أرادن وكل صبنا :: Araden and all Sapna

عزيزي الزائر الكريم ... انت لم تقم بتسجيل دخول بعد ، انقر على الدخول..
او على التسجيل ان لم تكن بعد مسجل كعضو في منتديات ارادن وكل صبنا
أرادن وكل صبنا :: Araden and all Sapna

أهلا وسهلا بكم

اهلا وسهلا بكم في منتديات أرادن وكل صبنا 

    الأمر الواقع

    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الأمر الواقع Empty الأمر الواقع

    مُساهمة من طرف malath sana في الخميس يوليو 31, 2008 6:37 pm

    هاي شباب شلونكم عندي موضوع جديد حبيت اعرف آراءكم بيه ودائماً نشوفة بحياتنة

    الموضوع هو الشباب والبنات اللي يرتبطون مع بعض بدون علم أهلهم أو انو يخلون اهلهم امام الأمر الواقع
    احنة دائما نشوف بوسائل الإعلام عن اشكال الزواج اللي نكدر نكول انو هي غير مفهومة مثل الزواج العرفي والمسيار وغير وغير واكيد كلنة غير مقتنعين بيها
    بس بحياتنة احنة كمسيحيين ماعدنا غير الزواج الكنسي أي عن طريق الكنيسة وبمباركة الرب
    من الولد او البنت يخلون اهلهم امام الأمر الواقع منو السبب بهالشي؟؟
    الأهل؟؟
    لو الأولاد؟؟
    أو يمكن الأهل همة اللي يخلون اولادهم يتصرفون هيجي تصرف لأن يتدخلون بأختياراتهم
    اتمنى أشوف آراءكم عن الموضوع
    تحياتي
    salarsana
    salarsana
    مشرف
    مشرف

    ذكر عدد الرسائل : 5729
    العمر : 31
    العمل/الترفيه : Ankawa Post office
    الدولة : IRAQ
    تاريخ التسجيل : 29/11/2007

    الأمر الواقع Empty رد: الأمر الواقع

    مُساهمة من طرف salarsana في الخميس يوليو 31, 2008 7:16 pm

    حبيبي ملاذ موضوعك كلش حلو وماشي هسة بهالوكت لان هواية حالات دتصير من الزواج العرفي وحالة انو البنية تروح ورة الولد دون علم اهلها هاي كلها تعتمد على تربية الاهل وبنفس الوكت تعتمد على تعاملهم وية البنت او الولد
    قبل شهر تقريبا صارت حالة انو ولد من اهل دهوك تقدم لبنية مااكدر اكول منين 3 مرات واهلها طلبوا مبلغ كلش ضخم والا مينطوها فأضطرت البنية انو تركض ورة الولد وجابها رابع يوم وهو متزوجها ف الاهل صاروا كدام الامر الواقع
    طولت عليك وعاشت ايدك عالموضوع اتمنى الله يبعدنا عن هيجي حالات
    تحياتي


    _________________
    [ندعوك للتسجيل في المنتدى أو التعريف بنفسك لمعاينة هذا الرابط]
    Mirna Amer
    Mirna Amer
    عضوفعال جدا
    عضوفعال جدا

    انثى عدد الرسائل : 475
    العمر : 33
    الدولة : U.S.A-warren
    الدولة : 0
    تاريخ التسجيل : 19/09/2007

    الأمر الواقع Empty رد: الأمر الواقع

    مُساهمة من طرف Mirna Amer في الخميس يوليو 31, 2008 7:20 pm

    ملاذ
    موضوعك مهم كثير اخوية
    اعتقد السبب يجي من الاهل وعدم تفهمهم للامر
    هم يريدون شي والابناء يريدون شي غير
    يعني مختلفين بالرأي
    لهذا نشوف الابناء يلجأون لهذه التصرفات
    ويكلك خل ارتبط بيها واول وتالي راح يقتنعون اهلي
    وراح يعرفون مراح يكون غيرها
    والبنت نفس الشي
    اعتقد اذا الاهل تناقشوا مع ابنائهم
    وفهموهم نظريتهم وسمعوا نظرية الابناء
    راح يكون الطرفين راضيين بالنتيجة
    فأما يقنعون ابنائهم او ابنائهم يقنعوهم
    واعتقد اذا الاهل تركوا الاختيار لابنائهم راح يخلون ذمتهم من النتيجة مهما كانت

