موقف محرج مر بيك

هاي بنات وشباب المنتدى عندي موضوع اتمنى يعجبكم

كل واحد من عدنا يكول فد موقف محرج مر بي ويشرحلنا بالتفصيل شلون صار
واني راح ابدي

بيوم من الايام جنا رايحين حفلة اني واهلي فاول مدخلنا اجا واحد ويانا حتا يكللنا وين نكعد فحتى نوصل للطاولة مالتنا لازم نصعد على الستيج وبعدين نوصل واكو درجتين وصعدت على الدرجة والاولى والدرجة الثانية علك جعب حذائي وانزع الحذاء وصعدت على الستيج فردة اي وفردة لا وشافوني الناس واستحيت ورجعت لبستا وكملت المشي بس شنو اتمالكت نفسي بس كعدنا خربت من الضحك على روحي

واتمنى يعجبكم الموضوع واشوف ردودكم الحلوة

شكرا حبي دينا على الموضوع الحلو وبالنسبة للموقف الي انتي مريتي بي كلش سهل من الموقف الي اني مارة بي
فد يوم بالكلية خلصت المحاضرة مالتي فكلت لصديقتي خلي ننزل للكافتريا فأني دا انزل من الدرج مال القسم مالتي وتزحلكت من خامس درج تقريبا وتخيلي الكلية متروسة طلاب وابد ميعرفون يصنفون ومعرفت شسوي اضحك على نفسي ابجي المهم اكلتهة

تحياتي

ميرسي حبي سيلفا على الرد بس حلوة هاي الوكعة بالكلية

اي موووووووووووووووووووووووووووووووو

هاي
اني فد يوم بلعراق اب ايام الصيف جنت بارا و اتعرفون الزنابير شكد هوايا يمنا .
فا مرا مادري شلون زنبور دخل بل بنطلون مالتي .بعدين عضني 3 مارت و اني اصايح مادري شنو السافة اركض اصايح علما صرت ماجبور انزع البنطلون واشوف الاحمر و الازرق..وراسا عل بيت...و الجاهال داتتفاراج بس هم زين جنت زغيرون فد 11 سانا
ابذاك اليوم حاسيت نفسي بفلم هندي

ميرسي سلوان على الرد وانشاء اللة ماكو بالمانيا زنابير هههههههه

لا مال زنابير اب المانيا هم اكو بس ماياذون العاضة مالتهم اليفة مو مثل زنابير العراق.لان ذولاكة دمهم حار و اكثريتهم جاين من الناصيرية هههه

اني مرة صار بية موقف ما انساة صادقت ابنية جيرانا تبعد علينا تقريبا 7 او 8 بيوت يومية فوك الصطح اشرلها او تئشرلي اني فرحت اشو اجتي البنية بساع يعني ما طولت من صادقتها فديوم كلتلها اطلعي برا هزت براسها او نزلت وكفت بل باب كلت خلي افوت من يمها انطيها الرقم من شفتها طلعت منغوليا ظليت بس اضحك اني هي ظلت اتصيح تعال حبيبي وين رايح تعال او اني رجعت ركض للبيت اكو اصدقائي شافوني او صارو يصنفون عليا هاي السالفة بل دورة شكد مشتاقلج يا دورة والله ايام
شكرا دينا على الموضوع ذكرتيني بل موقف

ههههههه حلوة هاي ادمون اني هم ضحكتني وميرسي على المرور