أرادن وكل صبنا :: Araden and all Sapna

عزيزي الزائر الكريم ... انت لم تقم بتسجيل دخول بعد ، انقر على الدخول..
او على التسجيل ان لم تكن بعد مسجل كعضو في منتديات ارادن وكل صبنا
أرادن وكل صبنا :: Araden and all Sapna

أهلا وسهلا بكم

اهلا وسهلا بكم في منتديات أرادن وكل صبنا 

    الإنفصال

    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الإنفصال Empty الإنفصال

    مُساهمة من طرف malath sana في السبت مايو 03, 2008 7:59 pm

    شلاما للكلللل شلونكم
    اليوم حبيت أشوف آراءكم بموضوع منتشر بحياتنا كمسيحيين حالياً
    وهو موضوع الإنفصال والطلاق
    وبما انو احنا ماعدنا طلاق ومثل ماموجود بالإنجيل ومثل مكال يسوع ماجمعه الله لا يفرقه انسان
    شنو رأيكم بالإنفصال أو الطلاق بمجتمعنا المسيحي؟؟
    وهل انتو موافقين عليه؟؟
    بغض النضر عن الأسباب؟؟
    اتمنى اشوف آرائكم
    مع تحياتي
    avatar
    tamara
    عضو فعال
    عضو فعال

    انثى عدد الرسائل : 53
    العمر : 39
    العمل/الترفيه : سكرتيرة
    الدولة : سدني/استراليا
    تاريخ التسجيل : 06/04/2008

    الإنفصال Empty رد: الإنفصال

    مُساهمة من طرف tamara في الأحد مايو 04, 2008 4:12 pm

    هلو اخ مالآذ طبعاً انت أتطرقت على موضوع كلش طويل للنقاش وما اله نهاية
    salarsana
    salarsana
    مشرف
    مشرف

    ذكر عدد الرسائل : 5729
    العمر : 31
    العمل/الترفيه : Ankawa Post office
    الدولة : IRAQ
    تاريخ التسجيل : 29/11/2007

    الإنفصال Empty رد: الإنفصال

    مُساهمة من طرف salarsana في الأحد مايو 04, 2008 10:19 pm

    شكرا حبي ملاذ على موظوعك المهم
    بصراحة ماكو احد يحب ان ينفصل عن شريك حياتة واكيد مااوافق عليهه لان مااعتقد سهلة وكللللش صعبة على الطرفين مهما كانت الظروف الي تخليهم ينفصلون عن بعض ومهما توصل نسبة الحقد بيناتهم ومع الاسف انو هاي الحالة دتزيد كل فترة خاصة عدنا احنا المسيحين بالرغم من انو احنا ماعدنا طلاق وانفصال
    تحيـــــاتي


    _________________
    [ندعوك للتسجيل في المنتدى أو التعريف بنفسك لمعاينة هذا الرابط]
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الإنفصال Empty رد: الإنفصال

    مُساهمة من طرف malath sana في الإثنين مايو 05, 2008 1:28 am

    شكرا عالمرور الحلو ابو السوس وعلى رأيك
    شكرا عالمرور اخت تمارة
    سلمان داود ياقو صنا
    سلمان داود ياقو صنا
    عضو مميز
    عضو مميز

    ذكر عدد الرسائل : 1141
    العمر : 44
    الدولة : Canada, Windsor
    تاريخ التسجيل : 03/03/2008

    الإنفصال Empty رد: الإنفصال

    مُساهمة من طرف سلمان داود ياقو صنا في الإثنين مايو 05, 2008 7:52 pm


    شكرا اخ ملاذ على الموضوع القيم .....وبصراحه هذه المشكله اخاف منها كثير.

    والطلاق الذي يتكاثر بين المسيحيين في الفتره الاخيره صار شي عادي مع العلم الكتاب المقدس يحرمنا من ان نطلق...

