أرادن وكل صبنا :: Araden and all Sapna

عزيزي الزائر الكريم ... انت لم تقم بتسجيل دخول بعد ، انقر على الدخول..
او على التسجيل ان لم تكن بعد مسجل كعضو في منتديات ارادن وكل صبنا
أرادن وكل صبنا :: Araden and all Sapna

أهلا وسهلا بكم

اهلا وسهلا بكم في منتديات أرادن وكل صبنا 

    نصائح للراغبين بالسفر الى العراق

    avatar
    اكرم لازار صنا
    عضو جديد
    عضو جديد

    ذكر عدد الرسائل : 14
    العمر : 50
    الدولة : 0
    تاريخ التسجيل : 26/09/2007

    نصائح للراغبين بالسفر الى العراق Empty نصائح للراغبين بالسفر الى العراق

    مُساهمة من طرف اكرم لازار صنا في الأربعاء أكتوبر 03, 2007 12:44 am


    >هذه نصائح وإرشادات للسُواح القادمين إلى العراق لغرض السياحة والترفيه أقدمها
    >مجاناً إلى زُوار أرض الرافدين ومهد الحضارات ( العراق الجريح )
    >
    >عزيزي السائح
    >ما إن تُقرر زيارة العراق ، ما عليك إلا إتباع الإرشادات التالية والتي تجعل
    >إقامتك هنا مريحة وجميلة وهي كلآتي
    >أولا: لا تحاول السفر بالطائرة لأسباب عديدة منها اننا نخاف ( علي جيبك ) لأن
    >كلفة السفر غالية جداً ومنها أيضا ان منطقة المطار قد تحوي إشعاعات ذرية قديمة
    >أو مواد مسرطنة من الأسلحة التي تم إستعمالها أثناء الحرب ..ومنها أنك قد
    >تتعرض
    >لإطلاق صواريخ مضادة للطائرات ( وتروح بالباي باي) لو فد عبوة ناسفة على طريق
    >المطار وهم تروح ( بالباي باي )
    >ثانيا: في حالة قدومك بالسيارة خذ معك ( يطخ ومخدة وبطانية ) لأن راح تنتظر
    >دورك في الدخول للأراضي العراقية وربما يستمر إنتظارك فد يوم أو يومين ( إنت
    >وحظك ) وأثناء الإنتظار لازم تنام ..ولازم تنام رغد همين
    >ثالثاً: بعد أن دخلت بسلام وأمان إلى الحدود العراقية وفي طريقك الآن إلى
    >بغداد..(ضُم ) فلوسك ودولاراتك بفد زوية بالسيارة لو جوة لسانك لو باي مكان
    >لحين عبور ( منطقة السلابة ) لأن إذا سلبوك..ترة توصل لبغداد ( إيد من ورة
    >وإيد
    >من كدام )
    >رابعا: معظلة دخول بغداد..قد تنتظر فد ساعة لو ساعتين ومرات أكثر ..والسبب لو
    >عبوة لو رتل امريكي لو حرس وطني لو تفتيش...وهنا تظهر فائدة ( اليطغ ) مرة
    >اُخرى ...علمود تاخذلك فد ( غفّة ) ساعتين علما ينفتح الطريق
    >خامسا: وصلت بغداد..حمد لله على السلامة..دير بالك تروح لشيراتون لو لمريديان
    >لو لميليا لو للرشيد...ترة كلها مستهدفة..شوفلك فد فندق عتيك بالبتاوين لو
    >بالميدان اشرفلك
    >سادسا: أول ليلة إشرب فاليوم 20 علمود تنام ومتسمع أصوات الطيارات لو الطلقات
    >لو الإنفجارات يلي إنت اكيد ممتعود تسمعها وHappy Dream مقدماً
    >سابعاً: من الصبح أكيد تريد تتريك...لا تتريك..ترة وقت الذروة للمفخخات الصبح.
    >وبالأخص باب الشرقي والكرادة فلا تطلع لا منا ولا منا وإتحمل جوع أستر إلك
    >ثامنا: جا وكت الغدا..أكيد ميت جوع..لو عليّ أكلك هم للتغدة ..بس إنت خطية.
    >إطلع روح إتغده..بس إتجنب المكانات المشهورة..كباب قاسم بالأعظمية ..الساعة
    >بالمنصور ..مدري شسمه يلي بمدري وين ..قصر بجمع..كل المكانات ترة مستهدفة.
    >إقضيها ( صنبة وعمون ) ( أقصد عنبة وصمون ) لو فلافل على السريع وإرجع للفندق
    >تاسعاً: أخاف عبالك إنت بسويسرا لو بباريس وتريد تسهر ( بالشانزليزه) تالي
    >الليل ...تره إحنا هنا حريصين على صحتك والمثل يكول ( نم مبكرا تستيقض مبكرا )
    >لذلك حكومتنا الرشيدة آثرت أن تمنع التجوال من الساعة 8 ليلا علمود ترجع تنام
    >من وكت
    >عاشرا: هسة جا الليل كرّز حب وإن تتفرج على ( العراقية ) وإشبع قهر وإنغث مثل
    >ما إحنا شابعين قهر ومغثوثين منها وإذا ما عجبتك أكو الديار والفرات
    >ووو..ووو..
    >ووو و( فرجة ممتعة )
    >حادي عشر: ثاني يوم إنت صرت سبع ومتخاف وتريد تتمشة ببغداد..أهم شي ..أهم شي .
    >أن تشيل هويتك..ترة والله إذا لزموك الحرس الوطني مشايل هويتك..ينسوك الحليب
    >يلي رضعته ويرفهوك آخر ترفيه ونصيحة أخرى..لا تمشي يم الرصيف ..ترة كل الأرصفة
    >عبوات ناسفة..وإذا شفت فد كيس مال زبل لو كاتونة وية الزبالة ..( أكلب ) قبل
    >ما تنفجر بيك
    >ثاني عشر: قررت تستأجر سيارة لأن تعبت من الكيات لو من المشي...قرار صائب
    >وحكيم
    >..بس لازم أولا.. متطلع روحك من الإزدحامات لو من الجسور المغلقة..هاي وحدة.
    >وأكو فد سيارات مكتوب عليها حرس وطني وبيها ناس لابسين اقنعة ومناظر سودة (
    >إتخبل ) وأكيد يعلجون علج ويدخنون هذولة ( حماة الوطن )..مو عبالك إنت بلندن
    >وتجي تقترب منهم لو تتجاوزهم ..ترة الجماعة ينطوك درس عملي عنوانه..( ماهو
    >المنخل البشري )
    >ثالث عشر: إذا كان حظك عاثر جداً وإنفجرت سياة مفخخة لو كدامك لو وراك...هاي
    >يلي الله كتبها عليك...تنهزم ..يكولون هذا إرهابي ..تبقى .هم يكولون هذا
    >إرهابي
    >..لذلك إجرح نفسك..وطلع الدم من راسك من رجلك من إيدك من اي مكان..وخلي يشيلوك
    >للمستشفى أحسن إلك
    >رابع عشر: رجعت للفندق مالتك..وما أدري إذا بعد مقرر تبقى وتزور باقي مناطق
    >بغداد وتزور المعالم الحضارية والأثرية وتتجول بالمحافظات يم الثرثار لو
    >بالحبانية لو بالملوية.. لذلك راح أتوقف عن نصائحي إلك ..لحين ما تقرر بقاءك
    >من
    >عدمه وبعدها أكمّل نصائحي لك
    >
    >
    sarmad ardnaja
    sarmad ardnaja
    مشرف
    مشرف

