الرئيسية
الله يساعدكم يالعراقيين
راح احجي بالعامية اولا وراح اترك القضايا الامنية والحجي عن الشوارع والطرقات المسدودة يومية واعبر الحواجز الكونكريتية .
راح احجي عن معانات العراقيين بالصورة الشعبية منذ زمن الحصارقبل اعوام والى الآن ( الابرز منها ) .
الله يساعدكم يالعراقيين يومية طالعين عليكم بقصة ودالغة جديدة ومن هاي القصص والدوالغ اذكر!!!
اولا – الكهرباء لهسة مديسووهة واذا سووهة تجي ساعتين 22 ساعة يكطعوهة وغير مناطق 24 ساعة تلكوهة تكولون ليش يكولون الابراج الناقلة ضربوهة انتظرو علما يرجعوهة وهاي الدالغة عل طول تسمعوهة .
ثانيا – المجاري يومية مسدودة ويجيبون سيارات السحب تسحب والفلوس من الاهالي يلموهة ويكولون راح يسووهة بس بصراحة مولدات الضخ باكوهة .
ثالثا – الهواتف الارضية كل يوم يعطلوهة والدالغة البدالات قديمة ان شاء الله يبدلوهة ومرات اهنا الواحد يحجي ضميره يبدلوهة وتشتغل يومين كلش زين وبعدين للوايرات يكطعوهة وانتظر ايام ديرجعوهة بعد الدفع وهاي شغلة تدروهة .
رابعا – كراجات النقل ( النقل العام ) مكانهة يومية يبدلونه والناس تركض بالبرد والحر واهل النقابة للناس يعذبوهة .
خامسا – الحصة التموينية قصته قصة المواد يوم زيدوهة ويوم بدل الي ما استلم فلوس ينطونه ويوم خبر نهائيا راح يكطعوهة والمواطن ينتظر اشهر علمود يستلم نص اكو ونص ماكو والتصريحات ماشاء الله تارسة الصحف تلكوهة والاجتماعات علمود ديناقشوهة وتخلص السنة والحصة ببعض المناطق ميشوفوهة وعلى هذا الحال .
سادسا – النفط والغاز والبانزين هذا قصته ودوالغة هواية واكيد تعرفوهة شوفوا الناس للاشجار كطعوهة وحطب سووهة ( للاكل والتدفئة ) لان لاغاز ولانفط والبانزين بس ريحتة تشمونهة كله بسوق السودة تلكونه .
سابعا – ماء الشرب يكولون اليوم لاتشربونه لان الكلور ومواد التعقيم خلصت وما جابونه . فد يوم الاقارب بنص الليل خابرونة ( طبعا على الموبايل ) كالوا صاحوا بمنطقتنة ماء الشرب لاتشربونه لانه سمموه . والصبح طلع خبر بوسائل الاعلام وجذبوه .
ثامنا – هويات الاحوال المدنية وشهادات الجنسية كالوا لازم تغيروهة وتسوون ام الختم الي مايزوروه وروحوا اخذوا استمارة ابلاش ( بس بسوق السودة تحصلوهة ) . والسرة ماشاء الله طابور ميخلص ومكاتل وشتايم الى ان توصل للشباج يكلك خلص الدوام تعال باجر واستلم على هل الموال .
مااريد ادوخكم هواية اشياء انتوا تعرفوهة بس هاي الاساسية بحياتنا اليومية واريد اذكر اخر شي عن الجواز G لان هاي الشغلة متأثر بيهة كل العراقيين الي بالعراق عايشين والي مهاجرين بس بقت علة الجواز G وهذا وحده قصته قصة جبيرة .
بس اريد اكول هاي مختصرات مدخلت بعمق الاحداث لان يرادلهة مئات الاوراق بس السؤال الي دائما يكولة العراقي بزمن الحصار جارة ما سوولنة وهسة الامريكان محتلين كل العراق ميكدرون يصلحون الكهرباء والمجاري وينقون ماء الشرب ويخلون الاتصالات زينة .
الجواب اكيد يكدرون بس حجتهم الامن غير مستقر والتخريب بكل مكان . بس انكللهم وين دتروح فلوس الاعمار مليارات ضاعت بمشاريع وهمية .
والفلوس راحت بالجيوب لو بالبنوك السويسرية والمواطن المسكين بظيم وقهر يومية محد يكول مسكين وخطية .
فلوسك يالعراق
بجيوب الحرامية
ونفطك يالعراق
بالبواخر يتهرب يومية
وناسك يالعراق
بظيم وقهر
ويتحملون الاذية
بس لابد يجي يوم
وترجع عزتك
وهيبتك القوية
وتنهزم الحرامية
مهند عمانوئيل بشي
راح احجي بالعامية اولا وراح اترك القضايا الامنية والحجي عن الشوارع والطرقات المسدودة يومية واعبر الحواجز الكونكريتية .
