أرادن وكل صبنا :: Araden and all Sapna

عزيزي الزائر الكريم ... انت لم تقم بتسجيل دخول بعد ، انقر على الدخول..
او على التسجيل ان لم تكن بعد مسجل كعضو في منتديات ارادن وكل صبنا
أرادن وكل صبنا :: Araden and all Sapna

أهلا وسهلا بكم

اهلا وسهلا بكم في منتديات أرادن وكل صبنا 

    ياوطني الموشوم بالقنابل

    فوزي شموئيل بولص الارادني
    فوزي شموئيل بولص الارادني
    المشرف العام
    المشرف العام

    ذكر عدد الرسائل : 11750
    العمر : 56
    الدولة : المانيا /Bad kreuznach
    الدولة : 0
    تاريخ التسجيل : 07/10/2007

    ياوطني الموشوم بالقنابل Empty ياوطني الموشوم بالقنابل

    مُساهمة من طرف فوزي شموئيل بولص الارادني في السبت يناير 19, 2008 2:49 am

    يا وطني الموشوم بالقنابل
    يا وطن الاشجار و الانهار و الجداول
    يا وطن الاديان و الايمان و التساهل
    يا وطن الاشعار و الاصرار و التفاؤل
    يا وطن الايتام و الارامل
    يا وطني المقتول و القاتل!

    إنزف صبر يا وطن ... بيّة الك ميّة جرح
    كلما يهيد الألم ... بجروحي أذرّ الملح
    أفديك يا وطني لو مية مرّة أنذبح
    و أشرب نخب هيبتك ... من المسا للصبح
    مثلك محب ما إلي ... و مثلك جرح ما يصح
    يا رمح بضمايري لا خطة و لا صابني
    گلبي على وطني
    گلبي على وطني وي رشفة الفنجان
    و بكل تحية صبح من حايط الجيران
    لو ما انت يا حيرتي ... ما كان كل ما كان
    من غير أرض و أهل ما قيمة الانسان؟
    بس يا خسارة الاهل
    من حط رحالة الجمل ...
    وياك علو الجبل

    و لارخص علج اجنبي تتخضّع و تنحني
    گلبي على وطني
    گلبي على وطني وي كل سحابة تفوت
    و عن كل بطل ما بخل فوك التراب يموت
    و عن كل دمع من يشع عالخد يكع بسكوت
    و عن كل گمر لو ظهر ... و بحزن روحي انتحر
    و الطير فوگ الشجر
    ينشد بأعذب صوت
    الماي من ينغلي من لوعتة يغني:
    آنه أنچوي ابطيبتي و كل حي طلع مني
    گلبي على وطني
    أهواك يا وطني لو جنتك ناري!!
    و انزفلك الدم شعر و اهديلك اشعاري
    كل يوم نگعد سوة و احچيلك اسراري
    تفگدني من ابتعد و تزورني بداري
    و أبچيلك بلا دمع و اشرحلك الجاري
    معذور من سرني
    و معذور من لامني
    گلبي على وطني
    گلبي على وطني الكل عمري چان الاهم
    أسگي بمي دمعتي و يسگيني كاس الندم
    انطيتة حلم العمر و انطاني جنّة وهم
    و آني مثل ها البشر .. هم روح دم و لحم
    و ما ضعف حبي الة
    و لا غيرت مسكني
    گلبي على وطني
    بالحرب شلتك نبض من ساتر لساتر
    و شربتك بخوذتي من حبك الطاهر
    تغفى على سبّابتي و يبقى الگلب ساهر
    و من ضاگ بية الوكت انطيتك اخواني
    كلما تذبّل گمر ... تطلب گمر ثاني!!
    لا جيت عزيتني ... و لا شاركت حزني
    اشكيك يا منيتي لو تشتكي مني؟
    گلبي على وطني
    گلبي على وطني گلما تدگ صافرة
    و كلما قذيفة غدر تنطلق من طائرة
    و عن كل طفل منذهل و عن نظرتة الحايرة
    و كل قنبلة لو اجت و بارضك تفجرت
    اتفجّر لحالتي و بچفوفك اتناثر
    احزانّة صوغتك و أيامنة إمكابر
    و بس الحزن و الالم من شجرتك ينجني
    گلبي على وطني
    گلبي على وطني و باچر يرشني الفرح
    تحت السما الحالمة و اضحك بكل المرح
    انسة الجرح و الالم و احرگ اوراق الندم
    و معذور ذاك الوكت لو بي ضحك سني

      الوقت/التاريخ الآن هو الثلاثاء أغسطس 20, 2019 3:38 am