    والمطلقين يضنون ان الطلاق هو الحل لمشاكلهم ولكنهم يخطأون في هذا الضن....
    فالمشاكل سوف تكبر اكثر وخاصه عند وجود الاطفال..

    والاسوأ في ذالك ان الطرفين سوف يبحثون عن شخص آخر لينسوا آلالامهم وحزنهم ويعوضو كل ما فاتهم من حب..........وهذا خطأ ثاني لانه سوف يدخلون في مسأله الزنه عند ارطباطهم بشخص ثاني حتى وان كان زواج قانوني......وكما قال الكتاب المقدس "من تزوج بمطلق يزني" وشرحها طويل ولكن ان اردتم لا مانع لي ان اشرحها ..

    وأتمنى نحن المسيحيين بصوره خاصه ان نبتعد عن هذا الكابوس ولا نفكر فيه لانه سوف يحول حياتنا الى تعب وحزن وآلالام لا توصف ........

    تحياتي
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الإنفصال Empty رد: الإنفصال

    مُساهمة من طرف malath sana في الإثنين مايو 05, 2008 10:57 pm

    شكرا عالمرور الحلو ورأيك أخ سلمان والمشكلة الثانية انو حتى اذا كنيسة معينة متنطي الطلاق فبعض الناس يلجأون الى كنائس اخرى ليحصلو على الطلاق وهذا الشي دنشوفة هنا بعمان هواية
    مع تحياتي
    avatar
    sama_sana
    عضو فعال
    عضو فعال

    انثى عدد الرسائل : 100
    العمر : 27
    تاريخ التسجيل : 12/02/2008

    الإنفصال Empty رد: الإنفصال

    مُساهمة من طرف sama_sana في الثلاثاء مايو 06, 2008 12:56 pm

    خوش موضوع ملوذ لانه مع الاسف ومثل ما كلنا نعرف بأنه حالات الطلاق كثرت بينا احنا المسيحين وللاسف اكو بعض الكنائس داتسمح بالطلاق مع العلم هذا الشي ما مسموح مثل ما قال يسوع (ما جمعاه الله لا يفرقه انسان) واكو هوايه ديروحون لهاي الكنائس ويحصلون على الطلاق وبعدين يتزوجون بنفس الكنيسه وهذا الشي ابــــــــــــــــــــــد ما مسموح (من تزوج بمطلقه فهو زاني , ومن تزوجت بمطلق فهي زانيه) ..

    بس بعض الحالات كالزنى يسمح بيها بالطلاق بس لازم موافقه البابا عليها وهاي تحتاج سنين ..

    والزواج هو عهد بين الثنائي والله فلازم قبل الزواج يتفق الشريكين ويعرفون كل واحد طبع الثاني و اذا يكدرون يتعايشون سويه بالسراء والضراء و يتفادون هاي المشكله الجبيره الانفصــــــــــــــال.
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الإنفصال Empty رد: الإنفصال

    مُساهمة من طرف malath sana في الثلاثاء مايو 06, 2008 2:42 pm

    شكرا عالمرور الحلو بت عمي تحياتي
    selva_s
    selva_s
    عضو مميز
    عضو مميز

    انثى عدد الرسائل : 667
    العمر : 35
    الدولة : 0
    تاريخ التسجيل : 05/12/2007

    الإنفصال Empty رد: الإنفصال

    مُساهمة من طرف selva_s في الثلاثاء مايو 06, 2008 6:06 pm

    شكرا ملاذ على الموضوع الي اكيد كلش مهم وخاصتا بهذا الزمان الي هواية دنسمع بشغلات الطلاق وخاصتا المسيحين الي مجان اكو هيجي شي ابد وطبعا احنة منوافق على هذا الشي كرأي بس في حالة الزنى مستحيل اذا الرجل زنى او المراة من حقهم احتمال لان ما اعتقد يعيشون براحة مع بعضهم لان ميكون اكو ثقة بين الطرفين

    لكن اكيد امنيتي لو ماكو هذا الشي والكنائس مينطون الحرية والتشجيع للطلاق لان الزواج ارتباط مقدس

