الحب ..... ودموع الرجل ..... موضوع للنقاش

موضوع رائع واعتقد الرجل الذي يحب من كل قلبه اذا بكى فهي قمة الرجولة لانه لا يبكي على شي تافه هو يبكي من اعماقه من احساسه يبكي لحبه وانا لا اجد اي اذلال في هذا الموضوع وهذا رايي طبعا والبكاء طبعا لا يكون لاي شيء كان الا لاسبابه وميرسي

شكرا عالموضوع الحلو اخت ما اعرف منو؟؟اتمنى نتعرف عليج !!!وبالنسبة للموضوع ما اتقد انو دموع الرجل بالحب قمة الرجولة ولا إذلال لأن عمر الدموع ما كانت قوة أو رجولة واذا ثنين يحبون بعضهم بصدق ليش يبجون؟؟اذا الحب يسببلي اي اذية فآني ما اريدة ..تحياتي ونتمنى نتعرف عليج

الدموع هي احساس يطلع من انسان في حلات هوايه اذا فرحان حزين في الحب كراهيه ف ما عتقد ضعف حساس منكدر نخفي واحنا مرات انكول زين هذا لولد بجه عنده حساس خخخخخخ مع احترامي للكل وعاشت ايدج على كتابة الموضوع بهل طريقه ومثل مكال دادي نحب نعرف منو انتي ونتعرف عليج وعذرا على الاطاله وتقبلي مروري اختج ايمي

اني اعرف منو هي بس ما اكلكم هههههههههههههه لا صدك اذا تحب هي تكول خلي تكول

اكيد دينا لازم نعرف وية منو دنحجي وثانيا اذا كرايب خلي نتعرف لأن هذا المنتدى سوو علمود نتعرف على بعض اكثر وخاصة احنة اللي مهاجرين ومنعرف اقرب الناس النة لأن مشايفيهم اتمنى من الأخت ان تشيل النك نيم وتخلي اسمهة وصورتهة علمود نعرفهة ...اخوكم ملاذ صنا

اي صح كال دادي لان هي الوحيده منعرفها احن انرد نعرفه وبصراحه كلش انعجبت بهل موضوع ملتها ياريت لو نعرفها اكثر

شكرااا على مروركم الحلوو
دينا
نورتي الموضوع حبيبتي
وشكراا على كلاتج المنطقي
******
ملاذ
شكراا على كلامك
بس الرجل بشر
والبشر يختلفون عن باقي الكائنات بالاحساس
ومثل ماكلت الحب اصبح عمله نادرة الان
يعني اجوز هو يحب بصدق
بس المقابيله ماتحبه بصدق
واكيد راح يختلفون ويتفارقون
وراح يتاذى
وراح تنزل دموعه اذا مو كدام الناس فكدام نفسه
*******

ايمي
شكراا حبيبتي لان الموضوع عجبج
صحيح اني منزلته بغير منتدى قبل
وتعرفين راح تشوفيه هسه ب100 موقع
بس اني الي نزلته اول شي يعني هو بقلمي
ولهذا شكراا لان قلمي نال رضاج
*****

واني اسمي بترفلاي يعني الفراشة
اسمحلي ملاذ بس مراح ابدل اسمي لاني عاشقة للفراشات
ولو متابعين ردودي كان عرفتوا اني منو
بس مع ذلك راح اكول اني منو
اني مانكيشية
يعني من مانكيش
امي ارادنية وابوية مانكيشي
امي اسمها
ندى حبيب لازار صنا
وابوية اسمه عامر شابو منصور اوسي
والي يعرفهم راح يعرف اني منو
The Butterflyبس اتمنى يبقى اسمي
اسفة اذا طولت عليكم
شكراا مرة ثانية على المرور

دمتم تحت حماية الرب

وسلامي لعيونكم

اهلا وسهلا بيج حبي نورتي وماما عرفتهم اني بصراحه ما اعرف محد من الكرايب وكل الهلا بيج وانتي كلج فراشه ف لتغيرين اسمج بس قصد ملاذ تعرفين اكثر بنفسج

طبعا شكراخت بترفلاي على الموظوع الحلو واني امشي وية الي يكول انو الرجل بشر وممكن الحب ينزل دمعة الرجل وهية مااعتقد راح تكون حالة ظعف ولا راح تكون رجولة بس بالنهاية هوة احساس والدمعة متنزل باي وقت تنزل باوقات خاصة تغلب بيهه اي كائن كان وشكرا مرة ثانية على الموظوع الحلو وتحياتي الج

