كلمة احبك

ادور غير احبك كلمة واحجيها
كلمة اكدر اوصف حبي الك بيها
لان حبي الك مومثل باقي الناس
حب مجنون احبك روحي سابيها
ولان كلمة احبك حيرتني وياك
احسها زغيرة ماكفت معانيها
ولان كلمة احبك تعبتني وياك
احسها بحبي الك عجزت معانيها
ولان روحي جزيرة وماوصلها انسان
وانت اول بشر صدك وصل ليها
ادور كلمة ماكايلها كبلي
ولاكبلي بشر بالكون حاجيها
شكد احبك


منقولة

قمة أنت قمة أبو السوس بالذوق والأحساس شتريد اكلك بعد هالكلام الرائع بس وين نلكة كلمة غير كلمة أحبك تحرك كل المشاعر اللي بالأنسان تحياتي الك وأشكرك أخوية انت وإبن عمتي وأرجع وأكول ....أحبك

عاشت ايدك سلار... كلام جميل جدا.. هاي انت صاير شاعر و اني ما ادري.. تقبل مروري..

ايييي نجوان صاير شاعر بس مو اني اكتب كلها منقولة هههههههههه وشكرا الج وللاخ فوزي على ردودكم الاكثر من حلوة

اخ سالار عاشت ايدك،ما ادري مرتبط لو نبدي ندورللك على عروسة مثل رافي،تحياتي الك وتقبل مروري

عاشت الأيادي يا سالار ، سلامي لكم.

واثاثخ العايشة جوج.. وكارولين يمعود ستري علية دخلي اكمل دراسة وبعدين هالسوالف ... شكرا للكل على ردودكم الحلوة وتحياتي الكم

عفية عليك سلار الدراسة اهم هسة،وانشالله بالتوفيق

اكييد الدراسة هسة اهم وشكرا الج وان شاء الله التوفيق للجميع