أرادن وكل صبنا :: Araden and all Sapna

عزيزي الزائر الكريم ... انت لم تقم بتسجيل دخول بعد ، انقر على الدخول..
او على التسجيل ان لم تكن بعد مسجل كعضو في منتديات ارادن وكل صبنا
أرادن وكل صبنا :: Araden and all Sapna

أهلا وسهلا بكم

اهلا وسهلا بكم في منتديات أرادن وكل صبنا 

    وجهة نظر...

    selwan
    selwan
    عضو فعال
    عضو فعال

    ذكر عدد الرسائل : 78
    العمر : 36
    العمل/الترفيه : طالب
    الدولة : المانيا
    تاريخ التسجيل : 10/04/2008

    وجهة نظر... Empty وجهة نظر...

    مُساهمة من طرف selwan في الثلاثاء أبريل 15, 2008 8:25 pm

    اعزاءي اعضاء هذا المنتدى

    شلونكم اول شي؟ انشاله بخير.

    اليوم اريد احجيلم على سالفة اني لاحضتهة. يجوز غلطان فااريد اشوف رايكم ونصاءحكم علمود اشوف الموضوع بلزاوية الصحيحة...
    طبعا اتهجرنا بكل البلدان اكثرية امريكا،كندا،استراليا والمانيا...زين جماعتنا بكل هل بلدان بقو بنفس العادات وبل احرا على نفس طبيعتهم؟ يعني اني اسمع اشاعات هوايا بس مااكدر احكم لان ماشايف الصورة الحقيقية..

    يعني مثلا مثلا ارادنين امريكا نفس ارادنين استراليا لو المانيا؟


    اني براي الانسان عندا عاداتا الاساسية و اذا دخل بمجتمع ثاني يغيرلة جم شغلة ، مو كال ابو المثل من عاشر قاوما اربعين يوما صار مثلهم

    تحياتي
    amelia rayis
    amelia rayis
    مشرف
    مشرف

    انثى عدد الرسائل : 8459
    العمر : 29
    الدولة : Jordan
    الدولة : 0
    تاريخ التسجيل : 14/12/2007

    وجهة نظر... Empty رد: وجهة نظر...

    مُساهمة من طرف amelia rayis في الأربعاء أبريل 16, 2008 12:06 am

    تحياتي الك اخ سلوان الموضوع كلش حلو
    اني وجهة نظري انو اغلبية الناس الي يسافرون الدول الاجنبيه و الاوربيه بصوره عامه يتغيرون بشكل مو طبيعي وهايه تصير هوايه وحقيقه ايصير برود وماكو حنيه وكل واحد يمشي ويا مصلحته محد يساعد الثاني وماكدر اجمع بس الغالبيه العضمى واكيد ملاحظ انت و الا مجان طرحت الموضوع اما عن نفسي ف وين ما يودوني ماكدر اتغير او ابتعد عن الناس الي احبهم مثل مجنت بالعراق ميتغير شي
    وتحياتي الك وعذرا على الاطاله تقبل مروري ورااي اختك ايمي


    _________________
    [ندعوك للتسجيل في المنتدى أو التعريف بنفسك لمعاينة هذا الرابط]

    [ندعوك للتسجيل في المنتدى أو التعريف بنفسك لمعاينة هذا الرابط]


    عندما نسقي عطشان كأس ماء نكون في الميلاد عندما نكسي عريان ثوب حب نكون في الميلاد عندما نكفكف الدموع في العيون نكون في الميلاد عندمانفرش القلوب فالرجاء نكون في الميلاد
    دينا صنا
    دينا صنا
    عضو مميز جدا

    انثى عدد الرسائل : 2858
    العمر : 30
    الدولة : usa
    الدولة : 0
    تاريخ التسجيل : 06/11/2007

    وجهة نظر... Empty رد: وجهة نظر...

    مُساهمة من طرف دينا صنا في الأربعاء أبريل 16, 2008 2:35 am

    موضوع جميل واجا بيوما اليوم عدنا اجتماع عائلي كلنا لان اختي وعائلتها وصلو من سوريا فعاداتنا وتقاليدنا ما تروح اني احجي عن عائلتي اهل بيتي وعائلتي الكبيرة اهل ابويا وامي كلش احب اتواصل وياهم سوا بالتلفون البعيدين او اذا اكدر اشوفهم اروح يمهم وبالنسبة للتتطبع بالاجانب اذا وصلنا هنا بعمر الشباب ما اعتقد راح نتغير بس الي يوصلون صغار ممكن يتغيرون وهاذا كلا اهم شي العائلة تكون مترابطة ما اعتقد راح نفقد عاداتنا وتقاليدنا الحلوة اذا كنا مترابطين ومحافضين كانهو بالعراق والناس الي عايشين بامريكا نفسهم نفس الي عايشين بالمانيا او السويد او استراليا لان سامعا من الناس الي بهاي الدول مثل مانعيش هنا هما هم يعيشون هناك نفس الحياة تقريبا وميرسي
    selwan
    selwan
    عضو فعال
    عضو فعال

    ذكر عدد الرسائل : 78
    العمر : 36
    العمل/الترفيه : طالب
    الدولة : المانيا
    تاريخ التسجيل : 10/04/2008

    وجهة نظر... Empty رد: وجهة نظر...

