بعد شتريدن اسويلج

بعد شتريدن اسويلج

اصيرن شمعة واضويلج
بعد شتريدن اسويلج

ابوكلج بشوش* واشويلج
نسيتي شجنت اطبخلج وشجنت آني احشيلج
آني اللي چنت اصبغلج ومن كل الالوان اخليلج
ويم الحلاق اذب ألاف حتى بتسريحة حلوة اجيلج
اثاري الطبخ والصبغ ميفيد شسويلج بعد يمعود دخيلج
بتل الاوادم نسيتي شجنت اسويلج
من جنتي تعطشين وينكطع بوري الماي اگل لعيوني تبجيلج
واشربج من دموع العين ماي عذب يصفيلج
ولج نسيتي شجنت اسويلج
من چنتي تتگلبين وماتنامين الليل آني اسهر وألوليلج*
والظهرية من تطفى الكهرباء أني اعرگ واهفيلج*
واذا بليلة مسج دزيتي
ألم فلوس الكارت واعبيلج
ومن چنتي تزعلين علي جيش مشاية اوديلج
نسيتي شجنت اسويلج
من اجيتيني بطرگ دكان تبيعين بي مصاصاتج ومساقيلج*
گلت مرتي وام بيتي واجب علي لو ينكسر ظهري اشيلج
وحتى افتحلج محل بي خير ابيع بذهب امي وابنيلج
وما كفت فلوس الذهب رحت اداينت وما جيت بيوم اشكيلج
وتساليني شجنت اسويلج !!!!!
ومن صارت عندج فليسات
صرت آني وجهالي كلشي مانعنيلج
ومن اطلع اشتري خضورات تغافلني وتروحين تلعبين بذيلج
رصيدج خلص من المسجات يوم سمسم يوم نمنم تقشمريهم بمراسيلج
وبكل ليلة ترجعين سكرانه وريح رجاليه تعط من مناديلج
واليوم....اجيتي إلي ندمانه تطلبين سماحي وتتوسلين اجيلج
تقشمرني بكلمة احبك
من حبتج حية بعد ما يعبر علي فيلج*
شحسبالج احنة بالمكسيك؟
لو انتي بمدبلج وتتفننين بتمثيلج
ما ارجع الج لو حتى تبنيلي قصور روحي بعيد انتي وكفشتج* وتواسيلج
تگليلي بحقك چنت آنه غلطانه
من گبر اللي لفج ووجعة التشيلج
وانشاء الله التاج محل رحلتي تكون
وانتي لأبو غريب يصير ترحيلج
وحق ذهبات امي البعتهن
لفتح مول يم محلج واشرد كل معاميلج
وحق شيباتي اللي من القهر طلعن
لاصيرلج اصاله نصري واغنيلج
اسف شو فيلج غيري يهفيلج ويطبخلج
ويسويلج ولو ذرة من الجنتاني اسويلج



*بشوش : ومفردها بشّة وهي البطة او الوزة
*الوليلج:وهي عملية الغناء للطفل حتى ينجب وينام
*اهفيلج:كلمة قديمة ولم يعد لها استعمال بسبب توفر الكهرباء
*مساقيلج: ومفردها مسقولة وهو ماكنتوش عراقي
*فيلج : وهو الفيل , كائن يطير عندما يبدأ الانسان بالكذب
*كفشتج : وهي تسريحة غير قانونية يعني فاول