    اسفة اخذت وقت كثير
    شكراً عالموضوع المهم
    سلامي
    julia rayis
    julia rayis
    مشرف
    مشرف

    انثى عدد الرسائل : 4908
    العمر : 31
    الدولة : عمان
    تاريخ التسجيل : 21/12/2007

    الأمر الواقع Empty رد: الأمر الواقع

    مُساهمة من طرف julia rayis في الخميس يوليو 31, 2008 7:34 pm

    بالبداية احب ان اشكرك ملاذ على الموضوع الجميل

    وبصراحة انو الاهل الهم دور بهذا الشي لان عدم توعيت اولادهم وعدم نصحهم راح يتصرفون هيجي تصرف
    وهم يوكع اللوم على الطرفين اكيد

    تحياتي الك
    julia rayis


    _________________
    [ندعوك للتسجيل في المنتدى أو التعريف بنفسك لمعاينة هذا الرابط]
    [ندعوك للتسجيل في المنتدى أو التعريف بنفسك لمعاينة هذا الرابط]
    amelia rayis
    amelia rayis
    مشرف
    مشرف

    انثى عدد الرسائل : 8459
    العمر : 29
    الدولة : Jordan
    الدولة : 0
    تاريخ التسجيل : 14/12/2007

    الأمر الواقع Empty رد: الأمر الواقع

    مُساهمة من طرف amelia rayis في الخميس يوليو 31, 2008 10:54 pm

    اول شي عاشت ايدك دادي على الموضوع الروعه تحياتي

    اني برايي اللوم على الاهل لان همه الي يربون ولدهم مثل النبته من تبنت من البدايه اذا يداروها تعيش وتكبر وتصير حلوه الاولاد هم نفس الشي يحتاجون توعيه واهتمام ونصائح وارشادات ومسايره بالعقليه لان الاهالي جانو بزمن احنا بغير زمن مختلف اختلف بي كلشي والاهل مديتفهمون بهل وقت افكار اولادهم
    وما انكر انو الاولاد هم لو يسون الي يعجبهم لو خلص ايدمرون سمعة وتعب الداير مدايرهم بس اتصور الحمل الاكبر يكون على الاهل وتربيتهم وارشاد الاولاد للشي الصحيح
    وتحياااااااااتي الك اسفه على الاطاله


    _________________
    [ندعوك للتسجيل في المنتدى أو التعريف بنفسك لمعاينة هذا الرابط]

    [ندعوك للتسجيل في المنتدى أو التعريف بنفسك لمعاينة هذا الرابط]


    عندما نسقي عطشان كأس ماء نكون في الميلاد عندما نكسي عريان ثوب حب نكون في الميلاد عندما نكفكف الدموع في العيون نكون في الميلاد عندمانفرش القلوب فالرجاء نكون في الميلاد
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الأمر الواقع Empty رد: الأمر الواقع

    مُساهمة من طرف malath sana في الجمعة أغسطس 01, 2008 12:36 am

    شكرا ابو السوس على تعليقك الرائع وهالشي فعلا ديصير هواية ومع الأسف بمجتمعنا المسيحي تحياتي اللك
    وشكرا اخت بترفلاي على رأيج واكيد العائلة الها دور كلش جبير بهالمواقف
    وشكرا جوليا على رأيج الحلو وتحياتي اللج
    وشكرا اللج براتي وعلى رأيج الحلو كلش وعلى مثالج الرائع وفعلا الأهل يزرعون نبتة ويربوها مثل ماهمة يريدون ويكدرون يحددون شلون راح تطلع هاي النبتة تحياتي الكم وشكرا على مروركم
    دينا صنا
    دينا صنا
    عضو مميز جدا

    انثى عدد الرسائل : 2858
    العمر : 30
    الدولة : usa
    الدولة : 0
    تاريخ التسجيل : 06/11/2007