    ذكر عدد الرسائل : 384
    العمر : 44
    الدولة : المانيا / منشنكلادباخ
    الدولة : 0
    تاريخ التسجيل : 25/09/2007

    نصائح للراغبين بالسفر الى العراق Empty رد: نصائح للراغبين بالسفر الى العراق

    مُساهمة من طرف sarmad ardnaja في الأربعاء أكتوبر 03, 2007 1:21 am

    Laughing ولك عمي يا سياحة هاي صارت مناحة
    وهاي كلهة بكوم ومن يطلعلك الامريكي كوم دكول جنة عربيد هايج

    وعلى طاري العربيد احجيلكم هاي النكتة:

    فد يوم شافوا حية (افعى) ميتة من البجي ..سألوها يابا شبيج شصار؟؟؟؟

    كالتلهم صارلي سنتين مخيلة على عربيد وبالاخير طلعت صوندة
    affraid
    avatar
    sara
    عضو جديد
    عضو جديد

    انثى عدد الرسائل : 4
    العمر : 30
    الدولة : 0
    تاريخ التسجيل : 07/10/2007

    نصائح للراغبين بالسفر الى العراق Empty رد: نصائح للراغبين بالسفر الى العراق

    مُساهمة من طرف sara في الثلاثاء أكتوبر 23, 2007 12:57 am

    خالو  تعال يمي  واني افرفرك ببغداد  ترة كلش  عادية السالفة  بس اوصل لهنا والله كريم

      الوقت/التاريخ الآن هو الخميس أبريل 09, 2020 9:15 pm