نبدأها باخبار العراق..
-انفجار سيارة مفخخة ومقتل واحد ثنين تلاثة .. وذاك هناك صارو اربعة... واكو نص
هنا وربع هناك صارو تلث اربعاع واذا نحسب الايد ربع هناك اكو اربع ايدين
يعني نفر كامل صار المجموع خمسة وتلث ارباع..
-استهداف موكب أحد.... أثنين.... ثلاثاء مادري يمكن الخميس نروح عالكازينو و ندخن
عصير ونشرب نركيلة .......... واستشهاد مرافقية.. قرب احد اثنين ثلاثاء...
"يكفي بقا زي "بالمصلاوي" ...
-ومن اخبارنا السريعة>>>>>>>>>>>>>>>
يازي عاد مو قلنا سريعة انت الظاهر ما مركز وياي.. اي انت..! نزل ايدك..
!! بسيطة بعدين نتفاهم..
ونرجع عل الاخبار السريعة.... مات..
قتل..انفجر..انخطف..تسلب..دفاتر..سجل..حكومة..امريكان... سكتووووو انلاصت
مدرعة..!! وهناك عبوة نافسة وو و والتكملة بالخبر الاول...
- ولادة اول "جرو" عراقي بعملية قيصرية استغرقت خمس ساعات وثلث وذلك لعدم رغبة
الجرو في الخروج من سمع بيها طاااااااااااق و طيييييييييييق وسمع دا
يخطفون جلاب من الشوارع وطالب "الجرو" بحصانه سياسية ورفع الموضوع الى
مجلس الوزراء في الحال للمداولة.. شعدهم..!!
- عركة بين طالبين داخل الحرم الجامعي واصل صوتها للمريخ مدري للمشتري هو ياهو
الاقرب؟؟؟ المهم..اكيد متشوقين تعرفون السبب.. بنت.!! اريد !! تنورة
قصيرة..!! ماشية عالجنبين بنص الشارع.. وواحد ع رصيف اليمين والثاني
عاليسار.. يحتاج اكمل الخبر!! مصرين.. شنو انا ضارب وياكم ثريد... بس
يللا.. واحد "بسبس".. والثاني "صجم" .. بخر الاول وكال اني "شفتا بشارع
الحمرا" وهي مالتي.. رد الثاني "خليك ريلاكس وامشي".. الاول رفع ايده
و.................. حك راسه وبلش يفكر بالجهال بس الثاني ماعنده جهال
فاكيد مفكر ومرفع ايده وصاح المخرج ستووووووب وطلعت الكاميرا الخفية...
وطبعا ليلى خلصت بيبيتها من هذا الذيب تعرف ليش..؟؟ لان شايله
M16 ..
والان مع الاخبار الرياضية...
نبدأها من اخبار المونديال..
- انتصار الماني ساحق على الفريق الارجنتيني بنتيجة -30/25 .."ولك يمكن هاي درجة
الحرارة مو النتيجة... بس المهم هي خسرت بالتالي وطلعت من دوري ال 100000
..؟؟ هذا موعدد الجمهور ............ هي كلها ارقام بس المهم الفكرة..
يعني طلعت وعلى ايد المانيا وشعلينا بالتفاصيل..
- ومن مباراة انكلترا والبرتغال...قرر الحكم الغاء اليد بلمسة الفاول داخل
البطاقة ال 18 وطرد المشجع روني الى داخل الملعب... يمكن شوي متوهمين قصدي
"قرر الحكم الغاء الفاول بلمسة اليد داخل منطقة ال 18 واعطاء بطاقة حمراء للاعب روني ولاتسألني عن السبب بس يكولون هذا روني واحد حييل مصقط وفد
يوم صجم اخت الحكم وهيج راحت ايام واجت وصار اللي صار باللعبة
ايبااااااااخ شكد الدنيا دوارة...
- اووووووووووووووووووووووووووووووووووووووووع
قصدي خسارة المنتخب البرازيلي امام المنتخب الفرنـــــــــــغالي ب صفر
مقابل لا شئ بتسديدة من البطة البرازيلية ام ال 90 كيلو "رونالدو" الذي
تقرر بيعه بالمزاد العلني .. او توقع تلكاه باللنكات بجيب واحد من
البناطيل..
- واكيد تمنياتنا للمنتخب الاخضر ب التوفيق امام منتخب "روضة الرياحين الاهلية"
مقابل شارع الصناعة هاتف: 009614444444 وراح تطلعلك نانسي وتألك شبيك لبيك
معك تفضل.. بدي اغنية سعد الحلي.. واوا احححح... بدك تشارك بالمسابئة...
1+1 اديش يساوي.. ممكن تساعديني نانسي لان ابوي يتيم وجدي أبو أبي متوفي
وعاطل عن العمل.. توت توت توت انكطع الخط اتمنى تعاود الاتصال بس اذا من
"عراقنا" ماانصحك.. واكيد نسمع اغنية بابا اوبح بصوت المطرب المغربي حاتم
العراقي.. (الخاطر الله بعدك وياي..)
واخيرا مع النشرة الجوية....
اهديك اغنية كاظم برد ورياح ومطر... ونلتقي بنشرة ال 12 وخمس دقايق حسب توقيت
Gmt مدري Ksa هو يعني انت حيل مشتاق تسمع اخبارا بعـــــــــــــــــــــــــــــــد...
تحياتي للجميع
اذا انتوا افتهمتوا شي فأني كلشي ما افتهمت [ندعوك للتسجيل في المنتدى أو التعريف بنفسك لمعاينة هذه الصورة]