    مُساهمة من طرف selwan في الأربعاء أبريل 16, 2008 9:11 pm

    هاي ايميليا هاي دينا.

    اول شي حمدله علا سلامة العاءلة من سورية وانشالة يارب كل العراقيين تنفرج عليهم...

    اما بنسبة الموضوع راي مشابه لراي ايميليا. بس اني اكول اكو فرق بين جماعتنة بامريكا وغير مكان. اجيبلكم مثالين خلتني احس بهل شي:

    اني اشوف حفلات زواج هواية والاحض صراحتا مثل ماكالت ايمي البرودة مال حفلات امريكا. اكثر شي يديرون بال عل مضاهر اكثر من الازم واكو قوانين كل نفر لازم يصبح عل اقل 50 دولار علمود الناس لتحجي علي..سالفة اتعجب الواحد... بينما مال استراليا والمانيا اشوف الناس عبالك توهة جاية من العراق. ضحكتهم لو الركص حتا يختلف تماما...
    الشي الثاني هو لمن احجي ويا كرايب ابوية لو امي بامريكا، يحجون هواية بل انكليزي وياية مثل yes i know او of course لو you are right وصدقوني هواي هواي شغلات, اسءل نفسي اكول شني السالفة نسو السورث؟ مع العلم كلهم باعمار امي وعايشين هواية بلعراق...
    فا صراحتا هاي السالفة زيدت فضولتي شلونها الحيات بامريكا؟ وليش هناك تاثيرها اكثر؟ من هيج ورا سنة اروح بنفسي واشوف.اسويلي تطبيق هناك وارجع ورة 6 اشهر عود اهلي يكولولي اتغيرت لو لا Surprised
    *اوووو صارلي ساعا داكص باهل امريكا و هاي دينا من امريكا * Very Happy
    لا صدك دينا انت داشوفج غير شكل بلا مجاملا ها ماادري يمكن جديدة هناك. ورايج طبعا كلش صح انو تاثير الجو العاءلي والمتابعة اهم شي.

    تحياتي وشكرا على مروركم
    amelia rayis
    amelia rayis
    مشرف
    مشرف

    انثى عدد الرسائل : 8459
    العمر : 29
    الدولة : Jordan
    الدولة : 0
    تاريخ التسجيل : 14/12/2007

    وجهة نظر... Empty رد: وجهة نظر...

    مُساهمة من طرف amelia rayis في الأربعاء أبريل 16, 2008 9:16 pm

    هاي حقيقه الكل محد يكدر ينكرها لان دنشوف ودنعيش هالشي وتكدر اتكول الي بامريكا اكثر مادري شنو الي يغير الناس واحترم وجهة نظر المقابيل تحياتي الك


    _________________
    [ندعوك للتسجيل في المنتدى أو التعريف بنفسك لمعاينة هذا الرابط]

    [ندعوك للتسجيل في المنتدى أو التعريف بنفسك لمعاينة هذا الرابط]


    عندما نسقي عطشان كأس ماء نكون في الميلاد عندما نكسي عريان ثوب حب نكون في الميلاد عندما نكفكف الدموع في العيون نكون في الميلاد عندمانفرش القلوب فالرجاء نكون في الميلاد
    دينا صنا
    دينا صنا
    عضو مميز جدا

    انثى عدد الرسائل : 2858
    العمر : 30
    الدولة : usa
    الدولة : 0
    تاريخ التسجيل : 06/11/2007

    وجهة نظر... Empty رد: وجهة نظر...

    مُساهمة من طرف دينا صنا في الأربعاء أبريل 16, 2008 9:23 pm

    سلوان الي يحب يتغير يتغير عسا يكون بالعراق نفسها من ناحية الحجي واني عن نفسي صارلي 7 اشهر هنا بس ما اعتقد راح تتغير طبيعتي بس سورذ نحجي بالبيت بس ويا الي ينولدون هنا ما اكدر احجي سورذ لان اهلهم دا يعلموهم انكليزي فاضطر احجي وياهم انكليزي واني مو من امريكا اني من العراق مغتربة بامريكا والحفلات لازم يدفع كل واحد 50 لان اذا رحت على الاقل مطعم راح تدفع اقل من هيج صح بس هاي الزيادة للعرسان خطية دا ينخبصون علمود الحفلة فا مو هواية يدفع كل شخص 50 بس اني اعتب على الي عايشين هنا يدفعون فلوس هنا وهنا بس ما يفكرون يوم يدزون للاهل بالعراق هذا الاصعب وميرسي هاي الميرسي جنت اكولها من العراق وهي فرنسي
    selwan
    selwan
    عضو فعال
    عضو فعال

    ذكر عدد الرسائل : 78
    العمر : 36
    العمل/الترفيه : طالب
    الدولة : المانيا
    تاريخ التسجيل : 10/04/2008

    وجهة نظر... Empty رد: وجهة نظر...