    مرة ثانية عاشت ايدك ملاذ على هالموضوع

    تحياتي
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الإنفصال Empty رد: الإنفصال

    مُساهمة من طرف malath sana في الثلاثاء مايو 06, 2008 7:04 pm

    شكرا سيلفا على مرورج ومشاركتج الحلوة وبالنسبة للأنفصال حتى لو بحالة الزنى ما اعتقد من حق أي واحد من الطرفين إنو يتزوج مرة ثانية
    karoleen
    karoleen
    عضو مميز جدا

    انثى عدد الرسائل : 2378
    العمر : 44
    الدولة : canada
    تاريخ التسجيل : 12/02/2008

    الإنفصال Empty رد: الإنفصال

    مُساهمة من طرف karoleen في الثلاثاء مايو 06, 2008 8:15 pm

    شكرا ملاذ على الموضوع، الطلاق طبعا اصبح ظاهرة منتشرة بكثرة بين عوائلنا المسيحية ومع الاسف الشديد،واني ما ائيده ابدا،وخصوصا اذا كان هناك اطفال بالموضوع،لان شنو ذنب الاطفال حتى يتربون وهم بعيدين عن ابوهم ا امهم،وبصراحة اكو شويه عتب على كنائسنا،لان المطلقين هوايه منهم ده يرتبطون مرة ثانية ،والكنيسة ده تقوم بكافة المراسيم بصورة عادية جدا،،،نتمنى ان تقل هذه الظاهرة بين عوائلنا المسيحية،وشويه صبر وشويه تنازلات من الطرفين كفيلة بانهاء اي نوع من المشاكل مهما كانت كبيرة،،،تحياتي للجميع وشكرا مرة ثانية على الموضوع,,,,
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الإنفصال Empty رد: الإنفصال

    مُساهمة من طرف malath sana في الثلاثاء مايو 06, 2008 8:50 pm

    شكرا على المشاركة الحلوة اخت كارولين وفعلا اكو عتب كلش جبير على التساهلات اللي دتنطيها الكنيسة مع الأسف بهذا الموضوع وتحياتي الج وشكرا
    دينا صنا
    دينا صنا
    عضو مميز جدا

    انثى عدد الرسائل : 2858
    العمر : 30
    الدولة : usa
    الدولة : 0
    تاريخ التسجيل : 06/11/2007

    الإنفصال Empty رد: الإنفصال

    مُساهمة من طرف دينا صنا في الأربعاء مايو 07, 2008 7:10 pm

    موضوع مهم وجميل ملاذ والطلاق غير مسموح بديانتنا المسيحية صحيح ونتمنى انو الطرفين قبل الزواج يكونون واثقين من نفسهم وقرارهم وبعد الزواج انو لاتصير خيانة لان اذا احد الطرفين خان الاخر يعني ديخون العهد امام اللة بالكنيسة وميرسي
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الإنفصال Empty رد: الإنفصال

    مُساهمة من طرف malath sana في الأربعاء مايو 07, 2008 9:11 pm

    شكرا بت عمي على مرورج الحلو تحياتي الج
    avatar
    eva john
    عضو مميز
    عضو مميز

    انثى عدد الرسائل : 672
    العمر : 38
    الدولة : يونان|اثينا
    تاريخ التسجيل : 20/03/2008

    الإنفصال Empty رد: الإنفصال

    مُساهمة من طرف eva john في الخميس مايو 08, 2008 1:18 pm

    شكرا ملاذ على الموظوع الشائع مع الاسف بين المسيحين
    طبعا هو موظوع غير محبب بس كلش انتشر في الفتره الاخيره صحيح اكو حالات تستحق الطلاق مثل الزنى او استسلام احد الطرفين مثل هاي الحالات الكنيسه تنطي حق الطلاق , بس هسه صارت موده وخاصه بين قسم من الي ديزوجون بعمر صغير يتصورون انو هي مجرد حفله وونسه وخلاص ومن ديعيشون المسؤليه ورها ديشوفون واقع الزواج .والزوجه الي هي بعدها بعمر المراهقه اتريد اتمارس حياتها مثل صديقاتها وحسب عمرها واهنا تبدي المشاكل وتزيد الى ان توصل حدها
    شكرا على الموظوع مره ثانيه
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الإنفصال Empty رد: الإنفصال

