كل ساعة أنذبح من رحت لليوم ......... كل ساعة أنذبح بجذام تكارك
عكَب ما كفرتني بدميتي المن جاي ........ تقرالي وترتل سورة أعذارك
وكَع وكت البرد وأدفه بيك الغير ........ ما ألحك بعد وأستانس بنارك
يل مثل النخل شامخ شجاك شبيك ....... خليت الغريب يلوح بأكتارك
مرات النخل من ينصعد ينباك .......... وأنت بعرسك كَلي شخبارك
صدك ثمرك خلص من أجاك الليل ..... صدك سعفك خدر وأنطيت جمارك
دليته على روحك ما تعب وياك ......... ما دور عليك وداخ فَجارك
ضنك من تكَوم تلوح بيدك الغيم ......... شوف لوين صعدت أفكارك
ذنبك أمنت من شالك الناعور ........... رَد أردود بيك وعلى الجرف دراك
وما دامك تنشد على الحال ............. أحجيلي وأحجيلك أسراري وبيهه نتشارك
أنه الي ردت الدهر يجمعني بيك بيوم .... وبليل البرد أدفه بنارك
وما أشد بعد وأعتب على الي صار .......... خلينه بروح ألأخوة اليوم نتشارك
من يوم ألعفتني أنجوي بألنار ............ كون الله ترد عليك وتنجوي بنارك
منقوووووووووووووووووووووووووووووولة