    مُساهمة من طرف selwan في الأربعاء أبريل 16, 2008 9:44 pm

    ههههه يمعودة اختي دينا كولي غيرها.هاي مال ميرسي اصلا ولا جتي ابالي لو درت بالي عليها لان حجيج مايخليني احس على هيج شي ههه صدك ضحكتيني.


    وبلنسبة للمبالغ التهاني,اني قصدي مثلا هاي المفروض تطلع من قلب الواحد. بلكد فلان فقير .فيضطر يمشي ويا العالم..

    وعلى سالفتج مال مساعدا هاي اني وياج %100 لان اكو هواي يذبون فلوسهم بل كازينو لو المنافسة هناك حتى بين الكارايب قوية: منو عندا احسن سيارة لو احسن بيت لو احسن...هاي 3 كارايب بامريكا حاجيلي ياها شخصيا...
    ياريت لو اكو منافسة منو الي عندا احسن قلب...

    تحياتي
    avatar
    Amer Yacoub
    Admin
    Admin

    ذكر عدد الرسائل : 1690
    العمر : 53
    العمل/الترفيه : مدير الموقع
    الدولة : المانيا
    تاريخ التسجيل : 15/08/2007

    وجهة نظر... Empty رد: وجهة نظر...

    مُساهمة من طرف Amer Yacoub في الأربعاء أبريل 16, 2008 10:56 pm

    شكرا على الموضوع سلوان

    الانسان عزيزي دائما قابل للتغير وحسب الظروف التي يمر بها
    البيئة والزمان

    كمثال بسيط عندما ينتقل الواحد من القرية الى المدينة وفي نفس البلد
    تحدث تغيرات كثيرة على حياته تؤثر بالتالي على ملبسه وماكله وتصرفاته محتويات داره
    وعلاقاته مع الناس


    فكيف الحال اذا انتقل الانسان من بلد الى بلد
    يكون الفرق بينهم مثل

    فرق السماء عن الارض


    هذا التغير يعتمد على العمر والثقافة والحالة المادية والحالة الاجتماعية بمعنى متزوج ام اعزب
    فبالنسبة لذوي الاعمارالصغيرةيكون التغيرفي حياتهم اقل من ذوي الاعمار الكبيرة
    لان اختلاطهم يكون اكثر في المجتمع الجديد سواء المدارس او الجامعات او مكان العمل

    فعندما تقضي في اليوم الواحد اكثر من 10 ساعات مع اشخاص من المجتمع الجديد وتتحدث خلالها بلغتهم
    ستختزن بعض الكمات المتداولة يوميا لاكثر من مرة في عقلك وستتردها في البيت ومع اهلك
    بدون وعي او تعمد
    بالضبط هذا ما حصل معنا باللغة العربية.. حيث اصبحنا نردد الكثير من الكلمات العربية في البيت والتي استعملناها بكثرة ويومية في المدرسة او العمل في العراق.. و هذا مايحصل لاطفالنا هنا

    اما موضوع التنافس من يملك احسن واكثر فهذا موضوع يعتمد على القناعة والايمان
    وياريت يكون التنافس على العلم والعمل والايمان بالمسيح
    لانه مافائدة الانسان اذا ربح العالم وخسر نفسه

    فقط يبقى علينا ان لاننسى تقاليدنا وعاداتنا واخلاقنا وايماننا
    و ان لانتوه في العالم الغربي المادي البحت
    وان نورث هذه العادات والتقاليد والايمان الى اطفالنا


    تحياتي وشكرا لك عزيزي مرة اخرى


    _________________
    [ندعوك للتسجيل في المنتدى أو التعريف بنفسك لمعاينة هذا الرابط]
    selwan
    selwan
    عضو فعال
    عضو فعال

    ذكر عدد الرسائل : 78
    العمر : 36
    العمل/الترفيه : طالب
    الدولة : المانيا
    تاريخ التسجيل : 10/04/2008

    وجهة نظر... Empty رد: وجهة نظر...

    مُساهمة من طرف selwan في الخميس أبريل 17, 2008 8:55 pm

    شكرا اخ عامر للمرور وكلامك كلش منطقي. وحسب مافتهمت انهو اكو بيئة من بيئة الها مفعوله عل الانسان...
    اني داشوف بيئة المانيا مشابها شواية للعراق.... وشكرا للجميع عل مشاركه

    تحياتي

      الوقت/التاريخ الآن هو الإثنين سبتمبر 16, 2019 7:09 am