أرادن وكل صبنا :: Araden and all Sapna

عزيزي الزائر الكريم ... انت لم تقم بتسجيل دخول بعد ، انقر على الدخول..
او على التسجيل ان لم تكن بعد مسجل كعضو في منتديات ارادن وكل صبنا
أرادن وكل صبنا :: Araden and all Sapna

أهلا وسهلا بكم

اهلا وسهلا بكم في منتديات أرادن وكل صبنا 

    حريه عراقي

    afandi
    afandi
    عضو فعال
    عضو فعال

    ذكر عدد الرسائل : 96
    العمر : 50
    الدولة : sweden
    الدولة : 0
    تاريخ التسجيل : 21/10/2007

    حريه عراقي Empty حريه عراقي

    مُساهمة من طرف afandi في الخميس يناير 31, 2008 5:36 pm

    حرية عراقي
    حرية العراقي بتسعه نيـسان -- ويا عيني عليهه شلون حريّه


    تمنينه الصنم من طاح بـالگاع -- احوال الشعب تتحسن شويّه

    و تمنينه الحزن ما بعد نلگاه -- وايام الحزن كلها
    منسـيّه

    و تمنينه نحس بـطعم الامان -- وماكو قمع من اجهزه
    امنيـّه

    و تمنينه البلد يتعمر إبـساع -- و دور الخراب إتصير
    مبنـيّه

    و تمنينه إبيوت ماكو للايجار -- وإبيوت الاجار اتصير
    ملكيـّه

    و تمنينه الناس تتباها بالاموال -- و خيرات البلد للناس
    منطيـّه

    و تمنينه العراق يصيـر مثل الدار -- كل احنه نعيش ونحتمي
    بفـيّه

    و تمنينه الحروب إتصيـر تذكار -- وما نسمع طلق من
    بندقيـّه

    و تمنينه الكهرباء تعود للشمعات -- وشويه العراقي يفرح
    إبضيّه

    و تمنينه النهر متروس نـلگاه -- و دجله الخير يتمايل
    إبميّـه

    و تمنيــنه نحب واحدنـه للّاخ -- و ننسى الماضي بكل
    مئآسيـّه

    و تمنينه نعيش بمنهج المختار -- بدين واحد رغم
    المذهبيـّه

    و تمنينه نعيش العرب والكرد -- وابد ما نعرف طعم
    العنصريـّه

    و تمنينه الفلك بالظالم يـدور -- ويشاهد مآسي الذل
    والعبوديّه

    و تمنينه تمنينه هواي اشيـاء -- ولا وحدة إتحققت تگول
    منيّه

    لان من طاح الصنم بالگاع -- هواي جت اصنام وتريد ملكيـّه


    ولا واحد گلبه يرف عالبلد -- كلمن خايف إو حاير بكرسيّه

    و رد الحزن چن مانرضه فرگاه -- و بحزان الوكت كلهه
    مبليّـه

    و فقدنه نعمه سمّوهه الامـان -- تفجير بكل صبح وظهر و
    مســيّه

    ارهاب وقتل متــناثر بكل گاع -- بزيونه وعلاوي
    وبالعامريــّه

    والعنده مُلك هجرونه هاليـوم -- ناصبله خيمه و ساكن هـ
    البريـّه

    والعنده فلس سلبوه منه بساع -- وفلوسه اصبحت للناس
    نثريـّه

    و ذاك العراق البيت الچبيــر -- تهدم بيد الايادي
    الاجنبيــّه

    والعراق بحرب ما إلهه عنوان -- تفجير الجوامع والحضرة
    العسكريّه

    واذكر قصة عله دجله من فـاض -- عزّل الدنيه وما نشف
    مـيـّه

    و هسه دجله يبچي عله الاسماك -- لان جزر واعشاش فوگاه
    مبنـيّه

    وما ظل بعد واحد يــحب للّاخ -- و صار الاخو يكتل بخـيّه


    و غربان اجت شوهــــت بالاسلام -- بتفجير و قتل و نسوان
    مسبيـّه

    ولك شحچيلـك بعد عن هذا الزمن -- و ضيم الوكت اشسوة
    بيــّه

    چنت اني العراقي بين الناس -- چانت الناس تطلب مراد من
    اديّه

    وهسه الناس نفس الناس -- ماشفت منهم بس الاذيّه

    و گمت اصرخ وينك يـخوي -- تره كل الخلگ دارت عليّه

    وينك يللي مصابك مصابـي -- وينك مو ما بعد حيل بيّه

    كل هذا العرب ما همهم شـصار -- وجاني الغريب و عضني من
    إديـّه
    فوزي شموئيل بولص الارادني
    فوزي شموئيل بولص الارادني
    المشرف العام
    المشرف العام

    ذكر عدد الرسائل : 11750
    العمر : 56
    الدولة : المانيا /Bad kreuznach
    الدولة : 0
    تاريخ التسجيل : 07/10/2007

    حريه عراقي Empty رد: حريه عراقي

    مُساهمة من طرف فوزي شموئيل بولص الارادني في الإثنين فبراير 04, 2008 10:27 pm

    عاشت اياديك على هذا الشعر الرائع ونطلب المزيد وانشاء الله الي اتمنيناه يصير حقيقة وتعود البسمة لكل عراقي
    تفاؤلوا بالخير تجدوه
    avatar
    Amer Yacoub
    Admin
    Admin

    ذكر عدد الرسائل : 1690
    العمر : 53
    العمل/الترفيه : مدير الموقع
    الدولة : المانيا
    تاريخ التسجيل : 15/08/2007

    حريه عراقي Empty رد: حريه عراقي

    مُساهمة من طرف Amer Yacoub في الثلاثاء فبراير 05, 2008 10:57 pm

    [ندعوك للتسجيل في المنتدى أو التعريف بنفسك لمعاينة هذا الرابط]


    _________________
    [ندعوك للتسجيل في المنتدى أو التعريف بنفسك لمعاينة هذا الرابط]
    karoleen
    karoleen
    عضو مميز جدا

    انثى عدد الرسائل : 2378
    العمر : 44
    الدولة : canada
    تاريخ التسجيل : 12/02/2008

    حريه عراقي Empty رد: حريه عراقي

    مُساهمة من طرف karoleen في الأربعاء مارس 05, 2008 8:58 pm

    عاشت الايادي،وانشالله يعود السلام والامان للعراق الحبيب،تقبل مروري sunny
    najwanfaris
    najwanfaris
    مشرف
    مشرف

    انثى عدد الرسائل : 4115
    العمر : 40
    العمل/الترفيه : Fachfrau Gesundheit
    الدولة : سويسرا/ Schweiz
    تاريخ التسجيل : 20/01/2008

    حريه عراقي Empty رد: حريه عراقي

    مُساهمة من طرف najwanfaris في الخميس مارس 06, 2008 12:46 am

    عاشت الايادي.. و تقبل مروري ......... flower

      الوقت/التاريخ الآن هو الجمعة أغسطس 23, 2019 2:39 pm