نيااااااااااا تعالو لحكو عتوي صادقلة بزونة بالموبايل نيااااااااااا

يابه يكلك في احد أيام شهر نيشان (نيشان لو مهر)اقصد نيسان جان اكو عتوي ديفتر بأكبر مزبلة بالمنطقة نافش ذيله و مطول الـ 6 شوارب مالته (عتوي شقاوة مال المزبلة يعني)

و هناك و جان يصيدلك شون حاتة بزونة بيضة على شكار رشيقة و واكفة بسرة مال فيران (جانوا ديوزعون فخاذة مال فيران و جريدية عالبطاقة)المهم كلك لك ايي هية هاي الوصلة اللي دا أدور عليها,,,ما اطول عليكم الفالسة طكها بالرقم و اخذ رقمها و اتخابروا و تعالوا شوفواالمخابرة:




العتوي ديدك

ممو ممو مياو مياو ممو ممو مياو ميو ممو ممو شعر ممو هلة ممو للكاع ممو (هاي البزونة مخصصة نغمة للعتوي ردح مال بزازين)
-الوووو (هاي الـ الو الناعمة الطويلة مال بنات)
- حياااتييي شلونج؟ مشتاقلج؟
- هلو يابذات يا لئيم ان شاء لله يلحكك جلب دوبر
-ليش حياتي هيجي تفولين علية؟ هوة آني ما صدكت فلتت منهم البارحة ولوما الكالج نكرة و اختل بيها جان بس الذيل باقي وداعتج حياتي
-أسم الله حياتي عالعموم وينك البارحة؟ مو متواعدين بال 8ونص بالمزبلة يم الكشور مال النارنج؟ وينك ليش ما جيت؟ مو آني محضرة العشة شون 6فيران كنتاكي تلوك لـ هالحلك
_والله حياتي تعرضت لحادث
-شنو حبي ؟مريض؟
-لا ....نعال
-اهوووو هم نعال ؟ تاليها وية النعلان والله دمرتنا
- إي والله ...اليوم جنت نايم عالفتحة مال البلوعة بالحمام شفتها باردة شوية اشو جا ابوالبيت ضايج و يعربد آني غلست بس اشو جرررب و ما اشوفلج إلا نعال تايه اجاني و شون نعال من هذا ابو ال 8000 نادر ما يخطئ مو نعال عبالك صاروخ موجه بالليزر حياتي وجرررب ما اشوفلج إلا كامت الجلوة اليمنة هسة آني دا اشتغل تك اويييلييي يابه
-يالله حبيبي ما عندك إلا العافية رحت للطبيب؟
-ايي كتبلي على ابر حليب نيدو بالجلوة و هسة آني أحسن
-اليوم تجي؟
- والله حياتي ان شاء لله بس اشوف أموري لأن اكو 6 جلاب سلوكية ديعلسون شكو بزونة بالشارع خاف انعلس الله كريم عود ابرجقها ببالي للسالفة و أحاول اجي
-اوكي حبي عود انتظرك و اجيبلك وياية سمجة وآني............ .......الو الوووو شبيك؟؟الووووووو
(ططبطرررررررررررررررررررررررررررب)
-هاي شنو الصوت حبي؟حسيت صار زلزال بالكاع خيييير؟
-حياتي انتي مجنصة واكفة عال كاع
-ليش انت وين؟
-بالسما
-ليش؟
-جلاااااااااااااااااااااااااااااااااااااااااااااااا اق اوييييييييييييييييييييييييييييييييلييييييييييي
-هاي شنو منو ضربك؟
-ابن ابو البيت عنده شووت يسرة مو طبيعية عبالك روبرتو كارلوس مو رجل منجنيق حياتي آني هسة وكعت ببيت الجيران
_يمممة اسم الله هاي شبيهم وياك؟ الله لا ينطيهم صكطو ال حبيبي هيء هيء هيء
-حياتي آني اتصكطت شوفيلج عتوي غيري
جررررررررررب ورة يومين لكو العتوي ميت بالحديقة بسبب نزيف داخلي و عاشوا عيشة سعيدة

*****************************************

عاشت ايدك سلار صدك ضحكتنا.. على فكرة... صديقاتي بالشغل عندهم بزازين يموتون عليهم و فوق القهر يشترولهم اكل و شرب خاص و يودوهم للمستشفى و الحامل يسوولها عملية قيصرية و يبوسوهم و بس اني اكره البزازين و هذا الحجي هم على الجلاب و اني اكره هذولى الحيوانات و اخاف منهم.. و هم بالشغل عدنا بزونة خاصة بالمستشفى و قبل كم يوم كتبت الشيفة مال شغل ورقة و علكتها وكتبت بيها ملاحظة مهمة.. انه البزونة لازم 24 ساعة مننطيها اكل لان عندها موعد يم دكتور الاسنان و تعالو شوفو الضحك... هو بس اني كنت اضحك... و كلت ال صديقاتي احنا بالعراق الاطفال يمسكون البزونة من ذيلها و يفروها قوي و يذبوها بعيد و ترجع مرة اللخ... صدك مضحكة و هاي البزونة معقدتني من حياتي دائما ورايا ورايا و على كولت المثل الجلب ميحب الى قتالو............. و الكل يحبها لان صارلها 18 سنة بالمستشفى.. و العجايز الي ساكنين بالمستشفى همين هواية يحبوها و ها صدك هي اسمها سوكلي .. sökli ها احبائي شنو رايكم بيها مو عيشتها احسن من ...... اغنى واحد بالعراق... خطية حيوانات العراق حتى على الزبالة حاسديهم احنا... .....

عاشت ايدك سلار يخبل التحشيش

نجوان ذاك اليوم مات جلب جماعة نعرفهم جان يقدمون قداس على نيتا بالكنيسة بس ما اعرف لي هسا القس يعرف انو هذا الاسم اسم جلب ما اعرف اذا جان يعرف شجان راح يسوي

قوية دينا هههههههههههههههههههههههههه اني هم صديقتي مات جلبها انطوها اجازة اسبوع و دفعولها الراتب ههههههههه

هنا حتا السورايي مريضين نفسيا ما اعرف شبيهم وقصص الحيوانات هنا متخلص بالاخبار ذاك اليوم وحدا تكول نطت ثروتها كلها باسم جلبها اذا سامعين بهذا الخبر ويوميا يطلعوهم مشي حتا لا يضوجون بالبيت والبرد برا يموت

اي صدك سوى ضجة هذا الخبر.. امداهم اي صدك و اطفال العراق ديتعذبون...

و شون نعال من هذا ابو ال 8000 نادر ما يخطئ مو نعال عبالك صاروخ موجه بالليزر
هذا شلون نعال صدك ضحكتنا،سالار ،عاشت ايدك

يا ريت كارولين لو النعال ابو 8000........يعني من قورة الضربة مبين النعال من هذا اللاستيك ابو ال3000 دينار
حلوة منك سلار عاشت ايدك

شكرررااااااااااااا للكل على مروركم وردودكم الحلووووووووووة وكارولين مثل مكال رافي هذا اكيد ابو اللاستيك خخخخخخ تحياتي للكل

شكرا خالة نيران على مرورج العطر تحياتي الج للعائلة