    الأمر الواقع Empty رد: الأمر الواقع

    مُساهمة من طرف دينا صنا في الجمعة أغسطس 01, 2008 3:28 am

    موضوع كلش حلو ويصير بزمنا هذا وصاير بالازمنة الي كانت قبلنا ورايي
    اولا لازم الاولاد يعني الشاب او البنت لازم يتناقشون ويا اهلهم ويعرفون وجهة نظرهم والاهل كذالك لازم يعرفون وجهة نظر اولادهم ويوصلون لحل الطرفين يكون راضي بي وطبعا الزواج بالطريقة السرية غلط لان الانسان من يريد يبني علاقة لازم يبنيها على اساس صحيح حتى لا ياثر اي شي بيها ولازم يبدون حياتهم في النور ومباركة ورضا الاهل شي كلش مهم بحياتنا لان هما الهم فضل علينا وبالمقابل الاهل هم لازم يشوفون اولادهم شيردون وينطوهم حرية اختيارهم وينصحوهم وطولت عليكم سوري وميرسي ابن عمي
    hind
    hind
    عضو مميز
    عضو مميز

    انثى عدد الرسائل : 1394
    العمر : 47
    الدولة : u s a
    تاريخ التسجيل : 13/07/2008

    الأمر الواقع Empty رد: الأمر الواقع

    مُساهمة من طرف hind في الجمعة أغسطس 01, 2008 4:39 pm

    اهلين ملاذ
    طبعا موضوعك كلش حلووهو موجودبزمنا وبزمن اللي قبلنا وحلو شاب وشابة يزوجون عن حب بس اكيد هذا
    الحب المفروض اهالي الطرفين يكونون موافقين علمود حياتهم الزوجية تكون
    ناجحة اهم شي يكونون الشاب والشابة من نفس الدين وماكو داعي يزوجون بالسر
    لانه هاي الفرحة ماتتكرر لانها فرحة العمر (خاصة البنية خوما يومية تلبس
    البدلة البيضة الحلوة):::::::::::سلامي وسلام وسام لاهل البيت
    جميعا:::::::تحياتنا
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الأمر الواقع Empty رد: الأمر الواقع

    مُساهمة من طرف malath sana في الجمعة أغسطس 01, 2008 5:29 pm

    شكراً على مروركم الحلو بت عمي وهند واكيد اني اشوف كلشي يعتمد على الأهل وتفهمهم وثقافتهم وثقتهم بأبنائهم وشلون يحترمون اختياراتهم اكيد
    يوصل سلامج هند وسلام وسام سلامي لوسام وللعائلة كلها وللصغار وسلامي لصديقي روااااد بليييز تحياتي
    hind
    hind
    عضو مميز
    عضو مميز

    انثى عدد الرسائل : 1394
    العمر : 47
    الدولة : u s a
    تاريخ التسجيل : 13/07/2008

    الأمر الواقع Empty رد: الأمر الواقع

    مُساهمة من طرف hind في الجمعة أغسطس 01, 2008 11:45 pm

    اهلين ملاذ
    يوصل سلامك لرواد بس اني حاليا بعيدة عليه .. اتزوج العام الماضي بشهر 11
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الأمر الواقع Empty رد: الأمر الواقع

    مُساهمة من طرف malath sana في السبت أغسطس 02, 2008 6:21 pm

    تسلمين هند والف مبروك الة ياربي يتوفق بحياتة تحياااتي لكل العاائلة
    luay sana
    luay sana
    عضو فعال
    عضو فعال

    ذكر عدد الرسائل : 81
    العمر : 40
    تاريخ التسجيل : 12/03/2008

    الأمر الواقع Empty رد: الأمر الواقع

    مُساهمة من طرف luay sana في الأحد أغسطس 03, 2008 2:41 am

    والله يا ابن عمي الموضوع هذا خطير بمجتمعنا المسيحي ومخالف لكل عاداتنا وتقاليدنا واخلاقنا
    بس مثل ما علق ابن عمي سالار عن الحالة اللي صارت لازم الأهل يتفهمون ويقدرون اختيار اولادهم ويحترمون رأيهم والحب اللي ديصير بين الولد والبنية وبنفس الوقت منتجاوز على اهالينا ولا لتقاليدنا اللي تربينا عليها واللي صار بالمثال اللي كالة ابن عمي سالار هو درس للأهل علمود يكونون اكثر متفهمين ونتمنى ما نشوف هيجي شي بمجتمعنا المسيحي وتحياتي والله يوفق الجميع
    لؤي صنا
    واني اشكرك ابن عمي ملاذ على هذا الموضوع المهم واللي لازم الكل يكونون حذرين منة وشكرا
    selva_s
    selva_s
    عضو مميز
    عضو مميز

