عمر صداقتهم 40 سنة .. انتو راح تتعجبون لان مبينه صداقة قوية مو !!
بس جان اكو مشكلة كلش جبيرة و حياتهم شابجة عليهم يعني مثلاً
بنطرون ما يعرفون هذا بنطرون منير لو نمير .. و لا حتى ابو ما يعرف منو ابنة منير لو نمير
الشغلة مليوصة تعالو افهمكم بلكت اتساعدوهم :
أبو منير و ابو نمير محد يعرف اللاخ و لا احد شايف اللاخ و التقو اول مرة بالمستشفى لان نسوانهم جانو ديجيبن ..
أنولدو نمير و منير بنفس اليوم و بنفس الساعة ,, و ورة 10 دقايق من الولادة صار أنفجار كلش كلش قوي و صارت هوسة و تبادلو بالغلط يعني
أبو منير اخذ نمير و ابو نمير اخذ منير ورة شهر شالو بيت ابو منير كعدو يم بيت ابو نمير و راحت ام نمير اتزور ام منير و تعرفت عليهة و صارت كلش صديقتهة
و بمرور الايام انخبطت الممة مال منير وية الممة مال نمير و ام منير اخذت قوطية الحليب مال نمير و ام نمير اخذت لعبة مال منير و من كبرو راحو للروضة
و بالباص منير كعد بمكان نمير و نمير كعد بمكان منير فأجة ألسايق اخذ اسم منير بدل من اسم نمير و منير اخذ جنطة نمير و نمير اخذ لفة منير
و راحو للمدرسة صار غلط بالدرجات لاو درجات منير يم نمير و نمير ماخذ درجات منير و وراها نمير اشترى سيارة منير و منير اشترى بايسكل نمير و ورة جم سنة
منير خطب خطيبت نمير و نمير اتزوج خطيبة منير و رة كل هذا ابن نمير اتعارك وية بنت منير و خالت منير بسطت ابن نمير و عم منير اجة هدادة على بيت نمير
و ابو منير اتعارك وية ام منير و منير تضارب وية نمير و من راحو لمركز الشرطة الظابط اخذ اقوال منير قبل نمير لان جان المفروض منير ورة نمير
و منير رفع قضية على نمير بأنتحال شخصيته و نمير رفع قضية يتهمة منير أنتحال شخصيته ....
ألسؤال أيد منو بخشم منو أي بمعنى منو منتحل شخصية أللاخ