راح احجي عن معانات العراقيين بالصورة الشعبية منذ زمن الحصارقبل اعوام والى الآن ( الابرز منها ) .
الله يساعدكم يالعراقيين يومية طالعين عليكم بقصة ودالغة جديدة ومن هاي القصص والدوالغ اذكر!!!
اولا – الكهرباء لهسة مديسووهة واذا سووهة تجي ساعتين 22 ساعة يكطعوهة وغير مناطق 24 ساعة تلكوهة تكولون ليش يكولون الابراج الناقلة ضربوهة انتظرو علما يرجعوهة وهاي الدالغة عل طول تسمعوهة .
ثانيا – المجاري يومية مسدودة ويجيبون سيارات السحب تسحب والفلوس من الاهالي يلموهة ويكولون راح يسووهة بس بصراحة مولدات الضخ باكوهة .
ثالثا – الهواتف الارضية كل يوم يعطلوهة والدالغة البدالات قديمة ان شاء الله يبدلوهة ومرات اهنا الواحد يحجي ضميره يبدلوهة وتشتغل يومين كلش زين وبعدين للوايرات يكطعوهة وانتظر ايام ديرجعوهة بعد الدفع وهاي شغلة تدروهة .
رابعا – كراجات النقل ( النقل العام ) مكانهة يومية يبدلونه والناس تركض بالبرد والحر واهل النقابة للناس يعذبوهة .
خامسا – الحصة التموينية قصته قصة المواد يوم زيدوهة ويوم بدل الي ما استلم فلوس ينطونه ويوم خبر نهائيا راح يكطعوهة والمواطن ينتظر اشهر علمود يستلم نص اكو ونص ماكو والتصريحات ماشاء الله تارسة الصحف تلكوهة والاجتماعات علمود ديناقشوهة وتخلص السنة والحصة ببعض المناطق ميشوفوهة وعلى هذا الحال .
سادسا – النفط والغاز والبانزين هذا قصته ودوالغة هواية واكيد تعرفوهة شوفوا الناس للاشجار كطعوهة وحطب سووهة ( للاكل والتدفئة ) لان لاغاز ولانفط والبانزين بس ريحتة تشمونهة كله بسوق السودة تلكونه .
سابعا – ماء الشرب يكولون اليوم لاتشربونه لان الكلور ومواد التعقيم خلصت وما جابونه . فد يوم الاقارب بنص الليل خابرونة ( طبعا على الموبايل ) كالوا صاحوا بمنطقتنة ماء الشرب لاتشربونه لانه سمموه . والصبح طلع خبر بوسائل الاعلام وجذبوه .
ثامنا – هويات الاحوال المدنية وشهادات الجنسية كالوا لازم تغيروهة وتسوون ام الختم الي مايزوروه وروحوا اخذوا استمارة ابلاش ( بس بسوق السودة تحصلوهة ) . والسرة ماشاء الله طابور ميخلص ومكاتل وشتايم الى ان توصل للشباج يكلك خلص الدوام تعال باجر واستلم على هل الموال .
مااريد ادوخكم هواية اشياء انتوا تعرفوهة بس هاي الاساسية بحياتنا اليومية واريد اذكر اخر شي عن الجواز G لان هاي الشغلة متأثر بيهة كل العراقيين الي بالعراق عايشين والي مهاجرين بس بقت علة الجواز G وهذا وحده قصته قصة جبيرة .
بس اريد اكول هاي مختصرات مدخلت بعمق الاحداث لان يرادلهة مئات الاوراق بس السؤال الي دائما يكولة العراقي بزمن الحصار جارة ما سوولنة وهسة الامريكان محتلين كل العراق ميكدرون يصلحون الكهرباء والمجاري وينقون ماء الشرب ويخلون الاتصالات زينة .
الجواب اكيد يكدرون بس حجتهم الامن غير مستقر والتخريب بكل مكان . بس انكللهم وين دتروح فلوس الاعمار مليارات ضاعت بمشاريع وهمية .
والفلوس راحت بالجيوب لو بالبنوك السويسرية والمواطن المسكين بظيم وقهر يومية محد يكول مسكين وخطية .
فلوسك يالعراق
بجيوب الحرامية
ونفطك يالعراق
بالبواخر يتهرب يومية
وناسك يالعراق
بظيم وقهر
ويتحملون الاذية
بس لابد يجي يوم
وترجع عزتك
وهيبتك القوية
وتنهزم الحرامية
مهند عمانوئيل بشي
