ومن تخزرك عين جنها تكول خنجر ملتوي ..
والطول طول الخيزرانة وشو جنها حية ولومشت ...
تطوي طــــــــــــــوي...
وانا اعد روحي قوي ...
منشفتها اتخربطت وتبريدت...
صرت انا والماكو سوي...
كلمتها عود مثل الناس ...
(اشتبليف ميشل ميشوي) يعني من فضلك ايتها الصبية...
سكتت وماجاوبتني دك عليها تلفون الخلوي....
اشرت جاوب جلبها وانا ماشايف جلب نبحة عوي...
فرغت وردت علي (فلي كلانت كوميي اوتسبراك)يعني من اي بلد انت...
حجيك عربوي ...
(كزخ اوت اراك)يعني اني من العراق...
(اليف اونن نيت سامن)لاالي صاحب ولا الي خوي ...
(فتيمر)ردت علية وجنها كالت وي علي ..(.يعني يال المصيبة يال الهول)
وحيدك اتعيش ببلدنا او تنزوي ....
واحنا حتى جلابنا اتعيش برفاة ...
وويا البشر عاشو سوا وسكنو سوي ...
شمالكم صرتو طشاش واحنا ندري ذراعكم ماينلوي ...
جاوبتها والخجل ندى الجبين ...
والدمع مو ماي ينزل دموي...
انا من بلاد الرافدين العاث بينا الحربوي ...
وانا من الشعب العراق الداخ من كثر الدوي ...
وانا من شعب التحاصر والتعوق والتاثر بالاشعاع النووي ...
لاتهيجين الجروح...عاد يابنية ارعوي ...
وج ترى الفركة جوت كلبي جوي...
انا عطشان على دجلة ...
شما شربت من مايكم ما ارتوي ......دوي ...دوي