أرادن وكل صبنا :: Araden and all Sapna

عزيزي الزائر الكريم ... انت لم تقم بتسجيل دخول بعد ، انقر على الدخول..
او على التسجيل ان لم تكن بعد مسجل كعضو في منتديات ارادن وكل صبنا
أرادن وكل صبنا :: Araden and all Sapna

أهلا وسهلا بكم

اهلا وسهلا بكم في منتديات أرادن وكل صبنا 

    الغربة مو حجي بطران

    فوزي شموئيل بولص الارادني
    فوزي شموئيل بولص الارادني
    المشرف العام
    المشرف العام

    ذكر عدد الرسائل : 11750
    العمر : 56
    الدولة : المانيا /Bad kreuznach
    الدولة : 0
    تاريخ التسجيل : 07/10/2007

    الغربة مو حجي بطران Empty الغربة مو حجي بطران

    مُساهمة من طرف فوزي شموئيل بولص الارادني في الثلاثاء يناير 22, 2008 10:45 am

    الغـربـه مـو حــﭽـي بطـران
    الغـريب دمـوع حيـرانـه
    علـى جــرف الشـوﮒ تتلفت
    بعيــده والتـريـده بعيــد
    وسنيـن العمـر مــرت
    تعــداهـه الفـرج خجـلان
    وتعـــدت ....
    اربعينيــة عمــــر غـربــه
    بعيــد التنتظــر جيتــه
    يجيب الهـه بصـوانـي الطيف
    هلال المـا يخضــر عيــد
    وبـﮕـايــه مـن الطفـولـه احلام
    بعيــون الـﮕـلب ميتــه
    .......
    الغـريب ينـام ليلـه وبيــه
    جــرح ياكـل جـرح والليــل
    يـزرع رمــد بعـيـونــه
    بـدرب مـﮕطـوع
    يتـوﭽــه علــى همومــه
    ويـجــرجــر بـﮕـايــه الحيـل
    بسمـال الحـزن ربعــه يـواسونــه
    لا حسـره تفيـد ويـاه
    لا ونــه تشـد حيلـــه
    وذولــه الـﭽـان هيبتهـــم
    لا مـروا ... لا نـشدوا
    ولا ﭽنهـــم يعرفونــه
    ....................
    الغـريب يـواكــح الوحشــه
    يتيمــه الآخ بالريـــه
    وحيــد يفارﮒ الدنيــه
    لا ابـوه اليـون ويــاه
    ويـﮕـلــه عمــت عينـــي
    لا اخــوه اليـواســي الـروح
    بالـدمعــه
    ويـﮕـلــه نهــدم حيلــي
    لا اخت التشـﮓ الـزيــج
    تـﮕـلــه المـات بيـن اهـلـــه
    ابــد مـا مــات ... حــي بيهــم
    تبخــره ريحــة الديــره
    لا ام التـﮕـول ابنـي وريـدنــه
    اريــد افطـم بكـايـه الروح
    بعيـونــــه ....
    عمـاتــه وخـالاتـــه وبنات اهلـه
    لبسـن بالثنيــه الليــل
    بـدمـوع الحـزن يـردن
    يسكـن عطــش بخــدوده
    اريـدنــه يــعدل الـراس
    اريـدنــه يغمــض العيـن
    ويشيـل الحمــل لـو طـاح
    ........................
    الغـريب تشـوفـه مـو هـوه
    ولا ﭼـنـــــه ....
    والبيـــه مستــحي منـــه
    هـويتــه اوراق ﭽــذابــه
    مـزور كـل متـاعــه
    الجايبــه مـن اهنــاك
    مطمـوغ بـﭼــذب خـوفـــه
    يخـاف مــن الوطــن طيفـــه
    وحتــى اسمــــه
    نسـاه هنـاك عنــد امـــه
    بــس مـوتــه صــدﮒ لـو مات
    وحـــده يمــوت ..
    هــو وروحــه والتـابوت
    لا بيـرغ سلـف يصهــل
    حــزن ديـــره
    سـاعات اليشيعـونـــه
    لا نخلــة هلــه تبـﭽـيــه
    دثــره بلـوعـــة البستان
    النعــش مـذلول يتلفــت
    بـﭽــه مــن شاف
    غـربـــه الــي يدفـنـونـــه
    ...................
    الغـريب بغـربـتــه حيـــران
    يــدور بالجـــرايــد وطــن
    ﭽـان ... وﭽــان
    وصفــه مكتــول
    بسيـوف اهلــه والجيـــران
    المـا عنــده وطــن
    لا شــرف لا دنيــه
    لا عنــده ستـــر لا ديــن
    لا يـﮕـدر يغسـل الـروح بتـرابــه
    لا جرحـه تلمـه نـار عطـابـه
    المضيــع وطــن خسـران
    لا يلـﮕـاه .. ولا يمكـن شـراه بالديـن
    اليبيــع الـوطــن مجـلوب
    يعـض اهلـه جــرح غـربـــه
    واعضـام الخيـانــه عيـوب
    ...........
    هــي عمــر يمــر ﭽــذب
    يلـﭽــم البينــه شمـاتـــه
    نــرضــه ونحسبــه عـمـــر
    هيـــه شـارعهــم يـﮕـلـنـــه
    شــوكت نــرجــع
    ﮔـولوا مـا عدكــم وطــن
    ونـﮕــول عدنـــه

      الوقت/التاريخ الآن هو الإثنين ديسمبر 09, 2019 3:16 pm