كومه جروح ناحت والله من جبدي
ولا تضحك علي خليني اضل اهواك
يالطبعك ورد لا تنكلب بردي
صح حب الورد من عده يملي الكاع
بس حبك طلع فوك الورد وردي
وصح ضو الشمس من عده يملي الكون
بس شفت الشمس يم بابك اجدي
صح طولك قصيده وبيها الف موال
يا بيت العتابه اوياك خل ابدي
جديتك تعب وبجفني صار ايبات
جنت خايف انام وينهب جدي
جنت ارسم خيالك من يمرني الليل
جن كمرة عشك حسبتك ابسدي
لا تضحك علي كلبي اشكثر مليان
ومن ضيم الوكت ما خلا شي عدي
بعت روحي وشريتك ونت كومه جروح
وكضيت العمر بيك انه اشد وحدي
خاب اوياك ضني والدليل اوياك
تمشي بزود غيري وتنكلب ضدي
مو ذنبك تبيع وتنكلب يفلان
بس ذنبي انه بيدك سلمت وعدي