حوار بين شاعر و بغداد

الشاعر: أمر عليج دائما وانتي تبجين بثوبج
الاسود
ووجهج الحزين
اسالج سؤال بس اتجاوبين؟؟ ليش تبجين؟
وليش هل الثوب الاسود والوجة الحزين؟
بغداد:لا هذا الثوب ابيض بس صار اسود من قهر السنين
ووجهي مو حزين بس هذةملامح الكبر الي ورثتها من ابوية بلاد الرافدين
الشاعر: يعني بعدج مصرةومتجاوبين؟؟
ليش تبجين؟
بغداد:اجاوب بس انطيني دقيقتين.....ابلع بيها ريكي وامسح بيها دمع العين
ابجي على نفسي الي داسوني المحتلين
وابجي على اثاري اليكسروها المخربين
وابجي على دجلتي الي صارت حمرة من دم المساكين
وابجي على عقلي الي اتهجر من راسي
وابجي على ولدي الي صاروا متفرقين وممتوحدين
الشاعر: اه يا بغداد كل هل الم شايلتها وبعدج حية ترزقين؟
اني لو منج جان انتحرت من زمان وصرت بتعداد المفقودين
بغداد:انتحر؟؟ شلون انتحر؟؟ وولدي وين ايرووحون منو ايوكلهم؟؟ منو ايشربهم؟؟ منو يحضنهم بدف وحنين؟
الشاعر:اه يابغداد يا بغداد زعلانة على ولدج وبيهم اتفكرين؟؟؟!!
زين اسالج سؤال بس اتجاوبين؟
اذا ولدج اتوحدوا مثل قبل وصاروا قلب على قلب وايد بايد مثل قبل سنين اتنشفين دمعج وبدم تبجين؟؟
بغداد:لا يبقة بعد عليهم دين
الشاعرشنو الدين
الشاعر:شنو الدين؟
بغداد: ايطلعوني من سجن المحتلين
الشاعر:يا بغدادانتي تامرين اذا مكفة القلب اخليج برمش العين
اخذ الضحكة من وجهي واخليها علىوجهج الحزين
بس ذبي ثوبج الاسود واضحكي مثل ما قبل جنتي تضحكين
لانج خالدة وما تسقطين
ويكفيج شرف انتي عاصمة بلاد الرافدين

عاشت ايدك كلش حلوه

تسلم

عاشت ايدك سامر وبغداد ما تستاهل الي دايصير بيها بس هم نكول اللة كريم

يسلمووووووووووووووووووووووووو بروني من البدايه هيج انطلاقه لعد شدينتظرنه يلا ننتظر اكثر وكثر عاشت يدك وتقبل مروري يمك ايمي

شكرا على مروركم الحلو و ان شاء الله ترجع بغداد مثل كبل و احسن

عاشت ايدك و انشاء الله ترجع بغداد و تنور مثل قبل و اكثر...

عِشـــــــــــــت اخوية العزيز الكلام يخبل ... تحياتي

شكرا على مروركم يا نجوان و ابو السوس

كلش حلوووة الكلمات عاشت ايدك يا غالي تحياتي الك

عاشت ايدك سموري كلش حلوه اكيد ترجع بغداد مثل كبل واحسن بس شوكت منعرف