أرادن وكل صبنا :: Araden and all Sapna

عزيزي الزائر الكريم ... انت لم تقم بتسجيل دخول بعد ، انقر على الدخول..
او على التسجيل ان لم تكن بعد مسجل كعضو في منتديات ارادن وكل صبنا
أرادن وكل صبنا :: Araden and all Sapna

أهلا وسهلا بكم

اهلا وسهلا بكم في منتديات أرادن وكل صبنا 

    اشعارعراقية(بوذيات)

    شاطر

    selva_s
    عضو مميز
    عضو مميز

    انثى عدد الرسائل: 667
    العمر: 29
    الدولة: 0
    تاريخ التسجيل: 04/12/2007

    اشعارعراقية(بوذيات)

    مُساهمة من طرف selva_s في الأربعاء ديسمبر 12, 2007 6:01 pm

    حبي انفضح لاجلك صار شعلة
    وانة النورت دربك صار شعلة
    اشعلة الكلب رايد ؟؟ صار اشعلة


    اقفلة الكلب لاجلك ؟ صار اقفلة
    ولباب الكلب حبك صار قفلة
    اكوم لحسن عينك؟ صار اقفلة


    اصد الشمس عنك ؟ صار اسدها
    ولبحيرة كلبي حبك صار سدها
    يلبوة حسن كلبي .. صار اسدها



    الاسد لو شاف طولك صار حرمة
    العمرك عمري اتلفة وصار احرمة
    احرم شوف غيرك ؟ صار احرمة


    اعلة موتت شوفي اعينك ؟ صار اعينك
    ويكلبي بنص ضلامك صار عينك
    تريد بروحي اعينك ؟؟ صار اعينك


    شعين بية كلبك صار اداري
    وية ظلك انة ساكن صار داري
    حبيبي بروحي اخدمك صار اداري


    حديد الكلب لاجلك صار فضة
    العتب وياك اختمة وصار افضة
    افضلك دمع عيني ؟ صار افضة


    ونزل دمعي اعلة خدي وصار جاري
    وانة الاجرت كلبك صار اجاري
    اجاري عناد روحك؟ صار اجاري


    اعلة روحي اتريد اسيرك ؟ صار اسيرك
    وكلبي بقفص حبك صار اسيرك
    عذابي ايسر جنابك ؟ صار اسرك


    حبك حكم كلبي وصار ابوية
    وصبغ كل هذا حجيك صار بوية
    اسكت ما اعاتب ؟ صار ابوية


    عليك اتريد اسلم؟ صار اسلم
    ورتقائك كلبي غاية وصار سلم
    اسلمة الكلبي بيدك ؟ صار اسلم


    تريد بكلبي اقدسك ؟ صار اجلك
    واذا انتة الكبر مسك صار جيلك
    زحف رايدني اجيلك ؟ صار اجيلك


    واجالك زحف كلبي وصار طفلك
    وطفي بشفتي نارك صار اطفلك
    مقام اتريد ازورك ؟ صار اطفلك


    بشعرك طاف كلبي وصار مشرك
    وريدي بحبل شعرك صار مشرك
    حرام ادكلي تشرك .. صار مشرك


    شركت وهسة حبك صار ديني
    وذنب حبك خطيتي وصار ديني
    شخصك هسة جاني ..وصار ديني !!


    شوكت تدريني مشرك ؟ صار مدة
    وجرحي بدم غيابك صار مدة
    بطولك جرحي امدة ؟ صار امدة


    جرحي بكبر طولك صار طولة
    وتكلي شوية طولة . صار اطولة
    اذا انتة النجم رايد ؟ صار اطولة


    حبي شعمرة تسال ؟ صار قبلك
    وينار بشفتي ابوسك صار اقبلك
    يكلشي بكلشي اريدك صار اقبلك


    تريد بظلي اشوفك؟ صار اشوفك
    وبشمع عشر الاصابع صار شوفك
    اكشف كلبي اشوفك ؟ صار اشوفك


    خلص كلبي بيدك صار خالي
    وانة الخاويت كلبك صار خالي
    تغلط وابقة ساكت ؟؟ صار خاللي




    تحياتي للجميع

    rafy luqa
    عضو مميز
    عضو مميز

    ذكر عدد الرسائل: 911
    العمر: 22
    العمل/الترفيه: طالب
    الدولة: البوسنة و الهرسك
    الدولة: 0
    تاريخ التسجيل: 13/10/2007

    رد: اشعارعراقية(بوذيات)

    مُساهمة من طرف rafy luqa في الأربعاء ديسمبر 12, 2007 6:59 pm

    كلش حلوة هاي الابوذيات سلفا عاشت ايدج.... بس عندي سؤال انتي سلفا سمير؟؟؟ Question Question Embarassed

      الوقت/التاريخ الآن هو الخميس أبريل 17, 2014 7:45 am