جمالك شهرة بين الناس شع لك
ونور اخدودك اللبليل شع ليك
رايد انة ابوسك انتة شعليك
غمض العين والباقي علية
عرك خجلان كلبي ..صار كصة
بسبب هوة وجمالك.. صار كصة
شرايد كلبي اكصة.. صار اكصة
واكص كلشي الك بس حن علية
تعال احسب ابهمي عدة انتة
گلبي اشعندة غيرك عدة انتة
ازعل الناس كلهة عدة انتة
لان زعلك يزعلني علية
تداين قلم كلبي ورق منك
لأن ماكو بحلاتك وارق منك
لاسجلك انت الاول وارقمنك
واكتب لافته محجوز اليه
لاتضلم دليلي اياك واياك
انه طفيتك وجف الغير وياك
صدك من عليه تهد وياك
اهد وافزع واطك بثنين اديه
هلاكك طب وسط كلبي فهلك
وعيوني الما فهن لأحد فهن لك
فقط بيك الكلب فكر فهل لك؟
كلب مثلي ويفكر فقط بيه
وحگ الله او گباب اسماه ورضة
ابغيرك لاتضن اقنع ولا رضـــة
عشرتي وياك مثل الخشب ورضة
تلفت اعضاي من سكنت بـــــية
حبيبي اذوي من اشوفك وسط آنه
ومنو الوشوش بذانك وسط آنا
تكلي وينك انته وسطك آنه
تدور بالنبظ تعثر عليه
جزه حد الصبر صبري بلا حد
وانا العايش بحسراتك بلا حد
يهل تذبح بسجينك بلا حد
حرام تعلعل بايدك ضحيه
مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
أتلعثم من أشوفــــــــن وسطك أنا
أومنوا لوشوش بذانك واسطك أنا
تقلي ويــنك أنتــــــــه وسطك أنا
تــدور بــالنـبـض تـعـــــثر عليه
أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــنون بيه
بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحقني بالشفا قبــــــــل المنيه
نفس ونريد شمـك ياهوانا
العمر ذله ابغيابك ياهوانا
أتيه الروح يمــك ياهوانا
خيالك مرهم ودلاها عليه
حبيبي اختارك الــــدلال واشراك
عجب تحفر حفر لهواك واشراك
وحق مني الاله إنـــــداد واشراك
أحبك لو تصير احــــــــزاب إليه
حبيبي اديارنا لـــــــوجيتوا مرها
أونفسك عالوفـــــا والطيب مرها
أنا عشرتك ضقت حلوتها ومرها
بويا طلع مــــرها أمر امن المنيه
أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
قمت صليت من غــصبن عليه
جمالك زاد عن يوســف وقبله
وحبك صار لي منــــــبر وقبله
أمر أعلى الصخر يافلان وقبله
لأن قلبك صخر مـــــاحن عليه
يدنيا انتي ابعدابي ليــــــش تسعين
ابعزم الله إشماعندش ضيج تسعين
اخوتي ابيوم ضرفي حــلو تسعين
بعد ما ادري الوقت مــامنهم بجيه
أبعز نومي إجى طيفك وعاني
أنا وشكثر أتحملت منك وعاني
إجيتك أومعتني إبدارك وعاني
ولامــره إجـــيت انـــــته عليه
اشمالك يازماني عـلي صليت
ابنار وحمسيت اجلاي صليت
مثل ماصلت ام عمران صليت
فنكحني الهوه وذبــني بنويه
يدنيا إشمال دولابج يناحي
ومن الصوبين كسرتي جناحي
أنا الكنت أمر وناهي
صرت شبوط والفالات بيه
أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه
ونور اخدودك اللبليل شع ليك
رايد انة ابوسك انتة شعليك
غمض العين والباقي علية
عرك خجلان كلبي ..صار كصة
بسبب هوة وجمالك.. صار كصة
شرايد كلبي اكصة.. صار اكصة
واكص كلشي الك بس حن علية
تعال احسب ابهمي عدة انتة
گلبي اشعندة غيرك عدة انتة
ازعل الناس كلهة عدة انتة
لان زعلك يزعلني علية
تداين قلم كلبي ورق منك
لأن ماكو بحلاتك وارق منك
لاسجلك انت الاول وارقمنك
واكتب لافته محجوز اليه
لاتضلم دليلي اياك واياك
انه طفيتك وجف الغير وياك
صدك من عليه تهد وياك
اهد وافزع واطك بثنين اديه
هلاكك طب وسط كلبي فهلك
وعيوني الما فهن لأحد فهن لك
فقط بيك الكلب فكر فهل لك؟
كلب مثلي ويفكر فقط بيه
وحگ الله او گباب اسماه ورضة
ابغيرك لاتضن اقنع ولا رضـــة
عشرتي وياك مثل الخشب ورضة
تلفت اعضاي من سكنت بـــــية
حبيبي اذوي من اشوفك وسط آنه
ومنو الوشوش بذانك وسط آنا
تكلي وينك انته وسطك آنه
تدور بالنبظ تعثر عليه
جزه حد الصبر صبري بلا حد
وانا العايش بحسراتك بلا حد
يهل تذبح بسجينك بلا حد
حرام تعلعل بايدك ضحيه
مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
أتلعثم من أشوفــــــــن وسطك أنا
أومنوا لوشوش بذانك واسطك أنا
تقلي ويــنك أنتــــــــه وسطك أنا
تــدور بــالنـبـض تـعـــــثر عليه
أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــنون بيه
بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحقني بالشفا قبــــــــل المنيه
نفس ونريد شمـك ياهوانا
العمر ذله ابغيابك ياهوانا
أتيه الروح يمــك ياهوانا
خيالك مرهم ودلاها عليه
حبيبي اختارك الــــدلال واشراك
عجب تحفر حفر لهواك واشراك
وحق مني الاله إنـــــداد واشراك
أحبك لو تصير احــــــــزاب إليه
حبيبي اديارنا لـــــــوجيتوا مرها
أونفسك عالوفـــــا والطيب مرها
أنا عشرتك ضقت حلوتها ومرها
بويا طلع مــــرها أمر امن المنيه
أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
قمت صليت من غــصبن عليه
جمالك زاد عن يوســف وقبله
وحبك صار لي منــــــبر وقبله
أمر أعلى الصخر يافلان وقبله
لأن قلبك صخر مـــــاحن عليه
يدنيا انتي ابعدابي ليــــــش تسعين
ابعزم الله إشماعندش ضيج تسعين
اخوتي ابيوم ضرفي حــلو تسعين
بعد ما ادري الوقت مــامنهم بجيه
أبعز نومي إجى طيفك وعاني
أنا وشكثر أتحملت منك وعاني
إجيتك أومعتني إبدارك وعاني
ولامــره إجـــيت انـــــته عليه
اشمالك يازماني عـلي صليت
ابنار وحمسيت اجلاي صليت
مثل ماصلت ام عمران صليت
فنكحني الهوه وذبــني بنويه
يدنيا إشمال دولابج يناحي
ومن الصوبين كسرتي جناحي
أنا الكنت أمر وناهي
صرت شبوط والفالات بيه
أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه