--------------------
يايمة بالحلم ونيت
وشفت نفسي وسط البيت
وبحضنج آني بجيت
ومثل الطفل لوليتي لي وغفيت
!
!
يايمة انتهى الحلم وفزيت
شفت نفسي بغرب
ومن صدك آني بجيت
!
!
كلت ارجع للفراش وبلكت اغفيت – ويرجع الحلم
واشوف امي واكفة باب البيت
تنتظر جيتي وتكلي اهلا بالحبيب
اشوكت ماجيت
!
!
بس آني مانمت
ولاعيني غفت
ظليت لوجه الصبح
صاحي اكول النوم يجي بعدين
بس شفت بالحقيقة
وجه امي ضاوي بالفجر
ويه الشمس
والنور صار نورين
والنور صار نورين
-------------------------
مهند عمانوئيل بشي