أرادن وكل صبنا :: Araden and all Sapna

عزيزي الزائر الكريم ... انت لم تقم بتسجيل دخول بعد ، انقر على الدخول..
او على التسجيل ان لم تكن بعد مسجل كعضو في منتديات ارادن وكل صبنا
أرادن وكل صبنا :: Araden and all Sapna

أهلا وسهلا بكم

اهلا وسهلا بكم في منتديات أرادن وكل صبنا 

    الله تعالو شوفو الحجي بين ودجلة والفرات

    jona1982
    jona1982
    عضوفعال جدا
    عضوفعال جدا

    انثى عدد الرسائل : 287
    العمر : 37
    الدولة : 0
    تاريخ التسجيل : 01/10/2007

    الله تعالو شوفو الحجي بين ودجلة والفرات Empty الله تعالو شوفو الحجي بين ودجلة والفرات

    مُساهمة من طرف jona1982 في الأربعاء أغسطس 20, 2008 9:58 pm

    الفرات : هلو دجله شلونج



    - دجله : هلو فرات اشلونك، اكيد مايك لا لون ولا طعم ولا رائحه هههههههه



    - الفرات : ههههههههه مايج خفيف، شلونج ولج



    - دجله : يمعود شحجيلك اليوم عشر جثث مجهوله الهويه تسعه مقطوعة الراس وبس واحد بيه روح بس اجه حوت واكله



    - الفرات : شنوالسوك نازل بالعراق، اني بس خمس جثث لا راس ولا رجلين، ولج شنو بنهرج اكو حوت؟ امورج عدله، اني بس اسبور وجرّي



    - دجله : ههههههههههههه جرّي اسكت اسكت لا تجي المليشيات تشفطك، مو الجرّي حرام



    - الفرات : ليش يمه حرام



    - دجله : يمعود لا تدخلنه بالسياسه، خلينه روحنه طالعه، العفو امواجنه طالعه



    - الفرات : عيني دجله، منو كدّج؟ انتي الجواهري يتغزل بيج ويكول حييتوا سفحك عن بعد فحيني يادجله يا ام الخير يام البساتين



    - دجله : وانت، منو اتغزل بيك يامكرود



    - الفرات : منين ياحسره، اني بس اجه المطرب الوسيم صلاح البحر يغني يمي عمي يا بلام .. تعبـّنه الوكت، ياعمي مجروحين، ياعمي خلينه، بقت بس بساتينا



    - دجله : يمعود يا بساتين، تعال شوف حالي بس زبايل، هسه روح شوف باقي الانهر بالعالم، كلها اشجار وازهار، بس حظنه احنا ناكع .. ههههههه هو احنا ماي، شنو ناكع



    - الفرات : اي والله، حتى عشاق القبل ماجاي يجون يم الجرف مالتي



    - دجله : هـُمّ شنو يجون يمكم يسوّون



    - الفرات : مضروبة الجلوه، اتسوين نفسج مطفيه ما تعرفين



    - دجله : انزول، استحي ولك، والله اني من الضوجه يمكن راح اطلع من العراق، راح اروح الى الامزون



    - الفرات : ولج احنا ماينه ما يسوه بدون العراق، والله يصير ماينه مال مجاري اذا نطلع من العراق .. دقيقه دقيقه هاي اربع جثث اجتي ولج هذا بيهم مسؤل جبير بالمنطقه الخضراء



    - دجله : عزه، مسؤل جبير بالمنطقه الخضراء، أو مات؟ ..... يمه سوده عليه، هذا مناضل خطيه



    - الفرات : ولج هذا مو ميت، هذا سكران وكع بالفرات شارب عرك، ريحته تكتل



    - دجله : عزه هذا مناضل يشرب عرك ساده، عل الاقل خففه



    - الفرات : غير من حبه للوطن وقلبه محروك على الوطن وجاي يشرب عرك ساده



    - دجله : وهاي شلون تاليها، اني راح اطلع من العراق، اروح الى نهر التايمز



    - الفرات : اصبري يادجله اصبري، ولج غالي الوطن دجله غالي الوطن



    - دجله: غاي والله غالي، تفرج يـُبه تفرج، وترجع البلامه الهايمه اطوف، ونيران الشواطي وسمج المسكوف، محروس ياوطن محروس من كل خايس وممرود ومن كل واحد يرسم بخبث وكراهيه من وره الحدود، محروس ياوطن يامكرود