    مُساهمة من طرف malath sana في الخميس مايو 08, 2008 9:00 pm

    شكرا على مرورج ومشاركتج الحلوة ايفا وتحياتي اللج
    Mirna Amer
    Mirna Amer
    عضوفعال جدا
    عضوفعال جدا

    انثى عدد الرسائل : 475
    العمر : 33
    الدولة : U.S.A-warren
    الدولة : 0
    تاريخ التسجيل : 19/09/2007

    الإنفصال Empty رد: الإنفصال

    مُساهمة من طرف Mirna Amer في الجمعة مايو 09, 2008 7:40 am

    شكراا اخ ملاذ على الموضوع الاكثر من مهم
    وطبعا يحتاج شرح طويييييييييييل جداااا
    والانفصال كثر بهالوقت وبالاخص في اميركا
    يعني نسمع خبر الانفصال والطلاق بعد شهر او سنة من الزواج
    وهواية دتصير مثل هالحوادث هنا
    وبعد فترة يروح يجيب بنية من غير بلد
    او بنية من نفس البلد ويتزوجون ولا كانه شي صاير
    والكنيسة تكمل المراسيم كانه اول مرة تصير
    وهالشي موجود من الطرفين
    بس الي حفزهم لهالشي هي الكنيسة
    لو من اول حادث صار ماانطت المجال للانفصال كان هسه الكل راضي بعيشته
    ومتفاهم
    ومع الاسف هالشي ديأثر على المقبلين عالزواج
    كثيرين ديخافون من النتيجة ولهذا تشوفهم رافضين الفكرة
    طبعا شكد مااحجي مراح يخلص النقاش
    ولهذا اكتفي بهالقدر
    مشكور مرة ثانية عالموضوع المهم جداااا
    والله يبعد الكل عن الانفصال
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الإنفصال Empty رد: الإنفصال

    مُساهمة من طرف malath sana في الجمعة مايو 09, 2008 2:42 pm

    شكرا لمرورج الكريم أخت TheButterfly واكيد الكنيسة الها المسؤولية الكبرى بهاي المشكلة وهي اللي خلتها تنتشر
    تحياتي الج وشكرا لمشاركتج
    selwan
    selwan
    عضو فعال
    عضو فعال

    ذكر عدد الرسائل : 78
    العمر : 36
    العمل/الترفيه : طالب
    الدولة : المانيا
    تاريخ التسجيل : 10/04/2008

    الإنفصال Empty رد: الإنفصال

    مُساهمة من طرف selwan في الجمعة مايو 09, 2008 8:39 pm

    شكرا اخ ملاذ لطرح هل موضوع
    طبعا مثل ماكال الكل هل سالفة دتصير بكل الدول مع الاسف داننسة شمكتوب بلانجيل...
    بس ليش كبل ماجان اكو هيج شي؟ شنو المجتمع ديصير شوية شوية فاشل؟ لو عصر السرعة هذا دايخلي الناس تتعارف بسرعة وتحب بسرعة وتضوج بسرعة وتترك بسرعة...
    المشكلة اسباب الطلاق اكثريتها مع احترامي سخيفة وبايخة.يعني السالفة صدك متسوة.... يامة و يامة جنا نسمع هواية نسوان كبل عانوا من الضرب من رياجيلهم,بس سكتوا واتحملوا علمود اسم عائلتها لتشوه لو علمود الديانة وهم اكو رياجيل بنفس الوكت تحملوا نسوانهم علمود كذا وكذا...اني ما جبت هل مثال,علمود ادافع عن العنف,بل عكس ابشع شي بل حيات هو العنف,بس اريد اوضح التضحية اب ذاك الوكت وهسة. ومثل ماكلت المشاكل مال هلوكت ماتتقارن وية زمان وانشالة تروح هل مودة واكو اكثر تضحية
    تحياتي
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الإنفصال Empty رد: الإنفصال

