حوار ساخن بين الاعضاء!!!

مشكورين جميعا على الردود يا ورود

بس ارجو ان يكون الجواب اولا بكلمة واحدة
ثم الشرح
فتقولين مثلا
البلد الام
بسبب........
او المهجر
بسبب........

ومنتظرين مشاركة الاخوات الباقيات

تحياتي

هللوو جورج

بصراحة البنات هم اللي منشطين المنتدى

ولو اكو شباب هم ماقصرين



وحسب قوانين اللعبة اللي خالته بتر فلاي

ان الولد يوجه سؤال للبنات

والبنية توجه سؤال للولد



تحياتي

شكرا نيران على هذا السؤال المهم والحقيقي
طبعا الموضوع يعتمد على عدة امور... منها
هل توجد علاقة مسبقة؟؟؟
القناعة؟؟؟
الثقافة؟؟؟
الحالة المادية؟؟؟
وغيرها من الامور التي تؤثر على القرار
وهناك مشكلة اخرى في الغربة
وهي الاختلال في نسبة الذكور للاناث في المدينة او البلد
فاما يكون عدد الذكور اكثر .. او يكون فارق العمر بين الاناث والذكور كبير
وطبعا قلة الاختلاط والتعارف بين ابناء الجالية لسبب التباعد والانشغالات
كل هذه الامور تؤثر على اتخاذ القرار

فطبعا يصبح الامر متعلق بموضوع كل واحد وظروفه التي يمر به
حسب ماذكرت اعلاه
علما ان الكثير من حالات الزواج تتم في الغربة بين طرفين ساعدتهم الظروف على الالتقاء والتعارف

والموضوع يطول
شكرا لك ...تحياتي

بالبدايه شكرا نيران على السؤال الذكي والجميل والواقعي.....

مسألة الذهاب الى العراق او سوريه والاردن الها اسباب كثيره ولا تعد.....
بس بالنسبه الي ما افكر بهالاسلوب هذا لانه اعتبره غلط ( مع احترامي لاراء الاخرين)..
والسبب اللي يخليني ابتعد عن هذا الشي(الذهاب الى العراق) هو لانه اريد اعرفها البنيه اشوفها وتشوفني قبل ما نتعمق بالعلاقه الصادقه...وطبعا البنات بالعراق بسبب الاوضاع (الله يحميهم يارب)سوف يقبلون بأي شخص يتقدم لهم مهما كان الشاب وبلا تردد ..وينسون مستقبلهم. وبالنسبه الي لا استطيع ان اتعلق بانسانه تتعلق بي بسبب كندا او اميركا.فقبل ان تتعلق البنت بالشاب يجب ان تفهمه وتستمر معه لشخصيته ولقلبه وطبيعته واخلاقه وسمعته وتعامله مع الناس وطبعا والمهم وقبل كلشي هل الله له مكانه في حياته ام لا.. لانه اذا كان لله مكانه في حياته معنى هذا ان البنت سوف تكون لها مكان في حياة زوجها...
اما بالنسبه لل(القطه المغمضه) فلا فائده منها لانه الاصيله راح تبقى اصيله ...واذا القطه المغمضه مراح تكون اصيله فراح توصل لامريكا وتفتّح (وياويلي ويا سواد ليلي)...

وهناك اسباب كثيره تخلي الشباب يروحون للعراق وسوريه وغيرها ...
ومن اهم الاسباب هو :الكثير من البنات(مو كلهم ) في اميركا مثلا يبحثون عن المضاهر فقط فالزواج عندهم هو فستان وقاعه كبيره للغرور وبيت جاهز من كل شيء وسياره آخر موديل و..و....و
ناسين ان الزواج مقدس ..تفاهم...مساعده ...البدء من الاساس لتكون الحياة الزوجيه قويه تتحمل كل المشاكل والمصاعب ...ولا يتعلمون ويفهمون ان الزواج بعيد عن الغرور والمضاهر...ولذلك الزواج في الفتره الاخيره اصبح لفترات قصيره(والقصص كثيره الله يحمينا)...

واخيرا اشكرج نيران على سؤالج مرّه ثانيه...

تحياتي