خالد البغدادي..في برنامج من سيربح المليون

>خالـــــــد بغدادي في ... من سيربح المليون
>
>ساداتي سيداتي مساء الخير ... معكم جورج قرداحي في برنامج من سيربح المليون (
>موسيقى ).
>جورج : اليوم الجو حلو كتير , والشمس طالعة , والعصافير عم بتزأزأ , وبحبك يا
>لبنان . اليوم عنا مجموعة من المتسابقين رقم واحد همام الجيبة جي عالم ذرة
>ومطلوب عند الأمريكان ( تحية من الجمهور ) , رقم اتنين خطاب , مقاتل سابق في
>الشيشان قتل أكتر من خمسين روسي , يي شو قلبه آسي ( تحية من الجمهور ) , رقم
>تلاتة الشاعرة هدى محمد صاحبة قصيدة قناص من داس ( تحية من الجمهور ) رقم
>أربعة فلوجي ارهابي متقاعد وصاحب ورشة تصنيع عبوات ناسفة ( تحية من الجمهور )
>وأخيرا خالد بغدادي متعهد كهرباء وصاحب الرقم القياسي في حضور العزاء ( تحية
>من الجمهور ) .
>الكل جاهز ؟ راح نقول مثل شعبي وراح تقوموا بترتيبه :
>أختها ـ الكرعة ـ تتباهى ـ بشعر
>النتيجة خالد بغدادي كان الأسرع بترتيب المثل
>تتباهى الكرعة بشعر أختها
>تفضل أستاذ خالد مهنا هون , استريح على الكرسي .
>كيف حالك أستاذ خالد ؟
>خالد : كل الهلا بيكم آغاتي .
>جورج : شو يا خالد انت جاي هون لوحدك ؟
>خالد : لا عيني أستاذ , جاي معاي كل أهل الثورة , علشان هيج خلينا الشيعة تكعد
>على هاي الصفحة , والسنة على الصفحة الأخة علشان ما تصير طلايب بينهم , أستاذ
>الله وكيلك صارلي تلاث أيام أحاول أقنع بيهم بس على مود يسكتون ... كول يسكتون
>؟ اللي عنده ثار وية هذولة لازم يكعد وية هذولاك ... واللي عنده ثار وية
>هذولاك لازم يكعد وية هذولة ... لا تكول لي ولا أكول لك ... أستاذ الشغلة
>لايصة من أولها .
>جورج : بس أنا شايف هون حسن يوسف كأنه معك .
>خالد : ايه هذا أبو فليحة من السويد , أستاذ من يوم ما اجة وهو كاعد يفيك
>براسي ... كول يسكت ويخليني بحالي .... أستاذ هو يحجي عن السويد وعبالك بلد
>اللي خلفوه ... ولا عبالك من جان صغير يمشي حافي وفانيلته جانت مشكوكة مثل
>ولاد المعدان .
>جورج : هيك لكان , خلينا نبدأ المسابقة عندك مجموعة أسئلة والك 3 وسائل مساعدة
>, الاتصال بصديق ـ حذف اجابتين ـ مساعدة الجمهور .
>السؤال الأول : من هو القائد الذي حرر بيت المقدس من الصليبيين ؟
>1 ـ مقتدى الصدر 2 ـ عبد العزيز الحكيم
>3 ـ عدنان الدليمي 4ـ صلاح الدين الأيوبي
>
>خالد : والله أستاذ السؤال صعب , بس أني أريد أحللها تحليل علمي :
>مقتدى الصدر ... هذا مال جيش المهدي وزعطوط وربعه يا حرامية يا لكامة , ومال
>يحاربون هاي شيلها من بالك .
>عبدالعزيز الحكيم ... هذا مال قوات بدر , أستاذ هذا مال لطمية وزناجيل ومال
>يحارب بهذيك الصفحة هاي هم شيلها من بالك .
>عدنان الدليمي ... هو خل يشيل روحه أول .
>اذن الجواب : صلاح الدين الايوبي .
>جورج : برافو ( الجمهور يصفق )
>السؤال التاني: من هو الحاكم العربي الذي يحكم العراق ؟
>1 ـ الملك عبدالله 2ـ الملك محمد السادس
>3 ـ عمر البشير 4ـ جلال طالباني
>
>خالد : الملك عبدالله ياهو , فيه عبدالله مال الأردن وفيه عبدالله مال
>السعودية , وفيه عبدالله من أرض الله .
>جورج : اللي بدك اياه مانها مشكلة .
>خالد : اذن نحذف عبدالله .
>جورج : انت حر .
>خالد : محمد السادس مال المغرب , عمر البشير ... شكولته مو مال عراق ... والله
>مو متأكد .. أشو الشغلة تحير ... ممكن نطلب مساعدة الجمهور ؟
>جورج : اذن نشوف الجمهور شو بيقول ؟
>خالد : همة شوية شباب رحمة لوالديكم .
>جورج : الجمهور عطاك 70% جلال طالباني , 10% محمد السادس , 10 % الملك عبدالله
>, 10% عمر البشير .