    مُساهمة من طرف malath sana في الجمعة مايو 09, 2008 9:20 pm

    شكرا على مرورك اخ سلوان واكيد هاي مو مودة بس الناس بعد مدتتحمل لأن كلشي صار بسهولة يخلص يعني يكلك بدل ما اتحمل مشاكل انفصل واخلص
    Mirna Amer
    Mirna Amer
    عضوفعال جدا
    عضوفعال جدا

    انثى عدد الرسائل : 475
    العمر : 33
    الدولة : U.S.A-warren
    الدولة : 0
    تاريخ التسجيل : 19/09/2007

    الإنفصال Empty رد: الإنفصال

    مُساهمة من طرف Mirna Amer في السبت مايو 10, 2008 9:38 am

    اسمحلي ملاذ ارد مرة ثانية
    لان كلام الاخ سلوان خلاني ارد
    الزمن تغير
    والمسؤليات كثرت
    والتفكير توسع
    بهالزمن نريد نحصل كلشي
    ونريد راحة البال
    يعني يتزوج
    يريد يكون مرتاح وحياته تكون خالية من المشاكل
    وطبعا كلامي عالطرفين
    ماكو انسان تشوف حياته خاليه من المشاكل
    بس اكو الي ديتحمل واكو لااا
    مايتحمل حتى الهدوم الي لابسها
    ومع الاسف هالنوع زااد
    وتشوفه من اول مشكلة يلجأ للانفصال
    اهل قبل كانوا مثل مانكول
    سمقانا ليومانا (كفافنا اليوم)
    يعيشون اليوم مرتاحين باجر الله كريم
    هسه صرنا بالعكس
    شايلين هموم المستقبل
    كأنه ضامنين عمرنا
    مع الاسف الانسان انجر ورة المظاهر
    واغلب هالمظاهر خداعة
    ديلجأ نحو الراحة وماكو بهالزمن شي اسمه راحة
    بهالزمن اذا ماتتعب ماترتاح
    اكتفي بهالمقدار من كلامي
    واجوز يكون لي عودة ثالثة او اكثر
    لان بصراحة الموضوع كثير عجبني
    قوي ملاذ
    سلامي
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الإنفصال Empty رد: الإنفصال

    مُساهمة من طرف malath sana في الأحد مايو 11, 2008 7:19 pm

    شكرا اخت بترفلاي بصراحة كلامج عجبني وقنعني واكيد اكيد كل زمن والة ضروفة الة ناسة همين
    زمنا تغير واحنة بتغير مستمر سواء نفسياتنا أو حتى ثقافتنا
    اعتقد الثقافة هم الها تأثير واحنة دننظر لثقافات الآخرين مثل الغرب ونريد نكون مثلهم
    انو كلشي بسيط ومنها الأنفصال يعني صارت مشكلة بين زوجين ميفكرون يلكون حل
    خلص ينفصلون وكل واحد يشوف حياتة وية شخص ثاني
    هو يريدة
    الموضوع مهم واني اعتبرة مشكلة جبيرة دتوكع مجتمعنا المسيحي بخطيئة جبيرة
    الكنيسة هي الوحيدة اللي تكدر تحلها عن طرق التوعية
    والتثقيف الديني
    اهم شي المسيحي لازم يكون مثقف دينياً ويعرف يسوع ليش اجة وشلون ضحة علمودنا وشعلمنة
    آسف عالأطالة تحياتي الج اخت بترفلاي وللكل

      الوقت/التاريخ الآن هو الثلاثاء سبتمبر 17, 2019 9:24 am