    انثى عدد الرسائل : 667
    العمر : 35
    الدولة : 0
    تاريخ التسجيل : 05/12/2007

    الأمر الواقع Empty رد: الأمر الواقع

    مُساهمة من طرف selva_s في الأحد أغسطس 03, 2008 6:46 pm

    عاشت ايدك ملاذ على هالموضوع
    هاي الحالة موجودة من زمان ولحد الان هواية نسمع بهيجي حالات
    بس اني برأي الزواج عن حب حلو بس يكون الاهل راضين على هذا الشي
    بس الولد والبنيه اذا خلو اهلهم بامر الواقع هذا شي غلط
    وما اعتقد الاهل مسؤولين عن هذا الشي ولا صحيح نذب اللوم على الاهل
    لان اذا الاهل يعارضون فأكيد هذا الشي لمصلحة ولدهم او بنتهم
    واول وتالي سواء كان ولد او بنية المفروض يرفعون راس اهلهم احتراما للتعب الي تعبو عليهم
    ولو طولتهة عليك ملاذ
    شكرا الموضوع حلو كلش

    تقبل مروري
    selva_s
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الأمر الواقع Empty رد: الأمر الواقع

    مُساهمة من طرف malath sana في الأحد أغسطس 03, 2008 8:01 pm

    شكرا ابن عمي على تعليقك ورأيك الحلو وتحياتي الك وشكرا بت عمتي على رأيج الحلو والصريح تحياتي الكم
    samer sana
    samer sana
    عضو فعال
    عضو فعال

    ذكر عدد الرسائل : 197
    العمر : 30
    العمل/الترفيه : طالب s.w.e
    الدولة : Iraq/ baghdad /meedan city
    تاريخ التسجيل : 20/03/2008

    الأمر الواقع Empty رد: الأمر الواقع

    مُساهمة من طرف samer sana في الإثنين أغسطس 04, 2008 3:02 am

    برت عم موضوعك كلش حلو و مهم بنفس الوكت ,طبعا مثل مكالو الاخوان هاي الحالة موجودة و انتشرت هسة بكثرة بوكتنة وخير دليل المثال الي انطا سالار وطبعا بهالحالة الاهل يكونون السبب لان يكونين ضاغطين على ولدهم بشكل مو طبيعي بحيث يخلي الولد او البنية يسوون الشي الي همة يريدو حتى يمكن بدون تفكير بس المهم انو يسوو وخلص و هم الولد او البنية يكونون غلطانين لان همة يكدرون يفكرون سوة خاصتا اذا كانو يحبون بعض ويوصلون الفد حل يكدرون بي يقنعون اهلهم وبهالحالة راح يتزوجون وبعلم و احترام الكل وبدون ميخسرون احترام الناس...... تحييييييييياتي لبي واسف عالاطالة
    malath sana
    malath sana
    عضو مميز جدا

    ذكر عدد الرسائل : 1996
    العمر : 33
    العمل/الترفيه : A.S.U
    الدولة : U.S.A - CA san diego
    تاريخ التسجيل : 06/02/2008

    الأمر الواقع Empty رد: الأمر الواقع

    مُساهمة من طرف malath sana في الإثنين أغسطس 04, 2008 3:06 am

    تسلم برت عم على مرورك الحلو ورأيك الرائع واكيد اذا اكو حب فعلا بين الحبيبين مراح يفكرون يكملون حياتهم بهالطريقة وبدون موافقة الأهل وكلشي ينحل بالعقل ويكدرون يقنعون اهاليهم واكيد الأهل يريدون مصلحة اولادهم تحياتي اللك وشكرا لمرورك الحلو

      الوقت/التاريخ الآن هو الثلاثاء سبتمبر 17, 2019 5:24 am