أرادن وكل صبنا :: Araden and all Sapna

عزيزي الزائر الكريم ... انت لم تقم بتسجيل دخول بعد ، انقر على الدخول..
او على التسجيل ان لم تكن بعد مسجل كعضو في منتديات ارادن وكل صبنا
أرادن وكل صبنا :: Araden and all Sapna

أهلا وسهلا بكم

اهلا وسهلا بكم في منتديات أرادن وكل صبنا 
    • دارميات عراقيه جميله

      شاطر

      afandi
      عضو فعال
      عضو فعال

      ذكر عدد الرسائل: 96
      العمر: 45
      الدولة: sweden
      الدولة: 0
      تاريخ التسجيل: 21/10/2007

      دارميات عراقيه جميله

      مُساهمة من طرف afandi في الخميس مارس 06, 2008 12:16 am

      هاك استكانة جاي أشرب عوافــي
      أو دزيته لك مخصوص يامايه صافي



      رش الدرب تيــزاب حافي أعتـني لـك
      جا شـلي بالرجليـن الما تجي لــــك



      لو ترش مو تيــزاب لو تزرع ألغــام
      اللحم خلـه إيروح أوصلـــك إعظـام



      كل ما يجي الليل أذكر وفــــاكم
      واذكر محاشي الطيب وابجي أبرهاكم




      ويا النجم سهران وايدي أعلى خــدي
      الليل أوظلام الليل شو كلها ضـــدي




      وحدي ابنص الليل بس حيرتي أوياي
      أبجي أعلى وقت الراح واتنطر الجاي




      إشما تقول الناس عندي أنته لول
      سو كلشي بالدلال يالحلو مخـول




      يالتون تالي الليل سمعني حسك
      لولا القلت والقال لعبر وونسك




      شحجي وتريد الناس من عندي أحجـي
      دمعتي إبطرف العين بس أحجي أبجـي



      للخوه ماقضيت شي ماقضيته
      حتى الصخر ياناس وتوسديته



      انت العطش والماي وانت المشوفـه
      ورسمش وحق عيناش بالكاس اشوفه


      أرد انشدك وارجوك صارحني ياهواي
      تذكرني لوغصيت من تشرب المــاي


      نارك يخايب ماي مومثل نـــاري
      اومن يطري بيا الشوق يحترق جاري


      هم حلو .. وهم إزغيــر .. هم أزرك عيون
      بس بيه طبع مو زين من يوعد إيخــــون



      بالك تقول الاه ياخويا بـــالك
      كل التقوله ايصير روحي ابدالك


      مبخوت أضل للشيب يافلان أذكـرك
      أوينكرني نور العين من كون أنكرك


      سبحانه من سـواك نص وجهك إعيــون
      إزغيــر سبيــت الناس من تكبر شلون



      بيدي أوقرضها الفار فجت عباتي
      كل هذا ماطخيت وامشي ابرهاتي


      أتمنى كون أيصير لحدي أويا لحدك
      أو من يطلع الدفان أقعد وقعـــدك


      بيدك ضيعت ديك الليـــالي
      وبلحظه ما أجى أبعينك دلالي


      شقيت ثوبي أعليك وصلته للنــص
      جاوين قلبك أوياي صاير مثل جص

      yasmin sana
      عضو فعال
      عضو فعال

      انثى عدد الرسائل: 60
      العمر: 42
      الدولة: 0
      تاريخ التسجيل: 30/09/2007

      رد: دارميات عراقيه جميله

      مُساهمة من طرف yasmin sana في الأحد مارس 09, 2008 6:21 pm

      اني كلش احب الدارميات هاي مشاركاتك الرائعة ليش تكتبها بقسم المطبخ ؟

      rafy luqa
      عضو مميز
      عضو مميز

      ذكر عدد الرسائل: 911
      العمر: 22
      العمل/الترفيه: طالب
      الدولة: البوسنة و الهرسك
      الدولة: 0
      تاريخ التسجيل: 13/10/2007

      رد: دارميات عراقيه جميله

      مُساهمة من طرف rafy luqa في الأحد مارس 09, 2008 8:26 pm

      صدك حلوة الدارميات هاي بس ليش كاتبهة بالمطبخ؟؟؟

      alkaram
      عضو فعال
      عضو فعال

      ذكر عدد الرسائل: 116
      العمر: 45
      الدولة: المانية
      تاريخ التسجيل: 31/10/2007

      رد: دارميات عراقيه جميله

      مُساهمة من طرف alkaram في الإثنين مارس 10, 2008 12:23 am

      قصدك تريد تغدينا دارميات وتعشينا خواطر ؟؟؟ اخوي العزيز Razz

      بس عاشت ايدك كلش حلوى

      فوزي شموئيل بولص الارادني
      المشرف العام
      المشرف العام

      ذكر عدد الرسائل: 11750
      العمر: 51
      الدولة: المانيا /Bad kreuznach
      الدولة: 0
      تاريخ التسجيل: 07/10/2007

      رد: دارميات عراقيه جميله

      مُساهمة من طرف فوزي شموئيل بولص الارادني في الإثنين مارس 10, 2008 8:47 am

      شكرا اخي وعد على الدرامي شكرا شبعتنا اخلى اكلة
      تحياتي

      afandi
      عضو فعال
      عضو فعال

      ذكر عدد الرسائل: 96
      العمر: 45
      الدولة: sweden
      الدولة: 0
      تاريخ التسجيل: 21/10/2007

      رد: دارميات عراقيه جميله

      مُساهمة من طرف afandi في السبت مارس 22, 2008 5:26 pm

      هههههههههه صدك والله دازها للمطبخ. سوري شباب اكيد جنت سكران وجوعان من دزيتها اسف مره ثانيه المهم عجبتكم؟

      rafy luqa
      عضو مميز
      عضو مميز

      ذكر عدد الرسائل: 911
      العمر: 22
      العمل/الترفيه: طالب
      الدولة: البوسنة و الهرسك
      الدولة: 0
      تاريخ التسجيل: 13/10/2007

      رد: دارميات عراقيه جميله

      مُساهمة من طرف rafy luqa في السبت مارس 22, 2008 8:54 pm

      اي كلش حلوة عاشت ايدك افندي

      دينا صنا
      عضو مميز جدا

      انثى عدد الرسائل: 2858
      العمر: 25
      الدولة: usa
      الدولة: 0
      تاريخ التسجيل: 06/11/2007

      رد: دارميات عراقيه جميله

      مُساهمة من طرف دينا صنا في السبت مارس 22, 2008 9:12 pm

      كلش حلوة الدارميات وميرسي افندي

      amelia rayis
      مشرف
      مشرف

      انثى عدد الرسائل: 8459
      العمر: 24
      الدولة: Jordan
      الدولة: 0
      تاريخ التسجيل: 14/12/2007

      رد: دارميات عراقيه جميله

      مُساهمة من طرف amelia rayis في الأحد مارس 23, 2008 7:35 pm

      حلوه تسلم تقبل مروري


      _________________
      [ندعوك للتسجيل في المنتدى أو التعريف بنفسك لمعاينة هذه الصورة]

      [ندعوك للتسجيل في المنتدى أو التعريف بنفسك لمعاينة هذه الصورة]


      عندما نسقي عطشان كأس ماء نكون في الميلاد عندما نكسي عريان ثوب حب نكون في الميلاد عندما نكفكف الدموع في العيون نكون في الميلاد عندمانفرش القلوب فالرجاء نكون في الميلاد

        الوقت/التاريخ الآن هو الثلاثاء سبتمبر 02, 2014 2:46 am