هل يحق للمغترب التكلم عن العراق؟

شكرا اخ عامر عالموضوع اكيد من حقنا ان نتكلم عن بلدنا لاننا لم نريد الهجره بارادتنا بل لكل واحد منا اسبابه والسبب الرئيسي مثل ما كلنا نعرف هو الحرب بالعكس النا الاحقيه اكثر من الذين ديعيشون قي الداخل لانا انحرمنا من ناسنا اهلنا جيراننا مدارسنا و ايضا وطننا واللي يعيش الغربه يذوق الامرين اول السنوات الى ان يتافلم ولو اي احد سالنا عن العراق راح انجاوبه ابحنين وندافع عن البلد مهما كانت قسوته علينا او مهما كانت المعاناة اثناء تواجدنا فيه

طبعا يا اخ عامر انت دا تكول هل يحق النا ان نتكلم عن العراق واحنا بعيدين عنا اي يحق حتا لو تعرف القليل بس مرات يصير شي ثاني تعرف بس ما تكدر تحجي وهذا الي يصير بالمغتربين بالدول العربية وهذا اصعب والاصعب لمن انت تحب بلدك وتفتخر بس ما تكدر تكول اني عراقي لان ابسط شي يسكتوك اذا ما يهددوك بالترحيل وطبعا اني طولت بس لازم اكلك هذا الشي لمن فاز منتخب العراق بكاس اسيا طلعو عراقيين يحتفلون قسم كبير انسجنو واحنا من الناس طلعنا دا نحتفل فرحنا مطعم وبمنطقة ثانية وهناك اكو مكانات نكدر نتمشى بيها اول ما نزلنة من السيارة واحد عرف احنا عراقيين كال على اساس غالبين كاس العالم واني سمعت هيج ما اتحملت انداريت علي وكتلا انتو لو بيكم خير اخذوا كاس تشرين الي يصير ببلدكم وكل سنة ياخذا فريق عراقي بعدين كول احنا شغلبنا وميرسي اخ عامر وسوري طول هوايا

اني بالنسبة اللي افتخر بكوني عراقي وأتشرف بعراقيتي وما أخفيهة أو انكرهة وحتى لهجتي ما اغيرهة من احجي وية الناس احجي عراقي وبالنسبة للكلام عن العراق اكيد اللي طالعين من العراق صارلهم فترة وخاصة قبل الحرب الأخيرة من المستحيل انو يقدرون الضروف اللي عشناها بالعراق أو حتى يتخيلوها علمود يكدرون يحجون بيها يمكن تكولون انو الأعلام ديضخم الأمور بس صدكوني واني مجرب اللي ينقلة الأعلام ميطلع 20%من اللي شفناه هناك وآسف على الأطالة وتحياتي