موضوع مهمممممم

هاي شباب وبنات المنتدى شلونكم
اليوم عندي موضوع بصراحة شاغلي بالي صار فترة وأتمنى أشوف آرائكم وتعليقاتكم عن هذا الموضوع
الموضوع هو ............
ارتباط شخصين من أديان مختلفة أكيد كلكم شفتو هيجي شي بحياتكم ومرت عليكم هيجي حالات
نريد نعرف شنو المانع من هالشي وليش
ممنوع عدنا هالشي ونعتبرة مشكلة كلش جبيرة
ومن بنت أو ولد يترك دينة علمود يرتبط بشخص من غير دين منو المسؤول عن هذا؟
العائلة يمكن؟؟لأن معرفت شلون تحببة بدينة وتفهمة وتربيه صح؟؟
أو يمكن هو شي عادي واحنة اللي متخلفين
اتمنى أعرف آرائكم
بالنسة اللي أبد ما اقتنع بهاي الفكرة ولا أتقبلها شكرا الكم
تحياتي

شكرا ملاذ على الموضوع بس اكيد اني مو ما اقتنع ولكن اصلا ما افكر ولا اتعب نفسي وافكر بهيجي موضوع بس اكثر شي السبب اعتقد العائلة طبعا لان متكون منطية اهمية او متعرف تعاليم الدين الصحيحة
وهذا الشي ابد مو شي عادي اكيد واحنة مو متخلفين بالعكس المتخلف الي ميعرف قيمة دينة ويعوفة وهاي دا احجيلك بالنسبة النا
واني بالنسبة الي فعلا اعتبرة مشكلة وكلش جبيرة
تحياتي

شكرا بت عمتي حجيج كلام وكلش صحيح تحياتي الج

ولا اني اتقبل الفكره وهي بالفعل مشكله جبيره و المسؤول هو الشخص نفسه الي يترك ديانته ومعتقداتها (قليل الايمان) وهذا شخص اكيد هو المتخلف وخاصه اذا كانت ديانته مسيحيه( الصراحه مو تعصب او شي ) . وشكرا ملاذ على الموضوع الحلو

اني شوية متعصبة من هاي الناحية ومن غير نواحي هم واني رايي انو الي يترك ديانتة يعني غير مبادئة ومفاهيما وشتترجة من عندا بعد وبس اريد اعرف الناس الي يعوفون الدين المسيحي وهاي الافكار الحلوة علمود غير دين شيشوفون احلى من افكارنا والعائلة الها الدور والسبب الرئيسي بهاي المشكلة لان الطفل يتعلم كلشي من البيت ببداية تكوين شخصيتا وميرسي ابن عمي على هذا الموضوع الحلو

شكرا سما ودينا على مروركم لحلو وآرائكم تحياتي الكم

شكراا اخ ملاذ
وموضوعك مهم كثير في زمننا هذا
بالنسبة الي
اني ايضا ضد هالشي
ولما اسمع وحدة او واحد تركو دينهم اضوج واعصب وانقهر عليهم
لان احسهم مثل العمينا
الي ميشوفون انو نور حياتهم هو بديننا الرائع
بس اكو غير مشكلة
احيانا بنت تتزوج بشاب من غير دينها
اجوز هي ماتركت ديننها بس حبت هالشاب
والحب اكيد موحرام
بس اسمحولي اوضح الكم رأيي
الحب عندي مو حرام
بس مااعتقد صار جفاف عدنا وماعدنا بعد شباب
او هم احسن من شبابنا
بالعكس بس احيانا البنت ترطض وراء المظاهر
وانا دااتكلم عن البنت بالذات لانهم اكثر نسبيا من الشباب الي يتزوجون ببنت من غير دينهم
يعني اني عندي ابقى بلا زواج لحد مااموت وحتى لو ابقى وحيدة بدون اهل واصدقاء وصديقات اهون عندي من لما اترك ديني
اسفة اذا طلعت خارج الموضوع بس هاي وجهة نظري وحبيت اوضحها
عاشت ايديك عالموضوع
دمت بود

شكرا فراشة المنتدى والأخ فوزي على آرائكم الحلوة تحياتي الكم واتمنى كل بناتنا وشبابنة ان يكونون واعين لهالمشكلة واتمنى من الأهل ان يوعون ابنائهم اكثر لأن هاي الحالة انتشرت بشكل مو طبيعي

شكرا ملاذ موضوع مهم جدا جدا جدا
بصراحه كل ما اسمع بالمشكله هاي انقهر كثير وكأني خصرت احد اعز انسان الي حتى وان كان من غير دوله مثل ما يصير هنا في كندا واحس بالفشل والخجل والذنب ........

