أيهما أهـــم بحياااتك كرامتك أم قلبك؟

أيهما أهـــم بحياااتك كرامتك أم قلبك؟



هل من المعقول ان نستغنى عن قلوبنا

للاحتفاظ بكرامتنا في سبيل ذلك

لماذا يبيع الصديق صديقه والحبيب حبيبته والعاشق وغيرهم (؟)

وكل شخص اكيد صار له موقف من الحياة سواء مع صديق

او حبيب او زوج .... هذه هي الحياة ؟

لم اجد سبب لذلك ..!

صحيح انه لابد ان تكون كرامة النفس فوق كل اعتبار

ولكن لماذا ولدت التضحيه اذا كانت كرامة النفس هي المنتصره

غالبا ؟؟

ام هي مجرد كلمات نؤيد مضمونها ولكن بدون العمل بها ....

لنقف لحظة على بعض الجمل

هي موجوده في حياتنا ودائما نرددها في موقف معين

لا

وانما في حدث ،،،،



خداع

خيانة

كراهية

كذب

ضعف

هزيمة



قالوا :


( من باعنا بعناه )


( اللي يهواك اهواه..واللي ينساك انساه )


( الذي لا يعتبرك ربحا لا تعتبره خسارة )


( الصديق وقت الضيق )


فكـــر قليلاً ...


هل نستطيع حقا تطبيق ذلك !!


فعندما نلتقي بصديق مثلا ..نثق به..ونبوح له بمشاكلنا

ثم

مع مرور الايام نكتشف انه لا يحبنا...ولا يعتبرنا الا خيال


في غيابه نسئل عنه ...وان غبنا لا يسئل عنا

هل حقا نتخلى عنه

لا ادري !!!


والحين أنتم بعد ما قريتوا الموضوع هل

راح تكونون صريحين

ولا بتسكتون وراح تتسائلون وتقولون ما تدرون !!!!!!

ويبقى سوالنا الحائر والمحتاج الى اجابه ......

أيهما أهـــم بحياااتك كرامتك أم قلبك؟



اتمنى ان يعجبكم الموضوع وانتظر ردودكمتحياتي للكل

هاي سيلفا حياتي شنو هل موظوع الحلوووو
أيهما أهـــم بحياااتك كرامتك أم قلبك؟
هذا سؤال كلش صعب بس من نجي نصفن بل سؤال انشوفه سهل!! اولا.... راح احجي وجهة نظري واجاوب على السؤال من ناحية الصديق
الكرامه مطلوبه اكيد بس برأي واذا اكو صداقه حقيقيه فمااعتقد انو احد طرفين هذه الصداقه راح يسمح انو يلمس اويجرح كرامة الصديق وطبعا هذا النوع من الصداقه ايكون نادر

اما الكرامه بين الشريكين سواء حبيب وحبيبته ,زوج وزوجته ,المخطوبين,...الخ
وجهة نظري هنا يجب ان نميز بين الكرامه والتنازل
الكرامه اهنا اكيد هم مطلوبه بس الكبرياء وعدم الرغبه في التنازل هاي نهائيا ممطلوبه باي نوع من العلاقه.... حتى تستمر العلاقات بكل انواعها لازم احد الطرفين يتنازل اكيد مو دائما نفس الطرف حسب المشكله
واني برأي اذا اكو محبه وحب حقيقي بين اي نوع من العلاقه فالطرفين اهنا راح يهتم بكرامه الثاني ...يعني مثلا الزوج كرامته من كرامة زوجته واالحبيب نفس الشئ والعكس صحيح لان هما واحد فاهنا اذا حسينا انو كرامتنا راحت فلنخاف اكيد مو بوحدها ههههههههههه
تسلمين حياتي على الموظوع الحلو

حياتي ايفا شكرا لمرورج وردج الحلو واني هم اايدج وتقريبا نفس رايج

و من المفروض الانسان الي مقابيلنة سواء صديق او حبيب الخ....لازم ميجرح كرامة حبيبة او صديقه
تحياتي الج حبي ايفا

عاشت ايدج حبيبتي سيلفا الموضوع يخبل ...
أيهما أهـــم بحياااتك كرامتك أم قلبك؟
طبعا كل كلمه الها موقفها اكو هوايه مرات الانسان كرامته متسمحله انو يتنازل وخصوصا اذا كان هذا الشخص اقرب الناس اني برايي خيانه الصديق اكبر الم ومراح اكدر اسامح بسهوله يكلج
من تخلى يوما واحدا عن صداقتك فتأكد انه لم يكن يوما لك صديقا....
بس المشكله تبقى يم القلب وخصوصا اذا الشغله ويه الحبيب واني يااختي قلبي كلش فطير وميشيل اي حقد ومستعد للتنازل طبعا للي يستاهل... وهذا مااعتبره ضعف ابدا وكرامتي وكرامة زوجي وحده واكيد لااني ولا هو راح نسمح انو كرامتنه تنجرح واي ثنين صادقين بحبهم راح يكونون نفس الشي....ً

هاي بت عمتي شكرا عالموضوع الحلو طبعا مثل مكالو الشباب اني اكول وأأيدهم بس من تكون صداقة حقيقية أو حتى حب حقيقي فمراح احد يجرح أو ينقص من كرامة الثاني احتمال تصير مشاحنات وسوء تفاهم لازم شوية يتساهل احد الطرفين بس مو معناها ينقص من كرامتة
تحياتي وشكرا عالموضوع مرة ثانية

شكرا حبي كرستينا لمرورج نورتي
بس اكو شي صغيروني اريد اكوله حتى لو الانسان قلبه طيب بس اذا انجرحت كرامتة من نفس الشخص وبشكل مستمر احتمال يسامح بس الاختيار يكون للكرامة مو للقلب

تحياتي الج حياتي

شكرا ملاذ لمرورك واكيد اذا الانسان يحب حب حقيقي او تكون صداقتة صافية ميجرح كرامة المقابل وبالنسبة للمشاحنات هاي سالفة كلش عادية ولابد وان تصير بهاي الحالة اكيد يصير تفاهم
تحياتي الك ميلو

هلو سلفا بل بداية اشكرج على موضوعج الحلو طبعا اهم شي بل انسان كرامتة وان يحافض عليها واني مرة من المرات جان اكو مسلسل عجبني احد الممثلين لمن كال اني ثلث ارباع وزني كرامة وما اقبل احد يجرح كرامتي فحلو الانسان يكون عندة كرامة حتا ويا الي يحبة لان اذا انفقدت الكرامة راح كلشي اوكي لازم نكون شوية مرخين الحبل بس مو على حساب كرامة الواحد واني اشكرج على الموضوع الحلو تحياتي الكم

هاي لؤي شكرا لمرورك نورت الموضوع
تحياتي الك