-----------------------------
كتله ياوطن ليش أنت بقيت وحيد
كلي ليش أنت عني بعيد
ليش أنت وأخوتك تركتوا الدار
وصار كل واحد منكم رحال
!
!
وللأسف من عفتو الدار
تركتوا الأبواب مفتوحة
ودخلوا الأشرار
!
!
ومافكرتوا ليوم الرجوع
ولانزلت منكم الدموع
وتركتوا كل شي وفريتوا من واقع الحال
وكلتوا الوطن صار عار
حسبالكم بالغربة تلكون وطن
وفكركم صافي والحال عال
!
!
بس بأول قدم خارج الوطن
نزلت دمعتكم بالحال
وبدى عليكم الأسى
وبهدلة الأحوال
حتى لو جنتوا تلبسون الأرجوان
والذهب والخلخال
!
!
بس تراب الوطن فوق الراس
اغلى من كل لؤلؤ ومرجان
وبديتوا بأغاني الحزن والموال
وتكولون شوكت يتعدل الحال
ونرجع ياوطن الك بالأحضان
والوطن يكول تعال الآن
وكل أوان
لأن الوطن أم
والأم ماتنسة عمرها الأبناء
------------------------------
بقلمي / مهند عمانوئيل بشي