>خالد : يا جماعة كلنا حاكم عربي خومو كردي ... لا تدوسون ببطني ... ياللا
>نتوكل على الله ونخليها طالباني علشان ما تزعل علينا جارتنا أم جاسم الكردية .
>
>السؤال التالت : ما هي الدولة التي تحد العراق من الشرق وهي تتسبب بكثير من
>الأزمات للعراق ؟
>1 ـ موزمبيق 2ـ الهند
>3 ـ ايران 4ـ سويسرا
>
>خالد : حيييييييل شجابنا على موزمبيق , هاي كلها قرودة !
>بس السؤال كلش صعب وأني أريد الاستعانة بصديق . ممكن أتصل على ست نهى ؟
>جورج : هي نهى سنية والا شيعية ؟
>خالد : أخوية جورج ! هاي لا من هذولة ولا من هذولاك , أستاذ هاي من جماعتكم من
>هذيليك .
>جورج يتصل على نهى : مساء الخير ست نهى معك جورج قرداحي من برنامج من سيربح
>المليون ( نهى تصاب بحالة اغماء ) , معك 30 ثانية علشان تجاوبي على السؤال .
>خالد : مساء الخير ست نهى , ممكن تجاوبين على السؤال ؟ ياهو الجواب الصحيح ؟
>نهى : أهلين خالد , أنت حقيقي أمور الدورية ! وأنا من دوري أحييك وأحيي مدير
>الدورية وأحيي كل المناضلين والمقاومين , وأهدي تحياتي لفتح وتحيا ....
>خالد : الله يخليك ست نهى ... دجاوبي على السؤال وفظيها .
>نهى : أعتقد انو الاربع اجوبة صحيحة .
>خالد : يا أربعة ... رحمة لوالديك هو واحد بس صح .
>نهى : هو واحد من الأربعة .
>خالد : طبعا واحد من الأربعة ... مو شلعتي قلبي ... يا معودة هاي لو باجة جان
>استوت ... دجاوبي وفظيها
>نهى : أعتقد انو بس ...
>خالد : نهى ... نهى ... هاي وين صرتي .. نهــــــــى ؟؟؟
>
>( يتدخل مدير الدورية )
>IRAdmin
>مدير الموقع
>خالد ... لقد حذرتك كثيرا من نهى , حاول الاعتماد على مصادرك الخاصة .... ها
>ها ها ها .
>
>
>خالد : أستاذ ... مو كلنا ناخذ رايها ... شنو ابتلينا ... لو ابتلينا ... هسة
>خلينا بمشكلتنا , لو كلنا موزمبيق مال قرودة ... الهند مال فقر , سويسرا مو
>مال طلايب ... ايران مال طلايب ... اذن ايران .
>جورج : متأكد 100% ؟
>خالد : أستاذ كل الأذية من ايران ... وأخذها من هالشارب .
>( الجمهور يصفق )
>السؤال الأخير : ما هو نوع الوقود الذي يستعمل في السيارات ؟
>1ـ البنزين 2ـ الكهرباء
>3 ـ الغاز 4ـ النفط
>خالد : أخ أستاذ .. أنت وكعت على الجرح ... احنا ولا واحدة من ذني متوفرة عدنا
>... الكهرباء أشو ماكو ... أستاذ احنا الكهرباء ما نشوفها الا بالمناسبات ...
>أستاذ هسة احنا نستخدم الماطورات ... الماطورات تحتاج بنزين .. أشو النوبة
>بنزين ماكو .. الدبة نشتريها من الولد اللي على الشارع اللي نصه مغشوش ...
>النوبة غاز ماكو .. أستاذ الاسطوانة بخمستعش ألف وماكو ... أستاذ ماكو .
>واذا أكول لك احذف اجابتين ... تحذف أستاذ ؟
>جورج : ولو أستاز خالد تكرم عينك
>1 ـ البنزين
>4 ـ نفط
>
>خالد : واذا أكول لك انه السيارة عدنا بالعراق تمشي على كل شي ... تصدقني
>أستاذ ؟ مو ذولة أستاذ حتى عالتبن مشوها للسيارة .
>جورج : اذن جوابك هو التبن ... متأكد ... مية بالمية ؟
>خالد : ومليون بالمية .
>جورج : ومبروك الك المليون دينار , وهذا شيك بالمبلغ ممكن تحتفظ فيه .
>خالد : أستاذ تكول مليون دينار ... كويتي ؟ أردني ؟
>جورج : مليون دينار عراقي !
>خالد : عراقي شنو .. جاي تطيني فلوس جكاير ؟ أستاذ هاي الناس اللي جاية وياية
>مواعدهم كل واحد منهم أطيه ورقة أم ميت دولار , ما تكول لي هاي بياحلك أخليها
>؟ شنو تعلمتو البوك ؟
>جورج : طول بالك أستاز خالد .
>خالد : لا أطول ولا اعرض ...شباب سنة ... شيعة .. على جورج ... ترى هذا من
>هذيليك ... هجوووووووم !!!
>