شونكم؟؟
اشلون المعنويات ؟ ولد لتفضحوووووووووووووووووووونا هيجي
تره شغلاتكم صارت قديمه !!!!
اليوم جبت موضوع طاك
1/حبيبتي تدرين والله انا ماعندي سوالف الولد.. ما أحجي وية بنات.. اصلا ماألي علاقة بهالسوالف
أكيييييد وانت كل بنات العالم يعرفوك عيني ))
2/ما أدري حبيبتي احس اني اعرفج من زمااان ؟؟
(( لا يمكن غلطان بيني وبين وحده جنت تعرفها قبل .. يمكن اكو شبه ))
3/حبيبتي احس انك غير عن كل البنات احس انك مختلفه وغير عنهم
((ليش فوك راسي ريشه لو من غيركوكب ))
4/حبيبتي والله احس اكو اشياء هواية آني وياج نتشابه بيهااا .. كأننا شخص واحد
(( سبحان الله امهي وامك نسوان))
ياريتني ياكلبي عرفتج من زمان
(( خطية صارتلك زحمه ))
5/حبيبتي انتي تامرين قلبي امر .. كل اللي تكولينه أسويه
(( ايه من يبيض الديج ))
6/حيااتي أريدج تتغطين حتى محد يشوفج غيري لاني اغاار
((لا يا ختية سودة عليا الغيرة حاركة كلبك حرك ))
7/يا قلبي أريد اشوفج باقرب وقت مااكدر على الشوق اللي ذبحني
((يريد جماعته يتأكدون انها حلوة ))
انا احب الشعر ومن هواياتي الرسم والسباحه
(( لا رومانسي صدقة لله ))
حبيبتي خلي في بالج ترى انا اذا حبيت احب من كل قلبي
(( اقول بس اي قلب بيهم ؟!!!! ))
علاقتي بيج محد يدري بيها ابد لانها تعتبر من اهم خصوصياتي
(( بس عادي كل أصدقائه وجوارينه وابو المولدة يدرون .. لانهم مو اي احد ))
لما اشوف رقمج بموبايلي قلبي يقفز من مكانه
(( اي مو قلبك بس فايبريشن من اقل شي يهتز ))
فلان كال لي انطيه رقمج .. بس انا كلت له اكتلني قبل ماتاخذ رقمها مني
(( يمة اروح فدوة للنشمي يبو على الغيرة ))
حبيبتي اريد صورتج اخليها عندي علمود قبل ما انام اشوفها واحطها جوة راسي وانام
(( لا يمة اسمالله حتى من اتمل اتهددني بيها ))
اسف حبيبتي البارحة ما اتصلت بيج لان جنت مشغووووول حيل بالدراسة (ضارب روحه صوندة)
(( لا مبين يا نيوووتن انتااااا ))
تدرين حبيبتي انا دايما البنات الي واكفات بالسنتر يطلبون رقمي ... بس انا ماانطيهم وجه لان انتي حبي
(( هاهاااي .. الترتيب الصحيح للجمله .. دايماا اني الحك البنات بس ماينطوني وجه ))
البارحة مانمت .. طول الوقت افكر بيج .. اخذتي عقلي حبيبتي
(( الا قصدك نمت وحلمت وشبعت نووم ولا متدري اصلا ))
انتي احلى بنية شفتها بحياتي ماظن الكى احلى منج
(( ليش متعرف على ملكة جمال الكون واحنا ماندري؟؟))
رح اشتري كمبيوتر جديد .. كمبيوتري صار له شهرين يمي وكمبيوتر اخوي مايعجبني والكمبيوتر الثاني ماتأقلمت وياه(( مشااءالله وكالة كمبيوتراات ....وهوة ماوس ماعندة ))
ما افتح الماسنجر الا اذا انتي موجوده ... اصلا النت بدونك مايسوى
(( يقصد .. ما افتح عنج البلوك الا بعد ربع ساعه من تدخلين ... وترى النت بدون البنات مايسوى))
هع هع هع
ها شباب شتكولون
تره سوالفكم قديمه صارت
يحتاج نسوي ثوره بعالم الحبيات
بس انتو مجلبين بسوالفكم مال العصر الجاهلي
[ندعوك للتسجيل في المنتدى أو التعريف بنفسك لمعاينة هذه الصورة]
تحيات مال اني[ندعوك للتسجيل في المنتدى أو التعريف بنفسك لمعاينة هذه الصورة]
الزعل ممنوع