وشكرا عالموضوع مره ثانيه
تحياتي

شكرا لمرورك أخ سلمان وكلنة ننقهر من نشوف هيجي شي واني عشت هاي المشكلة بصراحة وية صديق وحبيت اعرف آرائكم

صدك موضوع مهم وطاش هالفترة بالعالم انو الواحد يترك دينة وتبع دين اخر علمود شخص اخر او لاسباب وطبعا اني امشي مع راي كل الاعظاء الي سبقوني واكون ضد هذي الظاهرة الي تشوه سمعة كل الاديان مو بس الدين المسيحي وهية ايضا مسألة ايمان بالدين وتجي من باب العلاقات الي عند الشخص الي من المتحتمل تاثر بي وتخلي يفكر بيها تقبل مروري

تحيــــــــــــــــــــاتي

شكرا لمشاركاتكم الحلوة وآرائكم المقنعة والمفيدة أشكركم مرة ثانية أبو مارفن وكارولين وسالار ونجوان

واحب اضيف شي ثاني انو المشكلة الدتصير هو انو الشخص مديعوف دينة بسبب إنو آمن بدين ثاني او شي من هالقبيل

البنت أو الولد ديعوفون دينهم بأسباب ثانية بأسم الحب مثلا انو يريدون يرتبطون أو يتزوجون من شخص من غير دينهم مو حباً بالدين بس مضطرين انو يغيرون دينهم علمود يرتبطون بالشخص اللي حبوا

والمشكلة انو دتصير بشكل غير طبيعي بمجتمعنا المسيحي يعني دنعيش هالشي احنة وخاصة بظل هاي الضروف بالعراق وماكو اي توعية هذا الشي من واجب الكنيسة ويمكن شبابنا اللي ديداومون بالجامعات ابغداد ديشوفون هالمظاهر شكرا للجميع وتحياتي

شكرا ايميليا على المرور الحلو تحياتي الج

بالبداية احب ان اكول شكرا على الموضوع الجميل
اما عن رأيي بالموضوع ف اكول اني ضد الفكره وما اعترف بيها بس مابيها شي اذا شخص من غير دينه

يجي ويصير مسيحي مثلنا اكيد راح نفرح بس ما استحب انو يرتبط بوحده مسيحيه ما اعرف بس بالنهاية

مااااااااااا احب الفكرة واصلا ما تدخل عقلي

شكرا وتحياتي

شكرا جوليا على رأيج الحلو تحياتي الج وهم اني ما احب الفكرة

طبعا موضوع كلش مهم لان هواي من البنات بل تسعينات لمن جنت بلعراق جان اكو هيج شي حتى قس كنيستي مار يوسغ شفيع العمال حدث على هذا الشي المهم.
اني ابراي مو بس الي يبتعد عن دينا هو الغلطان مثل ماكالو الجميع وانما العاءلة هم عدها دور لان تكدر هيا اتودي للتعليم المسيحي و بعدين يسجل بل اخوية..... لان هاى الفكرة الرءيسية مال كنيسة حسب راءي الي تنطي للشباب والشابات فرصى للتعارف....

واني افرح لمن اسمع اكو اخوية في المانيا ـ منشن. ماءدري اكو بعد غير منشن اكو اخويا هناك؟؟ سوري شوايا اخذتني السافة و رحت من الموضوع

و خيا مشيحايتوثا

شكرا اخ سلوان على مرورك الحلو وفعلا الكنيسة الها دور كبير وية العائلة بتوعية الشباب والشابات تحياتي

والله اخوية ملاذ اني اريد اكلك شي موسى بدينة او عيسى ابدينة او محمد ابدينة او كل واحد يبقى على دينة احسلة او انتة شوف نفسك اتحب لو لاء قبل كل شي او اني شايف عالم مزوجين هواية بس كلمن ابدينة او هاي رايي تحياتي الك وتقبل مروري

شكرا على مرورك اخ ادمون وتحياتي الك