    - الفرات : اصبري يادجله اصبري



    - دجله : بس الى وين اصبر يافرات، وصارت دموعي اطول من مجراي وما تميز الدمعات من زخ المطر وروجاتنه تدفعه الهوه ودمعاتنه اتكطر بيدينه حتى السمج بينه صارت عينه وكحه غير الجثث ماياكل ولا يهوه



    - الفرات : ولج وين تروحين، اخاف امنسقه وي النيل، شنو راح تزوجين مصري



    - دجله : لا، امنسقه وي ساجيه بالسماوه، انت صدك بطران وصاير ماي خايس



    - الفرات : شدعوه عيني، هسه الي يسمعج يكول مايج سفن اب



    - دجله : انزول عليك



    اموت عليكم نهري دجله والفرات، حتى لو ناسه خانوه بس نبقه نروي هاي الكاع حتى لو بخـّرونه







    ههههههههههههههههههههههههه نشاء الله تعجبكم
    amelia rayis
    amelia rayis
    مشرف
    مشرف

    انثى عدد الرسائل : 8459
    العمر : 29
    الدولة : Jordan
    الدولة : 0
    تاريخ التسجيل : 14/12/2007

    الله تعالو شوفو الحجي بين ودجلة والفرات Empty رد: الله تعالو شوفو الحجي بين ودجلة والفرات

    مُساهمة من طرف amelia rayis في الخميس أغسطس 21, 2008 2:22 pm

    عااااااشت ايدك موضوع كلش حلو تحياتي


    _________________
    [ندعوك للتسجيل في المنتدى أو التعريف بنفسك لمعاينة هذا الرابط]

    [ندعوك للتسجيل في المنتدى أو التعريف بنفسك لمعاينة هذا الرابط]


    عندما نسقي عطشان كأس ماء نكون في الميلاد عندما نكسي عريان ثوب حب نكون في الميلاد عندما نكفكف الدموع في العيون نكون في الميلاد عندمانفرش القلوب فالرجاء نكون في الميلاد
    julia rayis
    julia rayis
    مشرف
    مشرف

    انثى عدد الرسائل : 4908
    العمر : 31
    الدولة : عمان
    تاريخ التسجيل : 21/12/2007

    الله تعالو شوفو الحجي بين ودجلة والفرات Empty رد: الله تعالو شوفو الحجي بين ودجلة والفرات

    مُساهمة من طرف julia rayis في الخميس أغسطس 21, 2008 10:09 pm

    تسلم ايدج ع الكلام الحلووو تحياتي الج حياتي


    _________________
    [ندعوك للتسجيل في المنتدى أو التعريف بنفسك لمعاينة هذا الرابط]
    [ندعوك للتسجيل في المنتدى أو التعريف بنفسك لمعاينة هذا الرابط]
    EVAN ROPHAIL BARWAYA
    EVAN ROPHAIL BARWAYA
    عضو مميز جدا

    ذكر عدد الرسائل : 1509
    العمر : 32
    العمل/الترفيه : سباحة / كرة قدم
    الدولة : USA.sterling heights MI
    تاريخ التسجيل : 17/05/2008

    الله تعالو شوفو الحجي بين ودجلة والفرات Empty رد: الله تعالو شوفو الحجي بين ودجلة والفرات

    مُساهمة من طرف EVAN ROPHAIL BARWAYA في الأربعاء سبتمبر 03, 2008 1:06 pm

    كولش حلو تصنيف تحياتي

      الوقت/التاريخ الآن هو الإثنين سبتمبر 23, 2019 5:01 pm