شكرا عيوني لأن عرفتينا بنفسج وتحياتي الج وللعائلة

اهلا بيج ايمي
وسلامي للماما مالتج
واو مااعرفها
بس المهم انه هي عرفت اهلي
امير
شكراا لك اخي الرائع
ورايك ايضا رائع
اهلا سالار
منور الموضوع اخوية
شكراا على رايك
عجبني هواية
ملاذ
ماكو شكر على واجب اخوية
شكراا على تواصلك ويه موضوعي
دمتم تحت حماية الرب
وسلامي لعيونكم

والله يا اختي العزيزة موضوعج هذا رجعنة للوراء 30سنة وذكرنة بهواية شغلات يس نرجع لموضوع الراي بالرجل الذي يبكي من اجل الحب انا اعتقد بان هذا الرجل هو قمة في كل شيء الرجولة والحكمة والرومانسية وباهم من هاي كلهة الانسانية

اهلا عمو ريمون
شلونك؟؟
انشالله بخير
شكرا على مرورك العطر
والله بس انت بردت قلبي
وحلوو من نرجع لايام الشباب
اذا تتذكرني
اني ميرنا!!
شلون البنات
سلملي عليهم هوااية هوااية
اشوفك بخير

هلو ميرنة شلونج شلون الامور هسة بالنسبة اللج انشالله زينة ومرتاحة انا عرفتج قبل ما اكتب يس ما ردت اكشف هويتج وحجي بيناتنة الموضوع مالج يخبل -البنات يسلمون عليج هواية خلي بالج على نفسج

اهلا عمووو
تسلملي
والله يسلم البنات
اتمنى تكونون بخير دائمااا
دمتم تحت حماية الرب دائماا وابداا

نورتي الموضوع اختي الرائعة
وشكراا على الرد الراقي
الحب يستاهل كلشي
الدموع والتضحية واي شي جميل وراقي بالعالم
واكيد الحب مو يعني لشخص معين
وانما حبنا للعالم كله
لوالدينا
لاخواننا او خواتنا
لصديقاتنا او اصدقائنا
لاقاربنا
واكيد صدق من قال يضرب الحب شو بيذل
مابنشبع منه مانمل يضرب الحب !!

شكرا بترفلاي على الموظوع الحلو واني ماشوف دموع الرجل ظعف بس نفس الوكت مااحب اشوف رجل يبجي كدامي وخاصتا اذا اعرفه لان ابدي احس انو فقدت الامان

اهلا ايفا
رايج حلو حبيبتي وصريح ايضا
وانشالله ماتشوفين محد يبجي كدامج
الكل يضحكون
لوووووووووووووول

شكرا لك اخت ميرنا موضوع حلو هواية و عاشت ايدج.. و يا جماعة ترى الرجال هم بشر و مثلنا مثلهم و اني بنظري دموع الرجل ليس ضعفا و لكن شئ كبير جدا و اني بصراحة اكدر اشوف مليون امراة تبكي و ولا رجل واحد يبكي.. لان بصراحة ينكسر كلبي عليه و الرجل لازم في بعض الاحيان هم يريح نفسة و ينزل دموعه حتى يرتاح و ميصير عنده اي كبد نفسي... تقبلي مروري ... نجوان

اهلا نجوان
مرورج عالعين والراس حبيبتي
ورايج حلو هواية
اكيد الرجال ايضا بشر
ولازم تنزل دموعه
واذا منزلت دموعه عالشخص الي يحبة
مع احتراماتي للكل
بس هذا قلبه خالي من المشاعر
شكرا لمرورج الي نور نقاشنا
دمتي تحت حماية الرب

شكراا لمرورك العطر جورج

ورايك من الاراء الي اعتز بيها

لا تحرمنا من هذه الاطلالة الرائعة

وربي يديمك النا

هاي بتر فلاي شكرا على موضوعج فعلا عجبني وبالنسبة الي ما اعتبر الرجل الي يبجي ومن الحب بالذات ضعف بالعكس اول وتالي الرجل انسان والانسان مشاعر واحاسيس

اهلا فوزي
اهلا سيلفا

شكرا على مروركم
ومشاركتكم عطرت الموضوع
ارائكم عجبتني كثير
لا تحرموني من مروركم الدائم
دمتم بود