه واكحّل كل مسيه اعيوني بلوانه
منقوله